06-Sep-2026

ବିନିକା(ହିମାଂଶୁ ଶେଖର ପୁଟେଲ)ଗୁରୁ ଯିଏ ଜୀବନକୁ ସଠିକ ମାର୍ଗରେ ପରିଚାଳିତ କରି ଭଲ ମଣିଷ ହେବାର ପଥ ଶିଖାନ୍ତି ।ତାଙ୍କର ପବିତ୍ର ଦିବସ ଶନିବାର ସାରା ରାଜ୍ୟରେ ପାଳିତ ହେଉଥିବା ବେଳେ ଅନ୍ୟପଟେ ଓସ୍ନେଲିଆ ସଂଘ ତରଫରୁ ଏହି ଦିବସକୁ ପ୍ରତିବାଦ ଦିବସ ଅର୍ଥାତ୍ କଳା ଦିବସ ଭାବେ ପାଳନ କରିଥିବା ଜଣାପଡ଼ିଛି ।ଏହି ପରିପ୍ରେକ୍ଷୀରେ ସୁବର୍ଣ୍ଣପୁର ଜିଲ୍ଲା ଓସ୍ନେଲିଆ ସଂଘ ବ୍ୟବସ୍ତା ପ୍ରମୁଖ ତଥା ବିନିକା ଖଣ୍ଡ ସଂଯୋଜକ ବିଶ୍ୱନାଥ ମିଶ୍ରଙ୍କ ନେତୃତ୍ୱରେ ସିଦ୍ଧାର୍ଥ କଲେଜ ପରିସରରେ କାର୍ଯ୍ୟରତ ଅଧ୍ୟାପକ,ଅଧ୍ୟାପିକା ଓ କର୍ମଚାରୀ ମିଳିତ ହୋଇ କଳା ବ୍ୟାଚ ପରିଧାନ ପୂର୍ବକ ଗୁରୁଦିବସକୁ କଳା ଦିବସ ଭାବେ ପାଳନ କରିଥିବା ଦେଖିବାକୁ ମିଳିଥିଲା।ସୂଚନା ଯୋଗ୍ୟ ଯେ ୨୦୦୮ରୁ୨୦୧୮ମସିହା ମଧ୍ୟରେ ସମସ୍ତ ସରକାରୀ ଓ ବେସରକାରୀ କଲେଜରେ ପରିଚାଳନା କମିଟି ଦ୍ୱାରା ନିଯୁକ୍ତ ଅଧ୍ୟାପକ,ଅଧ୍ୟାପିକା ଓ କର୍ମଚାରୀ ମାନଙ୍କୁ ସ୍ଥାୟୀ ନିଯୁକ୍ତିରେ ଅନ୍ତର୍ଭୁକ୍ତ କରିବା ପାଇଁ ସଂଘ ପକ୍ଷରୁ ଦୀର୍ଘ ଦିନ ହେଲା ଦାବୀ ହୋଇଆସୁଛି l ଗତ ୨୦୨୫ଡିସେମ୍ବର ମାସରେ ମାନ୍ୟବର ମୁଖ୍ୟମନ୍ତ୍ରୀ ଉକ୍ତ ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଥିଲେ ମଧ୍ୟ ଏପର୍ଯ୍ୟନ୍ତ ତାହା ପୂରଣ ହୋଇନାହିଁ ।ଯାହାକି ସରକାର ଦେଇଥିବା ପ୍ରତିଶ୍ରୁତି କୁ ପୁନର୍ବାର ମନେ ପକେଇବା ନେଇ ସଂଘ ତରଫରୁ ପ୍ରତିବାଦ କରାଯାଇଛି ।ପ୍ରମୁଖ ଦାବୀ ଯଦି ସରକାର ପୂରଣ ନକରନ୍ତି ତେବେ ଆଗାମୀ ଦିନରେ ଜୋରଦାର ଆନ୍ଦୋଳନ କରାଯିବ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି  l ଅନୁଷ୍ଟିତ ଏହି ପ୍ରତିବାଦ କାର୍ଯ୍ୟକ୍ରମରେ ମାନସ ରଞ୍ଜନ ମିଶ୍ର,ପ୍ରମିତା କୁମାରୀ ମିଶ୍ର,ଭାରତୀ ବାବୁ,ମାନସ ନାୟକ,ରୋହିତ ଧରୁଆ,ଝଲକ ମିଶ୍ର ସାମିଲ ହୋଇଥିଲେ।