19-Jan-2026

- 
ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା କ୍ରିକେଟ ସଂଘ ପକ୍ଷରୁ ଆଜି ସୋନପୁର ଗାନ୍ଧି ଷ୍ଟାଡିୟମ୍ ଠାରେ ୩୭ ତମ ସର୍ବଭାରତୀୟ ଲାଲମନି କ୍ରିକେଟ୍ ୨୦୨୬ ମହାସମାରୋହରେ ଶୁଭ ଉଦ୍ଘାଟନ ହୋଇଯାଇଛି। ଏହି ଉତ୍ସବରେ ମୁଖ୍ୟ ଅତିଥ୍‌ ଭାବେ ବୀର ମହାରାଜ ପୁର ବିଧାୟକ ଇଞ୍ଜିନିୟର ରଘୁନାଥ ଜଗ ଦଲା ଯୋଗ ଦେଇଥିବା ବେଳେ ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପ ରାଜ ସାହୁ ଓ ଏସପି ଶ୍ରୀ ନାରାୟଣ ନାଏକ ,   
 ଓଡ଼ିଶା କ୍ରିକେଟ ସଂଘ ର ସଭାପତି ଶ୍ରୀ ପଙ୍କଜ ଲୋଚନ ମହାନ୍ତି ଓ କୋଷାଧ୍ୟକ୍ଷ ଶ୍ରୀ ବିକାଶ ପ୍ରଧାନ  ଯୋଗ ଦେଇ ଏହାର ଅୟୋଜନ କୁ ପ୍ରଶଂସା କରିଥିଲେ l ସଂଘ ର ପ୍ରତିଷ୍ଠାତା ସଦସ୍ୟ ପଠାଣ କୁମାର ପଣ୍ଡା ଆଜିର ସ୍ଵତନ୍ତ୍ର ଅତିଥି ଓଡ଼ିଶା ତଥା କଲିକତା ହାଇ କୋର୍ଟ ର ପ୍ରାକ୍ତନ ବିଚାରପତି ଜଷ୍ଟିସ ଚିତ୍ତ ରଞ୍ଜନ ଦାଶ ଙ୍କ  ଶୁଭେଛା ବାର୍ତ୍ତା ପଠନ କରିଥିଲେ l ଜିଲ୍ଲା କ୍ରିକେଟ ସଂଘ ସଭାପତି ଶ୍ରୀ ରାମ ଶଙ୍କର ସାହୁ ସ୍ବାଗତ ଭାଷଣ ପ୍ରଦାନ କରିଥିବା ବେଳେ ସଂପାଦକ ପ୍ରଦୀପ କୁମାର ସେଠୀ ବାର୍ଷିକ ବିବରଣୀ ପାଠ ପାଠ କରିଥିଲେ  l ଉପ ସଭାପତି ବି.ସତ୍ୟ ନାରାୟଣ ରାଓ ଧନ୍ୟବାଦ୍ ଅର୍ପଣ କରିଥିଲେ।  ପରେ ପରେ ଅତିଥି ମାନଙ୍କ ଦ୍ୱାରା ଲାଲ୍ ମନି କ୍ରିକେଟ ର ପତାକା ଉତ୍ତୋଳନ ଓ ଟ୍ରଫି ଉନ୍ମୋଚନ ହୋଇଥିବା ବେଳେ ଉଭୟ ଦଳ ର ଖେଳାଳୀ ମାନଙ୍କ ସହ ଅତିଥି ପରିଚୟ ପ୍ରଦାନ କରା ଯାଇଥିଲା l ଆଜିର ଉଦଘାଟନୀ ମ୍ୟାଚ୍ ସୋନପୁର ଜିଲ୍ଲା କ୍ରିକେଟ ଆସୋସିଏସନ୍ ଓ ବଲାଙ୍ଗିର ୟଙ୍ଗ ଷ୍ଟୁଟେଣ୍ଟ କ୍ରିକେଟ କ୍ଲବ୍ ମଧ୍ୟରେ ଅନୁଷ୍ଟିତ ୧୫ ଓଭର ବିଶିଷ୍ଟ ପ୍ରଥମ ମ୍ୟାଚ୍ ରେ ସୋନପୁର ଦଳ ଟସ୍ ଜିଣି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲେ l ବଲାଂଗୀର ୱାଇ ଏସ  