31-Mar-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର ): ଡୁଙ୍ଗୁରିପାଲି ବ୍ଲକ ସଭାଗୃହ ରେ ୨୦୨୫-୨୬ ଆର୍ଥିକ ବର୍ଷର ଦ୍ବିତୀୟ ଚକ୍ର ସାମାଜିକ ସମୀକ୍ଷା ର ବ୍ଲକ ସ୍ତରୀୟ ଜନଶୁଣାଣୀ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଜିଲ୍ଲାପାଳଙ୍କ ପ୍ରତିନିଧି ରୂପେ ଅତିରିକ୍ତ କାର୍ଯ୍ୟନିର୍ବାହି ଅଧିକାରୀ ଜିଲ୍ଲା ପରିଷଦ ସୁବର୍ଣ୍ଣପୁର ଶ୍ରୀ କାଳିଆ ମଳିକ ନୋଡାଲ ଅଧିକାରୀ ଭାବେ ଯୋଗ ଦେଇଥିଲେ
ଏହି ଜନ ଶୁଣାଣି କାର୍ଯ୍ୟକ୍ରମକୁ ଜିଲ୍ଲା ପରିଷଦ ଅଧ୍ୟକ୍ଷା, ଅତିରିକ୍ତ କାର୍ଯ୍ୟନିର୍ବାହି ଅଧିକାରୀ ଜାତିର ପିତା ମହାତ୍ମା ଗାନ୍ଧୀଙ୍କ ଫୋଟୋ ଚିତ୍ରରେ ପ୍ରଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମ କୁ ଉଦ୍ଘାଟନ କରିଥିଲେ ।  ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦ ଅଧକ୍ଷା ଶ୍ରୀମତୀ ସୁପାର ଠେଲା, ବ୍ଲକ ଉପାଧକ୍ଷ ମକରଧ୍ୱଜ ସାହୁ, ସହକାରୀ  ନିର୍ବାହୀ ଯନ୍ତ୍ରୀ ସ୍ୱାଧୀନ କୁମାର ଦାସ , ଗ୍ରାମ ପଞ୍ଚାୟତ ଡେବେଳପମେଣ୍ଟ ଅଫିସର ଦେବାଶିଷ ମହାନନ୍ଦ, ଜିଲ୍ଲା ସାମାଜିକ ସମୀକ୍ଷକ ହୃଷିକେଶ ମହାକୁର, ଜନ ଶୁଣାଣି କମିଟି ସଦଶ୍ୟ ପ୍ରମୁଖ ଯୋଗ  ଦେଇଦେଇଥିଲେ ।

ଏହି ଜନ ଶୁଣାଣି କାର୍ଯ୍ୟକ୍ରମ ରେ ମହାତ୍ମା ଗାନ୍ଧୀ  ଜାତୀୟ ଗ୍ରାମୀଣ ନିଶ୍ଚିତ ରୋଜଗାର ଯୋଜନା  ସମ୍ପର୍କରେ ଆଲୋଚନା କରାଯାଇଥିଲା । ଏହି ବୈଠକରେ
ସାମାଜିକ ସମୀକ୍ଷକ ସଞ୍ଜୟ କୁମାର ବଡମାଲି ସମୀକ୍ଷା ସମୟରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା ଅଧୀନରେ ୫୪ ଗୋଟି ତ୍ରୁଟି ଉପସ୍ଥାପନ କରିଥିଲେ। ଏହାସହ  ମନରେଗା ଯୋଜନାରେ ଟ. 24000/- ଆର୍ଥିକ ଅନିୟମିତତା ଉପସ୍ଥାପନ କରିଥିଲେ। ଏହି ବୈଠକରେ ଲାଇନ ଡିପାର୍ଟମେଣ୍ଟ ଯଥା ଉଦ୍ୟାନ ବିଭାଗ , ମୃତିକା ସରକ୍ଷଣ, ବନ ବିଭାଗର ଏବଂ କେନାଲ ଡିଭିଜନ ବିଭାଗର ଅଧିକାରୀ ମାନେ ନିଜ ବିଭାଗର ବିବରଣୀ ଉପସ୍ଥାପନ କରିଥିଲେ । 

