16-Sep-2025

ବଲାଙ୍ଗୀର/ତରଭା(ପ୍ରେରଣା ଖବର): ବଲାଙ୍ଗୀର ଲୋକସଭା ନିର୍ବାଚନମଣ୍ଡଳୀରେ  ବିଜେପିର ପତିଆରା ବଢିଚାଲିଥିବା ବେଳେ ସୋନପୁର ଜିଲ୍ଲାରେ ବିଜେଡି ଦଳରେ ସଂକଟ ଦେଖା ଦେଇଛି । ସୋନପୁର ବିଧାୟକ ନିରଂଜନ ପୂଜାହାରୀଙ୍କ ଆଚାରବ୍ୟବହାରକୁ ପ୍ରତିବାଦ କରି ବହୁସଂଖ୍ୟାରେ ବିଜେଡି ନେତା ଦଳଛାଡି ବିଜେପିମୁହାଁ ହେଉଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ମୁଖ୍ୟମନ୍ତ୍ରୀ ମୋହନଚରଣ ମାଝୀ, ଉପ ମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ ତଥା ସାଂସଦ ସଂଗୀତା କୁମାରୀ ସିଂଦେଓଙ୍କ ନେତୃତ୍ୱ ଓ ବିକାଶଧାରା ଉପରେ ଆସ୍ଥାପ୍ରକଟ କରି ବହୁସଂଖ୍ୟାରେ ବିଜେଡିକର୍ମିର୍ ଓ ନେତା ବିଜେପିରେ ଯୋଗଦେଇଛନ୍ତି। ମୋହନ ସରକାର ଆସିଲା ପରେ ବିଜେପିଦଳ ପ୍ରତି ଲୋକଙ୍କ ଆସ୍ଥାବଢିଚାଲିଛି। ପାଟଣାଗଡ ରାଜଖମାରଠାରେ ସୋମବାର ସଂଧ୍ୟାରେ ଆୟୋଜିତ ଏକ ମିଶ୍ରଣ ପର୍ବରେ ସୋନପୁର ନିର୍ବାଚନମଣ୍ଡଳୀ 

ଅନ୍ତର୍ଗତ ତରଭାବ୍ଲକର ୧୭ରୁ ଉର୍ଦ୍ଧ୍ୱ ସରପଞ୍ଚ ଓ ସମିତିସଭ୍ୟ/ସଭ୍ୟା ବିଜେଡିଦଳ ଛାଡି ବିଜେପିରେ ଯୋଗଦେଇଛନ୍ତି । ସୋନପୁରର ବିଜେଡି ବିଧାୟକ ନିରଂଜନ ପୂଜାହାରୀଙ୍କ ଘନିଷ୍ଠ ରହିଆସିଥିବା ପୂର୍ବତନ ଜିଲ୍ଲାପରିଷଦ ଉପସଭାପତି ଗଣନାଥ ସାହୁ,ପୂର୍ବତନ ଜିଲ୍ଲାପରିଷଦ ସଭ୍ୟ ପ୍ରଭାତ ପାତ, ପ୍ରମୋଦ ପର୍ଡିଆ,ଯୁବନେତା ରାଜେନ୍ଦ୍ର ପଣ୍ଡା,ତପନ ଅଗ୍ରୱାଲ, ଟିଙ୍କୁ ମିଶ୍ରଙ୍କ ଭଳି ନେତାଗଣ ସହ ସରପଞ୍ଚ ଓ ସମିତିସଭ୍ୟ/ସଭ୍ୟାଗଣ ବିଜେଡିଛାଡି ବିଜେପିଦଳରେ ଯୋଗଦେଇଛନ୍ତି । ବିଜେପିରେ ଯୋଗଦେଇଥିବା ଜନପ୍ରତିନିଧିଙ୍କ ମଧ୍ୟରେ ମେଣ୍ଡା ସରପଞ୍ଚ ଲିଜାରାଣୀ ଦଣ୍ଡସେନା, ସମିତି ସଭ୍ୟାଙ୍କ ସ୍ୱାମୀ ବିଭୁତି ଝାଙ୍କର, ଜରାଜାରିଂ ସରପଞ୍ଚ ଲକ୍ଷ୍ମଣ ପାତ୍ର, ଶିବତୁଳା ସରପଞ୍ଚ ମୁକ୍ତା ନାଗ, ଝାରତରଭା ସରପଞ୍ଚ ସୌଦାମିନୀ ସା, ମରାଡୋ ଗୋଚ୍ଛା ସରପଞ୍ଚ ମନମୋହନ ସାହୁ,ବ୍ରାହ୍ମଣୀ ସରପଞ୍ଚ କୁଶଳେଶ୍ୱର ରଣା,ଦୁବୁଲା ସରପଞ୍ଚ ଆର୍ତ୍ତତ୍ରାଣ ବଗର୍ତ୍ତି, ପାଇକ ବାହାଲ ସରପଞ୍ଚ ଗଣନାଥ ସାହୁ, ସମିତିସଭ୍ୟ ରାଜକିଶୋର ଭୁଏ,ସିଙ୍ଘାରୀ ସରପଞ୍ଚ ସୁମତି ଘିବେଲା, କୁମ୍ଭାରମୁଣ୍ଡା ସରପଞ୍ଚ କବିତା ପାତ୍ର,ସମିତିସଭ୍ୟ ସିତୟା ସେଠୀ, ଚାରଭଟା ସରପଞ୍ଚ ସସ୍ମିତା ହରିପାଳ,ତୁଲୁଣ୍ଡା ସରପଞ୍ଚ ଉମା ସାହୁ ପ୍ରମୁଖ ବିଜେପିରେ ସାମିଲ ହୋଇଛନ୍ତି । ସେହିପରି ଟିଙ୍କୁ ମିଶ୍ର, ପ୍ରମୋଦ ପର୍ଡିଆ, ଦେଉଳପଦର ପେକ୍ସର ସଭାପତି 

