10-Jun-2026

ନବରଙ୍ଗପୁର:(ପ୍ରିୟଦର୍ଶିନୀ ପାତ୍ର)  ନବରଙ୍ଗପୁର ଜିଲ୍ଲା ଡାବୁଗାଁ ଥାନା  ଅଧୀନ  ଡ଼ଙ୍ଗରୀଗୁଡା ଗ୍ରାମ ନିକଟ କାଜୁ ବଗିଚା ମଧ୍ୟରେ ଚାଲିଥିବା ଖୁଡୁଖୁଡି ଖେଳ ଉପରେ ଡାବୁଗାଁ ପୋଲିସ ଚଢାଉ କରି ୫ ଜଣଙ୍କୁ ଗିରଫ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା  ଅଧୀନ ଡାବୁଗାଁ  ଗ୍ରାମ ନିକଟ କାଜୁ ବଗିଚା ମଧ୍ୟରେ ଖୁଡୁଖୁଡି ଖେଳ ଚାଲିଥିବା ପୋଲିସ ଖବର ପାଇ ଉକ୍ତ ସ୍ଥାନରେ ଚଢାଉ କରିଥିଲା | ପୋଲିସ ପହଞ୍ଚିବା ଦେଖି ସେଠାରେ ଖେଳୁଥିବା ଲୋକେ ଦୌଡି ପଳାଇଥିଲେ | ୫ ଜଣ  ଲୋକ ପୋଲିସ ହାତରେ ଧରା ପଡିଥିଲେ  | ଏଥିରେ ୬ ଟି ଗୋଟି, ୧ ଟି ପାଲି, ୧ ଟି ଝୁଡି ଓ ୩ ହଜାର ୨  ଶହ ଟଙ୍କା  ଜବତ କରାଯାଇଛି | ଏଥିରେ ସମ୍ପୃକ୍ତ ଡ଼ଙ୍ଗରୀଗୁଡା  ଗ୍ରାମର ଲଛମନ  ହରିଜନ, ସଦାଶିବ ଚାଲାଣ, ଭଗତ ଭତ୍ରା, ଉଗ୍ରସେନ ବିନ୍ଧାଣୀ ଓ ଧରମ ପାନକାଙ୍କୁ ଗିରଫ କରାଯାଇଛି | ଥାନା ଆଇଆଇସି ଲଚ୍ଛମୀ  ପରଜାଙ୍କ ନେତୃତ୍ୱରେ  ଏଏସଆଇ ବ୍ୟାସ କୁମାର ଜାନୀ ଓ ରାମଚନ୍ଦ୍ର ନାୟକ  ସମେତ ପୋଲିସ କର୍ମଚାରୀ ମାନେ ଚଢାଉରେ ସାମିଲ ଥିଲେ |