26-Sep-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ସରସ୍ବତୀ ଶିଶୁ ବିଦ୍ୟା ମନ୍ଦିର ଡୁଙ୍ଗୁରିପାଲିରେ ବନ୍ଦେ ମାତରଂ ର ୧୫୦ ବର୍ଷ ପୂର୍ତ୍ତି ଅବସରରେ ନମାମି ଭାରତମ  କାର୍ଯ୍ୟକ୍ରମ ମହାସମାରୋହରେ ପାଳନ କରାଯାଇଥିଲା | ଏହି କାର୍ଯ୍ୟକ୍ରମରେ ଡୁଙ୍ଗୁରିପାଲି ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଗଣେଶ କିଶାନ ମୂଖ୍ୟ ଅତିଥି ଓ ବିଦ୍ୱତ ପରିଷଦ କାର୍ଯ୍ୟକର୍ତ୍ତା ଶ୍ରୀଯୁକ୍ତ ଘନଶ୍ୟାମ ମେହେର କାର୍ଯ୍ୟକ୍ରମ ସଂଯୋଜକ ରୂପେ ଯୋଗ ଦେଇଥିଲେ | ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ବିଭୂତି ଭୂଷଣ ପଣ୍ଡା ଅତିଥି ପରିଚୟ କରିଥିଲେ | ସରସ୍ଵତୀ ଶିଶୁ ବିଦ୍ୟା ମନ୍ଦିର ଡୁଙ୍ଗୁରିପାଲି ଆନୁକୂଲ୍ୟରେ ଆଉ ୪ ଟି ଶିକ୍ଷାନୁଷ୍ଠାନ ଯଥା  ଡୁଙ୍ଗୁରିପାଲି ମହିଳା ମହାବିଦ୍ୟାଳୟ , ଆୟନ ଉଚ୍ଚ ମାଧ୍ୟମିକ ବିଦ୍ୟାଳୟ ଚେରୁପାଲି , ପଞ୍ଚବଟୀ ବିଦ୍ୟା ନିକେତନ ଡୁଙ୍ଗୁରିପାଲି ଓ ଶିଶୁ ବିକାଶ ବିଦ୍ୟା ମନ୍ଦିର କୁଶାମାଳ ରେ ନମାମି ଭାରତମ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା | ଉକ୍ତ କାର୍ଯ୍ୟକ୍ରମରେ ଛାତ୍ର, ଛାତ୍ରୀ ,ଗୁରୁଜୀ ,ଗୁରୁମା ଅଧ୍ୟାପକ, ଅଧ୍ୟାପିକା ,ସେବକ, ସେବିକା, ଅଭିଭାବକ,  ଅଭିଭାବିକା ଏବଂ ଅତିଥି ଅଧିକାରୀ ମିଶି ସର୍ବମୋଟ ୧୫୯୮ ଜଣ ଅଂଶ ଗ୍ରହଣ କରିଥିଲେ  | ସମସ୍ତ ଶିକ୍ଷାନୁଷ୍ଠାନ ର କାର୍ଯ୍ୟକର୍ତ୍ତା ବୃନ୍ଦ ପୂର୍ଣ୍ଣ ସହଯୋଗ କରିଥିଲେ  |