04-May-2026

ବଲାଙ୍ଗିର(ପ୍ରେରଣା ଖବର)- ବଲାଙ୍ଗିର ପାଟଣାର ଇଷ୍ଟଦେବୀ ମାଁ ପଟେଣେଶ୍ୱରୀ ଦେବୀଙ୍କ ୧୫୦ ବର୍ଷ ପୁର୍ତ୍ତି ଅବସରରେ ବିଭିନ୍ନ ମନ୍ଦିରର ପରିକ୍ରମା ପ୍ରକଳ୍ପ କାମ ସମ୍ପୁର୍ଣ୍ଣ ହୋଇନଥିବାରୁ ଏ ନେଇ ଦେବାଳୟ ଐତିହ୍ୟ ସୁରକ୍ଷା କମିଟି ଶନିବାର ଦିନ ସନ୍ଧ୍ୟା ସମୟରେ ମନ୍ଦିର ପ୍ରାଙ୍ଗଣରେ ପ୍ରଶାନ୍ତ ମହାକୁରଙ୍କ ଆବାହକତ୍ୱରେ ଅନୁଷ୍ଠିତ ହୋଇଥିଲା । ପରିଚାଳନା କରିଥିଲେ ଅର୍ଜୁନ ସାହୁ । ଏ ନେଇ ମନ୍ଦିରର ପୂଜକ ମଧୁସୁଦନ ଦିସ୍ରୀ କମିଟି ସହ ଆଲୋଚନା କରିଥିଲେ । ମାଁ ଙ୍କ ପ୍ରତିମୁର୍ତ୍ତିରେ ନିର୍ମାଣ ହୋଇଥିବା ପରଭା ୧୯୯୩ ରେ ନିର୍ମାଣ ହୋଇଥିବା ମାଁ ଙ୍କ ପରଭା ଫାଟ ଫାଟ ସୃଷ୍ଟି ହୋଇଛି । ଏହା ମାଁ ଙ୍କ ପ୍ରତିମୁର୍ତ୍ତିରେ ଚୁନ ପଥର ପଡୁଛି । ଗମ୍ଭିରା ଘର ମୁଖ୍ୟ ଗେଟ ଭାଙ୍ଗି ଯାଇଛି । ଏ ନେଇ ବାରମ୍ବାର ପ୍ରଶାସନକୁ ଜଣାଇଲେ ମଧ୍ୟ କିଛି କାର୍ଯ୍ୟକାରୀ ହୋଇନାହିଁ । ଦେବାଳୟ ଐତିହ୍ୟ

ସୁରକ୍ଷା କମିଟି ମାଁ ଙ୍କ ଆଜ୍ଞା ମାଗି ମନ୍ଦିର ଦ୍ୱାରରେ ଟିଖିନିଖି ତଦାରଖ କରିଥିଲେ । ଆଗାମୀ ଦିନରେ ଉପମୁଖ୍ୟମନ୍ତ୍ରୀ ଓ ବଲାଙ୍ଗିର ବିଧାୟକ ଏବଂ ଦେବୋତ୍ତର ବିଭାଗ ସହ ଆଲୋଚନା କରିବେ ବୋଲି ନିଷ୍ପତ୍ତି ନେଇଥିଲେ । ପାଟଣେଶ୍ୱରୀ ମହୋତ୍ସବରେ ଆୟ ବ୍ୟୟ ପଠନ ହୋଇଥିଲା । ଜୟ କୁମାର ଆଚାର୍ଯ୍ୟ ସ୍ମରଣିକା କମିଟିର ଆଗାମୀ ମାସରେ ଏହା ବିଭିନ୍ନ ସ୍କୁଲ, କଲେଜ ଓ ଲାଇବ୍ରେରୀ କୁ ଅର୍ପଣ କରାଯିବ ବୋଲି କହିଥିଲେ । ଏଥିରେ କବିରାଜ ଭୋଇ, ରିଣ୍ଟୁ ସାହୁ, ସଂଜୟ ବିଶ୍ୱାଲ ଓ ଧନ୍ୟବାଦ ଅର୍ପଣ କରିଥିଲେ ଭବାନୀ ଶଙ୍କର ଭୋଇ । ରାଜ୍ୟ ସରକାରଙ୍କୁ ଏ ନେଇ ରାଜ୍ୟ ସରକାରକୁ ଏକ ଦାବିପତ୍ର ଦେଇ ସ୍ୱତନ୍ତ୍ର ଅନୁଦାନ ଦେବା ପାଇଁ ଦାବି କରିଛନ୍ତି ।