ରାଜେନ୍ଦ୍ର ପଣ୍ଡା, ପୂର୍ବତନ ସଭାପତି ମଦନମୋହନ ପଣ୍ଡା, ଶିବତଳା ପେକ୍ସ ସଭାପତି ତପନ ଅଗ୍ରୱାଲ,ଦୁବୁଲା ପେକ୍ସ ସଭାପତି ବିଷେଶ୍ୱର,ରୋହିତ ରଣା ପ୍ରମୁଖ ବିଜେପିରେ ସାମିଲ ହୋଇଛନ୍ତି । ଏହି ମିଶ୍ରଣପର୍ବରେ ସାଂସଦ ଶ୍ରୀମତୀ ସିଂଦେଓଙ୍କ ସହିତ ତାଙ୍କ ସୋନପୁର ବ୍ଲକପ୍ରତିନିଧି ସାନନ୍ଦ କୁମାରମେହେର, ତରଭା ବ୍ଲକପ୍ରତିନିଧି ବିମଳ ମିଶ୍ର,ବରିଷ୍ଠ ବିଜେପିନେତା ତଥା ପୂର୍ବତନ ଜିଲ୍ଲାସଭାପତି ରାଜକିଶୋର ମେଣ୍ଡଲି,ମେଣ୍ଡାମଣ୍ଡଳ ସଭାପତି ଭୁବନାନନ୍ଦ ବାଦୀ ପ୍ରମୁଖଙ୍କ ସହିତ ବହୁସଂଖ୍ୟାରେ ନେତା ଓ କର୍ମୀ ଉପସ୍ଥିତ ରହିଥିଲେ । ଆଗାମୀ ଦିନରେ ସୋନପୁର ନିର୍ବାଚନମଣ୍ଡଳୀରେ ଆହୁରି ବିପୁଳ ସଂଖ୍ୟାରେ ଅନ୍ୟଦଳର ନେତା ଓ କର୍ମୀ ସାମିଲ ହେବାକୁ ସାଂସଦଙ୍କ ସହିତ ଯୋଗା ଯୋଗରେ ରହିଥିବା ସୂଚନା ମିିଳିଛି ।