09-Sep-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ସୋନପୁର ମୁଖ୍ୟ ରାସ୍ତାରେ ଏକ ଅଜଣା ଗାଡ଼ି ଧକ୍କାରେ ଆହତ ହୋଇ ଛଟପଟ ହେଉଥିବା ମାଙ୍କଡକୁ କେତେକ ସ୍ୱେଚ୍ଛାସେବୀ ସେବା କରିଥିଲେ ମଧ୍ୟ ଶେଷରେ ମାଙ୍କଡଟି ଆଖି ବୁଜି ଦେଇଥିଲା ଯାହାକି ସେବାକାରୀ ମାନେ ମାଙ୍କଡ଼ର ମୃତ୍ୟୁରେ କିଛି ସମୟ ନିଜକୁ ସମ୍ଭାଳି ପାରି ନଥିଲେ  ।ଘଟଣାଟି ଦେଖିବାକୁ ମିଳିଥିଲା ମୁଖ୍ୟ ରାସ୍ତାର ଚୌକିଯୋର ବ୍ରିଜ ନିକଟରେ।ସୂଚନା ଯୋଗ୍ୟ ଯେ ବର୍ତ୍ତମାନ ଜଙ୍ଗଲରେ ଖାଦ୍ୟ ଅଭାବରୁ ମାଙ୍କଡ ମାନେ ଗାଁ ଓ ସହର ମୁହାଁ ହେଉଛନ୍ତି । ଏ ଘର ସେ ଘର ଡିଆଁ ମାରି ଦୌଡୁଛନ୍ତି  ।ବାଡ଼ି ବଗିଚାରେ ହୋଇଥିବା ପନିପରିବା ଖାଇ ଯାଉଛନ୍ତି ।ଲୋକେ ବାଧ୍ୟ ହୋଇ କ୍ଷତି ସହୁଛନ୍ତି ।ରାସ୍ତାରେ ମଧ୍ୟ ମାଙ୍କଡ ପଲ ଧା ଧପଡ କରୁଥିବା ବେଳେ କେତେକ ମାଙ୍କଡ ବିଭିନ୍ନ ଯାନବାହନରେ ପିଟି ହୋଇ ଜୀବନ ହାରୁଛନ୍ତି ।ଯାହାକି ଆଜି ଦିନ ପ୍ରାୟ ୨ଘଣ୍ଟା ୩୦ମି ରେ ଦେଖିବାକୁ ମିଳିଥିଲା ଏକ ମାଙ୍କଡ ଗାଡ଼ିରେ ପିଟି ହୋଇ ରାସ୍ତାରେ ଛଟପଟ ହେଉଥିଲା ଠିକ ସେହି ସମୟରେ କେତେକ ସେଚ୍ଛାସେବୀ ପହଞ୍ଚି ଆହତ ମାଙ୍କଡକୁ ପାଣି ପିଆଇ ତାର ସେବା କରିଥିଲେ।ଅଧିକ ଚିକିତ୍ସା ପାଇଁ ବନ ବିଭାଗ ଅଧିକାରୀଙ୍କୁ ଖବର ଦିଆଯାଇଥିଲା ହେଲେ  ଅଧଘଣ୍ଟା ପରେ ମାଙ୍କଡ ଟି ଆଖି ବୁଜି ଦେଇଥିଲା।ଯାହା ଫଳରେ ଉପସ୍ଥିତ ଥିବା ସ୍ୱେଚ୍ଛାସେବୀଙ୍କ ମନରେ ଦୁଃଖ ଅନୁଭବ ହୋଇଥିଲା ଶେଷରେ ମୃତ ମାଙ୍କଡ କୁ ରାସ୍ତା ପାର୍ଶ୍ୱରେ ଏକ ଗାତରେ ଦାହ କରାଯାଇଥିଲା।