08-Feb-2021

ସମ୍ବଲପୁର(ସଂଜୀବ କୁମାର ପାଣିଗ୍ରାହୀ): ଓଡିଶା ପାଇଁ ଗୌରବ ଆଣିଲେ ଓଡ଼ିଆ ଝିଅ ମିମାଂଶା ରଥ। ସେ ଅପେରା ମିସ ଇଣ୍ଡିଆ ୨୦୨୧ର ପ୍ରଥମ ରନର୍ସ ଅଫ୍‌ ଟ୍ରଫି ଜିତିବାର ସୌଭାଗ୍ୟ ପ୍ରାପ୍ତି କରିଛନ୍ତି । ସେ ସମ୍ବଲପୁରସ୍ଥିତ ଅଇଁଠାପାଲି ବାସିନ୍ଦା ଅବସରପ୍ରାପ୍ତ ରିଡର ଆର କେ ରଥ ଓ କାମିନୀ ରଥଙ୍କ କନ୍ୟା। ସଦ୍ୟ ଅନ ଲାଇନରେ ଆୟୋଜିତ ହୋଇଥିବା ସୁନ୍ଦରୀ ପ୍ରତିଯୋଗିତାରେ ୨୦୦ରୁ ଅଧିକ ଜଣ ଅଂଶ ଗ୍ରହଣ କରିଥିବା ବେଳେ ସମସ୍ତଙ୍କୁ ପଛରେ ପକାଇ ଫାଇନାଲ୍‌ରେ ପହଞ୍ଚିଥିଲେ। ସୋ’ ର ମୁଖ୍ୟ ଅନୁଜ ତଥା ନିର୍ଦ୍ଦେଶିକା ମୋନିକା ସମସ୍ତେ ତାଙ୍କ ପ୍ରଦର୍ଶନକୁ ପ୍ରଶଂସା କରିଥିବା ବେଳେ ଜଜ୍‌ମାନେ ମଧ୍ୟ ତାଙ୍କ ଉଜ୍ଜ୍ବଳ ଭବିଷ୍ୟତ କାମନା କରିଛନ୍ତି।

ଏକାଧାରରେ ଜଣେ ସଙ୍ଗୀତଜ୍ଞ, ୟୁ ଟ୍ୟୁବର, ଉଦଘୋଷିକା ହେଲେ ମଧ୍ୟ ମଡେଲିଙ୍ଗ ପ୍ରତି ତାଙ୍କର ଥିଲା ଅହେତୁକ ଦୁର୍ବଳତା। ଫ୍ୟାସନ ଦୁନିଆ ତାଙ୍କୁ କୋଳେଇ ନେଇଥିଲା ଏଇ ଲକଡାଉନ୍‌ରେ ଘରେ ବସି ସମସ୍ତେ ସମୟ ଅତିବାହିତ କରୁଥିବାବେଳେ ସେ ସମୟର ସଠିକ ଉପଯୋଗ କରି ନିଜ ଭବିଷ୍ୟତ ଗଢିବାରେ ଲାଗିଥିଲେ। ଏଥିଲାଗି ବାଧାବିଘ୍ନ ଆସିଥିଲା ହେଲେ ସେ ଅଟକି ନଥିଲେ । ନିଜର ଦକ୍ଷତା ରେ ସେ ତିନୋଟି ସୁନ୍ଦରୀ ପ୍ରତିଯୋଗିତା ଯଥାକ୍ରମେ ଅପେରା ମିସ ଇଣ୍ଡିଆ ରେପ୍ରଥମ ରନର୍ସ ଅପ ଓ ମିସ ଡାଇମଣ୍ଡ କୁଇନ, ମିସ ଡ୍ରିମ ସମ୍ବଲପୁର ରେ ରନର୍ସ ଅପ ହେବାର ସୌଭାଗ୍ୟ ଅର୍ଜନ କରିଛନ୍ତି।

ମୁଁ ପିଲାଦିନୁ ମୋର ଉଚ୍ଚ ଆକାଂକ୍ଷା ପାଇଁ ବିଭିନ୍ନ ପ୍ଲାଟଫର୍ମରେ ଭାଗ ନେବା ନେଇ ଦୃଷ୍ଟି ରଖିଥିଲି। କରୋନା ମହାମାରୀ ମୋ ଜୀବନରେ ଆଶୀର୍ବାଦ ଭାବରେ ଆସିଥିଲା ​​ଏବଂ ମୁଁ ମୋର ଦକ୍ଷତା ଦେଖାଇବା ଏବଂ ମୋର ସ୍ୱପ୍ନକୁ ସାକାର କରିବା ପାଇଁ ସମସ୍ତ ପ୍ରତିଯୋଗୀତାରେ ଅଂଶ ଗ୍ରହଣ କରିବା ଆରମ୍ଭ କରିଥିଲି। ମୁଁ ଏହା ହାସଲ କରିବା ପାଇଁ ଏକ ମଡେଲ୍ ଭାବରେ ନିଜକୁ ଗଢ଼ିବାକୁ ଲାଗିଲି |ଦୃଢ ଆତ୍ମବିଶ୍ବାସ ଏବଂ ମୋର ଆଗ୍ରହ ମୋତେ ସର୍ବୋତ୍ତମ ସନ୍ଧାନ କରିବାରେ ସାହାଯ୍ୟ କରିଛି ଏବଂ ମୁଁ ନିଶ୍ଚିତ ଯଦି ମୋତେ ଭବିଷ୍ୟତରେ ସୁଯୋଗ ଦିଆଯାଏ ତେବେ ମୁଁ ଫ୍ୟାଶନ୍ ଇଣ୍ଡଷ୍ଟ୍ରିରେ ଏକ ସକରାତ୍ମକ ପରିବର୍ତ୍ତନ କରିପାରିବି ” ଏହା ମିମାଂଶା ଜଣେଇଛନ୍ତି। |

ଓଡିଶା ପାଇଁ କିଛି କରିବାର ସ୍ୱପ୍ନ ଦେଖିଥିବା ମିମାଂଶା କେବେ ପଛକୁ ନ ହଟି ଫ୍ୟାସନ ଇଣ୍ଡଷ୍ଟ୍ରି ରେ କିଛି ନୂଆ କରିବା ପାଇଁ ସଂକଳ୍ପ ନେଇଛନ୍ତି। ଓଡିଶା ର ଝିଅ ମାନଙ୍କୁ ଅଧିକ ସୁଯୋଗ ମିଳିଲେ ସେମାନେ ବିଶ୍ବସ୍ତରରେ ନିଜର ଆଖ୍ୟା ଅର୍ଜନ କରିପାରିବେ ବୋଲି ତାଙ୍କ ଆଶା