03-Jul-2026

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଦପଲା କ୍ଲଷ୍ଟର ବଉଲସିଂହା ଉଚ୍ଚ ପ୍ରାଥମିକ ବିଦ୍ୟାଳୟର ମୁଖ୍ୟମନ୍ତ୍ରୀ ପୁରସ୍କାରପ୍ରାପ୍ତ  ପୂର୍ବତନ ପ୍ରଧାନ ଶିକ୍ଷକ ଦିଲ୍ଲୀପ କୁମାର ମହାନ୍ତି ଗତ ଜୁନ ମାସ ୩୦ ତାରିଖ ଦିନ ଚାକିରୀ ଜୀବନରୁ ଅବସର ଗ୍ରହଣ କରିବା ପରେ ବୁଧବାର ବିଦ୍ୟାଳୟ ପରିସରରେ ଭାରପ୍ରାପ୍ତ ପ୍ରଧାନଶିକ୍ଷକ ରହିତାଶ୍ଵ ମଲିକଙ୍କ ଅଧ୍ୟକ୍ଷତାରେ ସେବାନିବୃତ୍ତ ସମ୍ୱର୍ଦ୍ଧନା ଦିଆଯାଇଥିଲା। ସଭାରେ ମୁଖ୍ୟଅତିଥି ଭାବେ କଣ୍ଟାମାଳ ଗୋଷ୍ଠୀ ଶିକ୍ଷା ଅଧିକାରୀ ଅଶୋଭ ରଞ୍ଜନ ମାଲି, ସମ୍ମାନିତ ଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ନୀଳମଣି ପଣ୍ଡା, ଶ୍ରୀମତୀ ଲଷ୍ମୀ ମଲିକ, ପୂର୍ବତନ ଏବିଇଓ ଦୁର୍ଗା ଚରଣ ପ୍ରଧାନ, ପ୍ରଧାନ ଶିକ୍ଷକ ଅଶୋକ କୁମାର ପ୍ରଧାନ, ନାରାୟଣ ମହାକୁଡ଼, ସି.ଆର.ସି.ସି ଶ୍ରୀମନ୍ତ କଅଁର, ସ୍ଥାନୀୟ ସମିତି ସଭ୍ୟାଙ୍କ ପ୍ରତିନିଧି ସୁଶୀଲ ପୁରୋହିତ ମଞ୍ଚାସୀନ ରହି ଶ୍ରୀ ମହାନ୍ତିଙ୍କ ଶିକ୍ଷକତା ଜୀବନୀ ବିଷୟରେ କହିବା ସହ ତାଙ୍କ ନିଷ୍ଠା ଓ ତାଙ୍କ ବିଭିନ୍ନ କଳା ବିଷୟରେ ଅତିଥି ମାନେ ବକ୍ତବ୍ୟ ରଖିଥିଲେ | ସଭାକୁ ବିଦ୍ୟାଳୟର ଶିକ୍ଷକ କେଶବ ପ୍ରଧାନ ସଂଯୋଜନା କରିଥିଲେ। ଏହି ଅବସରରେ ଶ୍ରୀ ମହାନ୍ତି ଓ ଅବସରପ୍ରାପ୍ତ ଏବିଇଓ ଦୁର୍ଗା ଚରଣ ପ୍ରଧାନଙ୍କୁ ମାନପତ୍ର ଓ ଉପଢୌକନ ଦେଇ ସମ୍ୱର୍ଦ୍ଧନା ଦିଆଯାଇଥିଲା। କାର୍ଯ୍ୟକ୍ରମ ପରିଚାଳନାରେ ଶିକ୍ଷକ ରାଜୀବ ସାହୁ, ଲିଙ୍ଗରାଜ ଛତ୍ରିଆ, ଗୀତାଞ୍ଜଳି ବେହେରା ସହଯୋଗ କରିଥିଲେ |