31-Mar-2026

ବଲାଙ୍ଗୀର (ପ୍ରେରଣା ଖବର): ସରକାରୀ ମହିଳା ମହାବିଦ୍ୟାଳୟରେ ସ୍ନାତକୋତ୍ତର ସଂସ୍କୃତ ବିଭାଗ ତଥା ସଂସ୍କୃତ ଭାରତୀ, ଉତ୍କଳର ମିଳିତ ଆନୁକୂଲ୍ୟରେ 'ସରଳ ମାନକ ସଂସ୍କୃତ’ ଶୀର୍ଷକ ଏକ ଜାତୀୟ କାର୍ଯ୍ୟଶାଳା ଅନୁଷ୍ଠିତ ହୋଇଯାଇଛି I ଉକ୍ତ କାର୍ଯ୍ୟକ୍ରମଟି ମହାବିଦ୍ୟାଳୟର ଅଧ୍ୟକ୍ଷ ଡଃ ଅରବିନ୍ଦ କୁମାର ଓଝାଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଥିବାବେଳେ  ଅଧ୍ଯକ୍ଷ ସ୍ବାଗତ ଭାଷଣ ପ୍ରଦାନ କରିଥିଲେ I ଏ ଅବସରରେ ଭାରତୀୟ ଭାଷା ସମିତିର ଅଧ୍ୟକ୍ଷ ପଦ୍ମଶ୍ରୀ ଚମୂକୃଷ୍ଣ ଶାସ୍ତ୍ରୀ ମୁଖ୍ୟ ଅତିଥି ଭାବରେ ଅନ୍ ଲାଇନ ଯୋଗଦେଇ ସରଳ ମାନକ ସଂସ୍କୃତର ଆବଶ୍ୟକତା ତଥା ମହତ୍ତ୍ୱ ପ୍ରତିପାଦନ କରିଥିଲେ ।  ବିଭାଗୀୟ ମୁଖ୍ୟ ଡଃ ସଦାଶିବ ମଲ୍ଲିକ ଅତିଥି ପରିଚୟ ପ୍ରଦାନ କରିଥିଲେ I ଶ୍ରୀ ଅଜିତ କୁମାର ପଣ୍ଡା ଉକ୍ତ କାର୍ଯ୍ୟଶାଳା ର ଉଦ୍ଦେଶ୍ୟ ଉପସ୍ଥାପନ କରିଥିଲେ । ମଞ୍ଚ ସଞ୍ଚାଳନ ଅଧ୍ଯାପକ ଡଃ ସମୀର ବିଶ୍ବାଳ,  ରଞ୍ଜିତ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ I ଉକ୍ତ କାର୍ଯ୍ୟଶାଳାରେ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ଶ୍ରୀ ସଦାଶିବ ପରିସର, ପୁରୀର ଶିକ୍ଷାଶାସ୍ତ୍ର ବିଭାଗର ସହାୟକ

ଅଧ୍ୟାପକ ଶ୍ରୀ ରମାକାନ୍ତ ସା ଏବଂ ସଂସ୍କୃତ ଭାରତୀ, ପଶ୍ଚିମୋତ୍କଳ ର ପ୍ରାନ୍ତ ସହସମ୍ପାଦକ ଡଃ ମାନସ ରଞ୍ଜନ ସାହୁ ବିଷୟ ବିଶେଷଜ୍ଞ ଭାବରେ ଯୋଗ ଦେଇଥିଲେ। ୪ଟି ସତ୍ରରେ ସରଳ ସଂସ୍କୃତ, ମାନକ ସଂସ୍କୃତ, ଭାଷା ଶିକ୍ଷଣର ୪ଟି କୌଶଳ, କୌଶଳ ଆଧାରିତ କ୍ରିୟାକଳାପ ଅନୁଷ୍ଠିତ ହୋଇଥିଲା ।  ଏହି କାର୍ଯଶାଳାରେ  ରାଜେନ୍ଦ୍ର ବିଶ୍ଵବିଦ୍ୟାଳୟ ବଲାଙ୍ଗିର, ଡୁଙ୍ଗୁରିପାଲି ସ୍ନାତକ ମହାବିଦ୍ୟାଳୟ, ଡୁଙ୍ଗୁରିପାଲି,  ବିଦ୍ୟାଭୂଷଣ ସଂସ୍କୃତ ମହାବିଦ୍ୟାଳୟ, ବଲାଙ୍ଗିର, ପଞ୍ଚାୟତ ମହାବିଦ୍ୟାଳୟ, ବୌଦ୍ଧ ବଲାଙ୍ଗିରର ପ୍ରାୟ ୨୦୦ସଂଖ୍ୟକ  ଛାତ୍ରଛାତ୍ରୀ, ଅଧ୍ୟାପକ ଅଧ୍ୟାପିକା   ପ୍ରମୁଖ ଯୋଗ ଦେଇଥିଲେ I   ଶେଷରେ ସରସ୍ୱତୀ ଭୋଇ ଧନ୍ୟବାଦ ଅର୍ପଣ କରିଥିଲେ I  ଅଧ୍ୟାପକ ଆଦର୍ଶ କୁମାର ମହାପାତ୍ର, ଦିନେଶ ସିଂହ, ଦେବଦତ୍ତ ପାଣିଗ୍ରାହୀ,  ସୁଚୀତା ଦୋରା, ପ୍ରଭଞ୍ଜନ ମିଶ୍ର, ଉର୍ମିଲା ମଟାରି ପ୍ରମୁଖ ସହଯୋଗ କରିଥିଲେ I