02-Jul-2026

ବରପାଲି : (ସୁଦାମ ଦୀପ)ବରଗଡ଼ ଜିଲ୍ଲା ବରପାଲି ବ୍ଲକ ଅନ୍ତର୍ଗତ ସମଲେଶ୍ଵରୀ ବିହାର ଫାର୍ମାସିଷ୍ଟ କଲେଜ ଟିଙ୍ଗିପାଲିରେ ବିଶ୍ଵ ବନ ମହୋତ୍ସବ ସପ୍ତାହ ଚେୟାରମେନ ନରେନ୍ଦ୍ର କୁମାର ହୋତାଙ୍କ ସଭାପିତ୍ବରେ ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥି ଭାବରେ ଜିଲ୍ଲା ପରିବେଶ ସଚେତନତା ସମିତି ବରଗଡର ସଭାପତି ତଥା ପୂର୍ବତନ ସମ୍ବଲପୁର ବିଶ୍ଵ ବିଦ୍ୟାଳୟର ସିନେଟ ସଦସ୍ୟ ତେଜରlଜ ଭୋଇ, ସମ୍ମାନିତ ଅତିଥି ଭାବରେ ନାଟ୍ୟଶ୍ରୀ ସରୋଜ ମେହେର,ମା ସମଲେଶ୍ଵରୀ କଲେଜ ମହଦl ଅଧ୍ୟକ୍ଷ ଆଶୁତୋଷ ମେହେର ଓ ଅଧ୍ୟାପକ ଅନ୍ନ ବାଦିତ୍ୟ ମହାନ୍ତି ଯୋଗଦାନ କରି ପରିବେଶ ବଞ୍ଚିଲେ ଆମେ ବଞ୍ଚିବା କହିବା ସହ ବୃକ୍ଷୋପଣର ଆବଶ୍ୟକତା ଅଛି ବୋଲି ମତବ୍ୟକ୍ତ କରିଥିଲେ । କଲେଜ ନିର୍ଦ୍ଦେଶକ ରଞ୍ଜନ କୁମାର ସାହୁ ସ୍ବାଗତ ଓ ପରିଚୟ ପ୍ରଦାନ କରିଥିବା ବେଳେ ଅଧ୍ୟକ୍ଷ ଆଶୁତୋଷ ମେହେର ଧନ୍ୟବାଦ ଅର୍ପଣ କରିଥିଲେ l ଏହି ଅବସରରେ କଲେଜର ସମସ୍ତେ ମିଶି ୧୦୦ ଗୋଟି ଚାରା ରୋପଣ କରାଯାଇଛି l