ଏହି ସମ୍ପର୍କରେ ନୋଡାଲ ଅଧିକାରୀ ଉପରୋକ୍ତ ଅଭିଯୋଗ ଗୁଡିକ ଯଥା ପଞ୍ଚାୟତ ଅଧିକାରୀ ମାନେ ସାମାଜିକ ସମୀକ୍ଷା ସମୟରେ ଆବଶ୍ୟକ କାଗଜପତ୍ର ପ୍ରଦାନ ରେ ବିଳମ୍ବ କୁ ଏକ ସାଙ୍ଘାତିକ ଅବହେଳା ଦର୍ଶାଇ ଥିଲେ ଏବଂ ସମ୍ପୃକ୍ତ ଅଧିକାରୀ ମାନଙ୍କୁ ୭ ଦିନ ମଧ୍ୟରେ ଆବଶ୍ୟକୀୟ କାଗଜାତ ପ୍ରସ୍ତୁତ କରି ଗୋଷ୍ଠୀ ଉନ୍ନୟନ ଅଧିକାରୀ ଙ୍କୁ ପ୍ରଦାନ କରିବାକୁ ନିର୍ଦେଶ ଦେଇଥିଲେ। ଏହି କ୍ରମରେ ଜିଲ୍ଲା ସାମାଜିକ ସମୀକ୍ଷକ ଏହି ଯୋଜନା ର ଗୁରୁତ୍ୱ ତଥା ଆବଶ୍ୟକତା  ପାଇଁ ମିଳିତ ଭାବେ କାର୍ଯ୍ୟ କରିବାକୁ କହିଥିଲେ। ସଠିକ କାର୍ଯ୍ୟ ଚୟନ ଏବଂ ସଠିକ ହିତାଧିକାରୀ ଚୟନ ପାଇଁ ଜନପ୍ରତିନିଧି ଏବଂ ସଂପୃକ୍ତ ଅଧିକାରୀ ଙ୍କୁ ପରାମର୍ଶ ଦେଇଥିଲେ।
ମନୋଜ ପୁରୋହିତ ରାମପୁର ସରପଞ୍ଚ  ଆବଶ୍ୟକ କର୍ମଚାରୀ ନଥବାରୁ  ଏବଂ ସେମାନଙ୍କ କାର୍ଯ୍ୟ ଅବହେଳା ପାଇଁ ଅନେକ ବିକାଶ ମୂଳକ ଯୋଜନା ଲୋକଙ୍କ ନିକଟରେ ପହଞ୍ଚି ପାରୁନଥିବାରୁ ଅସନ୍ତୋଷ ପ୍ରକାଶ କରିଥିଲେ। ଏହା ସହ ସରପଞ୍ଚ ଇଚ୍ଛାପୁର ପ୍ରଶାନ୍ତ ସାହୁ ଏବଂ ସରପଂଚ ଚେରୁପାଲି ଦିଲ୍ଲୀପ ଶତପଥୀ ଟେକନିକାଲ ଷ୍ଟାଫ ର ଅଭାଵ ପାଇଁ ପ୍ଲାନ

ଏଷ୍ଟିମେଟ ହେଇ ପାରୁ ନଥିବାରୁ  ଅନେକ ବିକାଶ ମୂଳକ କାମ ନ ହେବା  ଓ ହିତାଧିକାରୀ ମାନେ ଲାଭାନ୍ୱିତ ହେଉନଥିବାର ପ୍ରକାଶ କରିଥିଲେ।

ଏହି କାର୍ଯ୍ୟକ୍ରମରେ ଉପସ୍ଥିତ ଥିବା ୧୦ଜଣ ଜବ କାର୍ଡଧାରିଙ୍କୁ  ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ 100 ଦିନର କାମ ସମ୍ପୂର୍ଣ କରିଥିବା ହେତୁ ସେମାନଙ୍କୁ ଉତ୍ସାହିତ କରିବା ପାଇଁ ସେମାନଙ୍କୁ ଗାମୁଛା ଦେଈ ସମ୍ମାନିତ କରାଯାଇଥିଲା।

ନୋଡାଲ ଅଧିକାରୀ  ଜୀବନ ଜୀବିକାର ସୁରକ୍ଷାକୁ ନିଶ୍ଚିତ କରିବା ପାଇଁ ମହାତ୍ମା ଗାନ୍ଧୀ ନରେଗା ଯୋଜନା ସୁପରିଚାଳନା ପାଇଁ  ସମ୍ପର୍କରେ ସମସ୍ତଙ୍କ ସହଯୋଗ କାମନା କରିଥିଲେ। ସଫଳ ରୂପାୟନ ପାଇଁ ଜନସାଧାରଣ, ଜନପ୍ରତିନିଧି, ଵିଭାଗୀୟ ଅଧିକାରୀଙ୍କ ମିଳିତ ପ୍ରଚେଷ୍ଟା ଅତ୍ୟନ୍ତ ଆବଶ୍ୟକ ବୋଲି ପ୍ରକାଶ କରିଥିଲେ।  ଏହା ସହିତ ଅଭିଯୋଗ ଶୁଣାଣି ରେ ଅନେକ ଗଠନମୂଳକ ପ୍ରସ୍ତାବ ସହ ଗ୍ରାମୀଣ । ଏହି କାର୍ଯ୍ୟକ୍ରମ ରେ ବ୍ଲକର ସମସ୍ତ କର୍ମଚାରୀ, ବନବିଭାଗ ଅଧିକାରୀ , ଜଳଛାୟା ବିଭାଗ ଅଧିକାରୀ, କେନାଲ ବିଭାଗୀୟ ଯନ୍ତ୍ରୀ, ସମସ୍ତ ସରପଂଚ, ସମିତି ସ୍ଵଭ୍ୟ/ସଭ୍ୟା, ସମସ୍ତପଞ୍ଚାୟତ ନିର୍ବାହୀ ଅଧିକାରୀ, ଏଡିଓ, ଜିଆରଏସ, ଭିଆରପି, ମେଟ, ଗଣମାଧ୍ୟମ ପ୍ରତିନିଧିଙ୍କ ସମେତ ଶତାଧିକ ହିତାଧିକାରୀ ଯୋଗ ଦେଇଥିଲେ।  ଏହି କାର୍ଯ୍ୟକ୍ରମକୁ ଅତିରିକ୍ତ କାର୍ଯ୍ୟକ୍ରମ ଅଧିକାରୀ ପ୍ରଦ୍ୟୁମ୍ନ ସାହୁ ପରିଚାଳନା କରିଥିଲେ ଏବଂ ଧନ୍ୟବାଦ ଅର୍ପଣ କରିଥିଲେ।