ସି ସି ଦଳ ପ୍ରଥମେ ବ୍ୟାଟିଂ କରି ୭ ୱିକେଟ ହରାଇ ସୋନପୁର ଦଳ ଆଗରେ ୧୮୨ ରନ୍ ଟାର୍ଗେଟ ରଖିଥିଲା l ସୋନପୁର ଦଳ କୁ ୧୧୪ ରନ ରେ ଅଲ୍ ଆଉଟ୍ କରି ୬୭ ରନ୍ ରେ ବଲାଙ୍ଗିର ଦଳ ପ୍ରଥମ ମ୍ୟାଚ ବିଜୟୀ ହୋଇଛି l ୬ ଓଭର ବିଶିଷ୍ଟ ଦ୍ଵିତୀୟ ମ୍ୟାଚ୍ ରେ ବଲାଙ୍ଗିର ଦଳ ପ୍ରଥମ ବ୍ୟାଟିଂ କରି ସୋନପୁର ଦଳ ଆଗରେ ୬୦  ରନ୍ ଟାର୍ଗେଟ ରଖିଥିଲା l ମାତ୍ର ସୋନପୁର ଦଳ ୬ ଓଭର ରେ ୩ ୱିକେଟ ହରାଇ ୪୭ ରନ୍ କରି ପାରିଥିଲା l ଫଳରେ ସୋନପୁର କୁ ହରାଇ ୧୨ ରନ ରେ ଦ୍ୱିତୀୟ ମ୍ୟାଚ ରେ ମଧ୍ୟ ବିଜୟୀ ହୋଇ ଆଜି ବଲାଙ୍ଗିର ୟଙ୍ଗ ଷ୍ଟୁଡେଣ୍ଟ୍ କ୍ରିକେଟ୍ କ୍ଲବ୍ ଉଦଘାଟନୀ ମ୍ୟାଚ୍ ରେ ବିଜୟୀ ଭାବେ ଘୋଷିତ ହୋଇଛି l ମ୍ୟାନ ଅଫ ଦି ମ୍ୟାଚ ଭାବେ ବଲାଙ୍ଗିର ଦଳ ର ଅଲ୍ ରାଉଣ୍ଡର ପ୍ରତୀକ ରଞ୍ଜନ ଙ୍କୁ ଆଜିର ପୁରସ୍କାର ବିତରଣି ଉତ୍ସବ ର ଅତିଥି ଇଣ୍ଡିଆନ ବ୍ୟାଙ୍କ ମ୍ୟାନେଜର ସୌମ୍ୟ ଦର୍ଶନ ସାହୁ, ଅତିରିକ୍ତ ବ୍ରାଞ୍ଜ ମ୍ୟାନେଜର ଅଭିଳାଷ ସାହୁ, ରାଇସ ମିଲର୍ସ ଆସୋସିଏସନ୍ ର ପ୍ରତିନିଧି ଆଶିଷ ରଞ୍ଜନ ବାବୁ ପ୍ରମୁଖ ଯୋଗ ଦେଇ ମ୍ୟାନ୍ ଅଫ ଦି ମ୍ୟାଚ ପୁରସ୍କାର ପ୍ରଦାନ କରିଥିଲେ l ସମୀର ପାଣିଗ୍ରାହୀ ଓ ବିଶ୍ୱଜିତ୍ ପୁରୋହିତ ମ୍ୟାଚ ପରିଚାଳନା କରିଥିବା ବେଳେ କ୍ଷେତ୍ର ବାସୀ ସାହୁ ସ୍କୋରର ଭାବେ ବିଶ୍ଵନାଥ ନାୟକ ଅନ୍ ଲାଇନ୍ ସ୍କୋରର ଭାବେ ଦାୟିତ୍ଵ ତୁଲାଇ ଥିଲେ l ବି ଏସ ରାଓ, ପାର୍ଥ ସାରଥି ଦାଶ, ସଞ୍ଜୀବ ମିଶ୍ର ଓ ବିନୋଦ ମହାକୁଡ ଖେଳ ର ଧାରା ବିବରଣୀ ପ୍ରଦାନ କରିଥିଲେ l ବଲାଙ୍ଗିର ଦଳ ର ପୁରୁଷୋତ୍ତମ ପଧାନ ସର୍ବାଧିକ ୮୩ ରନ କରିଥିଲେ l କ୍ରିକେଟ ସଂଘ ର ସମସ୍ତ ସଦସ୍ୟ ସହଯୋଗ କରିଥିଲେ l ହଜାର ହଜାର ଦର୍ଶକ ଖେଳ କୁ ଉପଭୋଗ କରିଥିବା ବେଳେ ଶାନ୍ତି ଶୃଙ୍ଖଳା ଓ ଖେଳାଳି ଙ୍କ ପାଇଁ ପୋଲିସ ପ୍ରଶାସନ ପକ୍ଷରୁ ସମସ୍ତ ସୁରକ୍ଷା ବ୍ୟବସ୍ଥା କରା ଯାଇଥିଲା l