23-Nov-2024

ବଲାଙ୍ଗୀର/ପାଟଣାଗଡ଼(ମଧୁସ୍ମିତା ତ୍ରିପାଠୀ): ଆଜିକାଲି ସମାଜରେ ଅନେକ ହସ୍ପିଟାଲ ରହିଛି କିନ୍ତୁ ରୋଗୀଙ୍କ ପାଇଁ ନିସ୍ଵାର୍ଥପର ଭାବରେ ସହାୟତା କରିବା ପରି ଡାକ୍ତର କିମ୍ବା ହସ୍ପିଟାଲ ବହୁତ କମ |ସମାଜରେ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଥିବା ବେଳେ ହସ୍ପିଟାଲ ମଧ୍ୟ କମ ନାହିଁ କିନ୍ତୁ ଅର୍ଥଅଭାବରୁ ଅନେକ ରୋଗୀଙ୍କ ଜୀବନ ଯାଏ | ରୋଗୀଙ୍କ ଜୀବନ ପାଇଁ ବାଧକ ସାଜେ ଅର୍ଥ | ଏଣୁ ଏପରି ପରିସ୍ଥିତିରେ ବଲାଙ୍ଗୀର ଶକୁନ୍ତଳା ଡ଼ାଇଗ୍ନୋଷ୍ଟିକ ଚିକିତ୍ସାଳୟ ର ଅଧିକାରୀ ଦୀପଙ୍କର ଶାମଲ ଲକ୍ଷାଧିକ ଟଙ୍କାର ଡାକ୍ତରୀ ଉପକରଣ ମୁମୁର୍ଷୁ ସେବା ଚାରିଟେବୁଲ ଟ୍ରଷ୍ଟକୁ ଦାନ କରିଛନ୍ତି | ୨ ସେଟ oxygen concentrators ଏବଂ  ୪ ସେଟ Nebulizers ଦାନ କରିଛନ୍ତି | ଏଥିରେ ଅନେକ ରୋଗୀ ଉପକୃତ ହେବେ | ଆଗକୁ ଏକ ଆମ୍ବୁଲାନ୍ସ ଗାଡି ମଧ୍ୟ ରୋଗୀଙ୍କ ସେବା ପାଇଁ ନିୟୋଜିତ କରିବାକୁ ପ୍ରତିଶୃତି ଦେଇଛନ୍ତି | ଏହା ଉପରେ ଦୀପଙ୍କର ଶାମଲ କହିଛନ୍ତି " ମୁଁ ମୋର ସାମର୍ଥ୍ୟ ଅନୁଯାୟୀ ଆଜିର ସମାଜରେ ରୋଗୀଙ୍କ ନିମନ୍ତେ ଏପରି ବିଭିନ୍ନ ଡାକ୍ତରୀ ସେବା ଉତ୍ସର୍ଗ କରିବି | ଏବଂ ଆଗକୁ ମଧ୍ୟ ଏପରି କାର୍ଯ୍ୟ ଜାରି ରହିବ | ଏଥିରେ କୌଣସି ସ୍ୱାର୍ଥ ନଥିବା ସେ ବ୍ୟକ୍ତ କରିଛନ୍ତି | କେବଳ ରୋଗୀଙ୍କ ସେବା ହିଁ ଲକ୍ଷ ବୋଲି ମତବ୍ୟକ୍ତ କରିଛନ୍ତି | ତାଙ୍କର ଏପରି କାର୍ଯ୍ୟକୁ ଅଞ୍ଚଳ ର ବୁଦ୍ଧିଜୀବୀ ମାନେ ପ୍ରଶଂସା କରିଛନ୍ତି |