01-Jul-2026

ବଲାଙ୍ଗୀର/ ସରକାରୀ ଅଫିସ ହେଉଛି ଲୋକଙ୍କ ପାଇଁ ଓ ସରକାରୀ କର୍ମଚାରୀ ହେଉଛନ୍ତି ଜନସାଧାରଣଙ୍କ ସେବକ। ସରକାରୀ ସ୍ତରରେ ଯାହା ସୁବିଧା ସୁଯୋଗ ରହିଛି ତାହାର ଲାଭ ଉଠାଇବା  ହେଉଛି ପ୍ରତ୍ୟେକ ବ୍ୟକ୍ତିଙ୍କ ମୌଳିକ ଅଧିକାର । ତେବେ ସରକାରୀ ଅଫିସକୁ ଯିବା ପାଇଁ ଜଣେ ବ୍ୟକ୍ତିଙ୍କୁ କେହି ବାରଣ କରି ପାରିବେ ନାହିଁ ।

 କିନ୍ତୁ ଏହାର ବ୍ୟତିକ୍ରମ ଦେଖାଯାଇଛି ବଲାଙ୍ଗୀର ତହସିଲ ଅଫିସରେ ।  
ସୁଚନା ଅନୁସୋର ଗତ କିଛି ଦିନ ତଳେ ବଲାଙ୍ଗୀର ତହସିଲ ରେ କାର୍ଯ୍ୟରତ ଦୁଇ ଜଣ ଓକିଲ ସଂଜୀବ କୁମାର ହୋତା ଏବଂ ଗୋବିନ୍ଦ ଚନ୍ଦ୍ର ମହାନ୍ତି ନିଜର ବୃତ୍ତିଗତ କାମରେ ତହସିଲଦାରଙ୍କ ପାଖକୁ ଯାଇଥିଲେ । ତେବେ କୌଣସି କାରଣରୁ ଓକିଲ ଓ ତହସିଲଦାରଙ୍କ ମଧ୍ୟରେ କଥାକଟାକଟି ହେବା ସହ ତହସିଲଦାର ମହୋଦୟ ଏହି ଓକିଲ ଦ୍ୱୟଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିଲେ । ଏହାପରେ ତହସିଲଦାର ଜଣକ ଉତକ୍ଷିପ୍ତ ହୋଇ ଦୁଇ ଓକିଲଙ୍କୁ  ଅଫିସ ଛାଡି ଚାଲିଯିବା ପାଇଁ ଆଦେଶ ଦେଇଥିଲେ । ସାମାନ୍ୟ ଯୁକ୍ତିତର୍କ ଘଟଣାର ଆପୋଷ ସମାଧାନ କରିବା ପରିବର୍ତ୍ତେ  ତହସିଲଦାର ଜଣକ ନିଜର ଅଫିସରଗିରି ଦେଖାଇ  ଏହି ଓକିଲ ଦ୍ୱୟଙ୍କୁ ତହସିଲଦାରଙ୍କ ଅଫିସଙ୍କୁ ପଶି ପାରିବେ ନାହିଁ ବୋଲି ଲିଖିତ ନିର୍ଦ୍ଦେଶ ଦେଇଥିଲେ । ଏପରିକି ବିନା ବକାଲତନାମା ରେ କୌଣସି କେଶ୍ ଦାଖଲ କରିପାରିବେ ନାହିଁ ଏବଂ ଅଫିସ ସମୟରେ ଅଫିସର କର୍ମଚାରୀ ମାନଙ୍କୁ କୌଣସି ଓକିଲ କାମରେ ବାଧା ସୃଷ୍ଟି କରିପାରିବେ ନାହିଁ ବୋଲି ଜିଲ୍ଲା ଓକିଲ ସଂଘକୁ ଏକ ଚିଠି ମଧ୍ୟ ପଠାଇ ଥିଲେ। ତେବେ ସରକାରୀ ଅଫିସ ହେଉଛି ଜନସାଧାରଣଙ୍କ ଅଫିସ । ସେମାନେ ତାଙ୍କ ଅଫିସ ସଂକ୍ରାନ୍ତୀୟ କାମ ପାଇଁ ଏହି ଅଫିସକୁ ଯିବା ଆସିବା କରିବେ କିମ୍ବା ନିଜ ହାରିଗୁହାରି ଜଣାଇ ପାରିବେ ।ତେବେ କେଉଁଁ ନ୍ୟାୟ ବଳରେ ତହସିଲଦାର ବାବୁ ଜଣକ ଏହି ଦୁଇ ଓକିଲଙ୍କୁ ତହସିଲଦାର ଅଫିସକୁ ପଶି ପାରିବେ ନାହିଁ ବୋଲି ନିର୍ଦ୍ଦେଶ ଦେଇଛନ୍ତି ତାହାକୁ ନେଇ ଦୃଢ଼ ଆପତ୍ତି ଓଠାଇଛନ୍ତି ଓକିଲ ମାନେ । ଏହି ଘଟଣାକୁ ସର୍ବସାଧାରଣ ରେ ସମୋଲାଚନା କରାଯାଇଥିବା ବେଳେ ଏହି ଦୁଇ ଓକିଲ ନିଜର ମାନବୀୟ ଅଧିକାର କ୍ଷୁର୍ଣ୍ଣ ହୋଇଥିବା ଅଭିଯୋଗ କରି ରାଜ୍ୟ ମାନବିକ ଅଧିକାରୀଙ୍କୁ ଲିଖିତ ଅଭିଯୋଗ କରିଥିଲେ । ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରିବା ପାଇଁ ମାନବିକ ଅଧିକାର କମିଶନ ନିର୍ଦ୍ଦେଶ ଦେଇଛନ୍ତି । ଏହାକୁ ଆଧାର କରି  ରାଜ୍ୟ ସରକାରଙ୍କ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ଚିଠି ସଂଖ୍ୟା ୧୪୮୫୫ ମାଧ୍ୟମରେ ଏହି ଘଟଣାକୁ ଦୃଢ଼ ନିନ୍ଦା କରିବା ସହ ଏପରି ଅଭାବନୀୟ ଘଟଣାର ତଦନ୍ତ କରିବା ପାଇଁ ବଲାଙ୍ଗୀର ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ।