09-Jul-2026

ବଲାଙ୍ଗୀର(ପ୍ରେରଣା ଖବର)-ବଲାଙ୍ଗୀର କଂସାରୀପଡା ନୀବାସୀ ବିଶିଷ୍ଟ ବ୍ୟବସାୟୀ ଚନ୍ଦ୍ରଶେଖର ଅଗ୍ରୱାଲଙ୍କ ପରଲୋକ ହୋଇଯାଇଛି । ହଠାତ ତାଙ୍କ ଦେହ ଅସୁସ୍ଥ ହୋଇଥିଲା । ତାଙ୍କୁ ସମ୍ବଲପୁରର ଏକ ଘରୋଇ ହସପିଟାଲକୁ ନିଆଯାଇ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଯାଇଥିଲା । ଶ୍ରୀ ଅଗ୍ରୱାଲ ବଲାଙ୍ଗୀର ସହରର ଜଣେ ଜଣାଶୁଣା ବ୍ୟକ୍ତି ତଥା ବ୍ୟବସାୟୀ ଥିଲେ । ତାଙ୍କ ବିୟୋଗରେ ସହରର ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି । ସ୍ଥାନୀୟ ବିଭୁତିପଡା ଶ୍ମସାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା । ତାଙ୍କ ବିୟୋଗରେ ବଲାଙ୍ଗୀର ସହର ତଥା ତାଙ୍କ ପୈତୃକଗ୍ରାମ ପୁଡାପାଲିରେ ଗଭୀର ଶୋକ ପ୍ରକାଶ ପାଇଛି । ତାଙ୍କ ଶେଷ ଦର୍ଶନରେ ବଲାଙ୍ଗୀରର ମାରୱାଡି ସମାଜର କର୍ମକର୍ତ୍ତା ତଥା  ବହୁ ବିଶିଷ୍ଟ ବ୍ୟକ୍ତିଗଣ ଯୋଗଦେଇଥିଲେ । ତାଙ୍କ ମୃତ୍ୟୁଶର୍ଯ୍ୟାରେ ତାଙ୍କ ଭାଇ ସୁରେଶ ଅଗ୍ରୱାଲ,ଧର୍ମପତ୍ନୀ ,ପୁତ୍ର ଶୈଳେନ୍ଦ୍ର ଅଗ୍ରୱାଲ,ଅନୋଜ ଅଗ୍ରୱାଲ ଓ ମନୋଜ ଅଗ୍ରୱାଲଙ୍କ ସମେତ ପରିବାର ବର୍ଗ ଉପସ୍ଥିତ ରହିଥିଲେ ।