19-Jan-2026

ବରପାଲି (ସୁଦାମ ଦୀପ) ଚାଷୀ ଙ୍କ ଧାନ ବିକ୍ରି ସମସ୍ୟା ନେଇ ବିଜେପୁର ନିର୍ବାଚନ ମଣ୍ଡଳୀ ର ବରପାଲି ଠାରେ  ପୂର୍ବତନ ମନ୍ତ୍ରୀ ରିତା ସାହୁ ଙ୍କ ନେତୃତ୍ୱରେ ପୁଣି ଗର୍ଜିଲା ବିଜେଡି।ବିଜୁ ଜନତା ଦଳ ପକ୍ଷରୁ ବିରାଟ ଚାଷୀ ସମାବେଶ ଆୟୋଜନ କରାଯାଇ  ସରକାର ଙ୍କ ଉପରେ ବିଜୁ ଜନତା ଦଳ ର ନେତା, ମନ୍ତ୍ରୀ ଓ କର୍ମୀ ବର୍ଷିଛନ୍ତି। ଚାଷୀ ଙ୍କ ହକ୍ ଓ ଅଧିକାର ପାଇଁ ଲଢେ଼ଇ ଜାରୀ ରଖିଛି ବୋଲି ଏହି ସମାବେଶରେ ବିଜୁ ଜନତା ଦଳ ପକ୍ଷରୁ କୁହାଯିବା ସହ ବିଜୁ ଜନତା ଦଳ ସରକାର ରେ ଥାଉ ଅବା ନ ଥାଉ ଚାଷୀ ଙ୍କ ସ୍ବାର୍ଥ ପାଇଁ ଲଢେ଼ଇ ଜାରୀ ରଖିବ ବୋଲି କୁହାଯାଇଛି । ଆହୁରି ବର୍ତ୍ତମାନ ସରକାର ରେ ଚାଷୀ ଙ୍କୁ ପ୍ରତାରଣା କରାଯାଉଥିବା କହି ସରକାରଙ୍କୁ କଡ଼ା ସମାଲୋଚନା କରିଛନ୍ତି,ବୀଜୁ ମହିଳା ଜନତା ଦଳର ରାଜ୍ୟ ସଭାନେତ୍ରୀ ସ୍ନେହାଙ୍ଗିନୀ ଛୁରିଆ ନିଜର ଅଭିଭାଷଣ ପ୍ରଦାନ କରିଛନ୍ତି। ଏହି ସମାବେଶ ରେ ବରଗଡ଼ ର ପୂର୍ବତନ ବିଧାୟକ ଦେବେଶ ଆଚାର୍ଯ୍ୟ ସରକାର ଙ୍କ ଚାଷୀ ନୀତି କୁ ନେଇ ଆଶ୍ଚର୍ଯ୍ୟ ପ୍ରକାଶ କରିବା ସହ ଚାଷୀ ଙ୍କୁ ହଇରାଣ ନ କରିବା କୁ ସରକାର ଙ୍କୁ ଦାବୀ କରିଛନ୍ତି। ଆହୁରି ପଦ୍ମପୁର ବିଧାୟିକା ବର୍ଷା ସିଂ ବରିହା ସରକାର ଙ୍କ ଧାନ କିଣା ବିକା ପ୍ରକ୍ରିୟାରେ ଚାଷୀ ଙ୍କ ଦିନକୁ ଦିନ ହଇରାଣ କରିବା  ସହ ମଣ୍ଡି ଗୁଡ଼ିକରେ କଟନି, ଛଟନୀ କୁ ନେଇ ଅସନ୍ତୋଷ ପ୍ରକାଶ କରିଛନ୍ତି।  ଏହି ସମାବେଶ ପରେ ବରପାଲି ତହସିଲଦାର ଙ୍କୁ ଭେଟି ତାଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବୀ ପତ୍ର ପ୍ରଦାନ କରାଯାଇଛି। ଆହୁରି ଧାନ କିଣା ବିକା ପ୍ରକ୍ରିୟା କୁ ସଠିକ କରି ଚାଷୀ ଙ୍କ ସମସ୍ୟା ସମାଧାନ ଦିଗରେ ସରକାର ପଦକ୍ଷେପ ଗ୍ରହଣ କରୁ ନଚେତ୍ ଆଗାମୀ ଦିନରେ ଚାଷୀ ଙ୍କ ସ୍ବାର୍ଥ ପାଇଁ ବିରାଟ ଆନ୍ଦୋଳନ କରିବ ବୋଲି ବିଜୁ ଜନତା ଦଳ ପକ୍ଷରୁ ସ୍ପଷ୍ଟ ଚେତାବନୀ ଦିଆଯାଇଛି।