02-Jul-2026

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ରେ ଚଳିତ ରବି ଋତୁରେ ୯ଟି ପ୍ୟାକ୍ସ ଓ ୨ ଟି ଏସଏଚଜି ମାଧ୍ୟ୍ୟମ ରେ ୨୫୪୮ ଚାଷୀ ଜୁନ ୩୦ତାରିଖ ସୁଦ୍ଧା ଧାନ ବିକିବାକୁ ପଞ୍ଜିକୃତ ହୋଇଥିଲେ | ସମୟ ଅବଧି ସରିଯାଇଥିଲେ ବି ଏପର୍ଯ୍ୟନ୍ତ ୨୫ ପ୍ରତିଶତ ଚାଷୀ ବଞ୍ଚିତ ଅଛନ୍ତି | ସରକାର ଆହୁରି ୩ ଦିନ ଅବଧି ବଢ଼ାଇଥିବା କହୁଥିବାବେଳେ ତାହା ପୋର୍ଟାଲ ରେ ସୋ କରୁନାହିଁ କି ମେସଜ ଆସିନଥିବା ମଣ୍ଡି କର୍ମଚାରୀ ଜଣାଇଛନ୍ତି | ଅନ୍ୟ ପକ୍ଷ ରେ ବ୍ଲକ ରେ ୧୦୦୦ ରୁ ଉର୍ଦ୍ଧ ଚାଷୀ ଙ୍କ ଜମି ପଟ୍ଟା ଅନୁଯାୟୀ ଯେତେ ପରିମାଣ ଆସିବା କଥା ଆସିନାହିଁ | ଦୁଇ ଏକର ଜମିରେ ୬ କ୍ଵଇଣ୍ଟାଲର ଟୋକନ ଆସିଥିବା ଉପରବାହାଲ ପଂଚାୟତ ବଡ଼ଫଟାମୁଣ୍ଡା ର ଚାଷୀ ଶେଷଦେବ ସାହୁ ଅଭିଯୋଗ କରିଛନ୍ତି | ଏନେଇ ବିଭାଗୀୟ ଅଧିକାରୀ ଙ୍କ ଠାରୁ ଆରମ୍ଭ କରି ଜିଲ୍ଲାପାଳ ପର୍ଯ୍ୟନ୍ତ ଜଣେଇଥିଲେ ସୁଦ୍ଧା ଫଳ ଶୂନ ବୋଲି ଚାଷୀ କହିଛନ୍ତି | ସମସ୍ତ ମଣ୍ଡିରେ ସାମାନ ସ୍ଥିତି ରହିଛି କୋଉଠି ଟାର୍ଗେଟ ନାହିଁ ତ ଆଉ କୋଉଠି ମିଲର୍ସ ଗାଡି ପଠାଉ ନାହାନ୍ତି ପ୍ରତ୍ୟେକ ମଣ୍ଡି ରେ ୩ ରୁ ୪ ହଜାର କ୍ଵିଣ୍ଟାଲ ପର୍ଯ୍ୟନ୍ତ ଧାନ କିଣିବାକୁ ବାକି ଅଛି ବୋଲି ପେକ୍ସ କର୍ମଚାରୀ କହୁଛନ୍ତି |ପୁଣି ବର୍ଷା ଲାଗି ରହି ଥିବାରୁ ଚାଷୀ ମଣ୍ଡି ରେ ଧାନ କୁ ପାଳ ଘୋଡାଇ ଚାହିଁ ବସିଛନ୍ତି | ଗତ ଖରିଫ ଋତୁ ପରି ସମସ୍ୟା ହେବ ବୋଲି ଚାଷୀ ଚିନ୍ତା ରେ ପଡିଛନ୍ତି | ଏଠାରେ ସୂଚନାଯୋଗ୍ୟ ଯେ ଗତ ଖରିଫ ଋତୁରେ ଜିଲ୍ଲା ରେ ୧୫ ଶହ ଚାଷୀ ଧାନ ବିକିବାରୁ ବଞ୍ଚିତ ହୋଇ ଥିଲେ | ଏ ସମସ୍ୟା ନେଇ ଆଜି ବ୍ଲକ ର ଗୋବର୍ଧନ ସାହୁ, ନିଧିପତି ପାତ୍ର, ମଧୁସୂଦନ ପାତ୍ର ସମୀର ସାହୁ, ସହଦେଵ ବିଶ୍ୱାଳ ଙ୍କ ସମେତ ବହୁ ଚାଷୀ ସିଏସଓ ଓ ଏଆରସିଏସ ଙ୍କ କାର୍ଯ୍ୟାଳୟ କୁ ଯାଇ ଦାବିପତ୍ର ପ୍ରଦାନ କରିଛନ୍ତି | ଏ ସମସ୍ୟା ପ୍ରତି ଗୁରୁତ୍ୱ ଦିଆ ଯାଇଛି ୩ ଦିନ ବଢ଼ି ଥିବା ଅବଧି ପୋର୍ଟାଲ ରେ ସୋ କଲାଣି, ଶୀଘ୍ର ମଣ୍ଡି ରୁ ଧାନ ଉଠାଇବାକୁ ମିଲର୍ସ ଙ୍କୁ ନିଁର୍ଧେଶ ଦିଆଯାଇଛି ନୁଆଁ ଟାର୍ଗେଟ ମଧ୍ୟ୍ୟ ଆସିଯିବ ଦରକାର ହେଲେ ଆହୁରି କିଛି ଦିନ ଅବଧି ବଢିବ ଏବଂ ସମସ୍ତ ଚାଷୀଙ୍କ ଧାନ କ୍ରୟ କରାଯିବ ବୋଲି ସିଏସଓ ପ୍ରତିଶୃତି ଦେଇଛନ୍ତି |