02-Nov-2024

ବଙ୍ଗୋମୁଣ୍ଡା (ଅନୀଲ କୁମାର ତ୍ରିପାଠୀ): ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସ୍ଥିତ ପଲ୍ଲିଶ୍ରୀ ହାଇସ୍କୁଲ ଖେଳ ପଡ଼ିଆରେ ଡେଜଳିଙ୍ଗ ଷ୍ଟାର କ୍ରିକେଟ କ୍ଲବ ପକ୍ଷରୁ ବିଗତ ଦିନରୁ ଚାଲିଥିବା ପଞ୍ଚାୟତ ସ୍ତରୀୟ ମାଁ ଦ୍ୱାରସେହ୍ନୀ କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି । ଉକ୍ତ ପ୍ରତିଯୋଗିତାରେ ୧୬ ଟି ଦଳ ଭାଗ ନେଇଥିବାବେଳେ ଫାଇନାଲ ମ୍ୟାଚ ଦିଗସିରା ଓ ସିନ୍ଧେକେଲା ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଦିଗସିରା ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୨ ଓଭର ରେ ମୋଟ ୧୩୩ ରନ ସଂଗ୍ରହ କରିଥିବା ବେଳେ ସିନ୍ଧେକେଲା ଦଳର ଖେଳାଳି ମାନେ ପ୍ରଥମରୁ ଚୌକା ଛକ୍କା ମାରି ଅତି ସହଜ ଭାବରେ ଆବଶ୍ୟକ ରନ କରି ବିଜୟୀ ହେବା ସହ ଉକ୍ତ ଟୁର୍ଣ୍ଣାମେଣ୍ଟରେ ଚମ୍ପିୟାନ ହୋଇଥିଲେ । ଉଦ୍ଯାପନି ଉତ୍ସବରେ ମୁଖ୍ୟ ଅତିଥି ଭାବରେ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ , ସମ୍ମାନିତ ଅତିଥି ଭାବରେ ବଙ୍ଗୋମୁଣ୍ଡା ବ୍ଲକ ସାଂସଦ ପ୍ରତିନିଧି ଅନିଲ ନାଏକ , ଜିଲ୍ଲା ପରିଷଦ ସଦସ୍ୟ ଦାମ ସୁନା , ସ୍ଥାନୀୟ ସରପଞ୍ଚ ନରେଶ ଅଗ୍ରୱାଲ , ଝଲପ ସରପଞ୍ଚଙ୍କ ସ୍ବାମୀ ଗୋବିନ୍ଦ ପୁଟେଲ , ଯୁବନେତା  ଯୁବରାଜ ବାଗ , ପ୍ରଦୀପ ଜାଲ , ବ୍ରଜଧର ମଙ୍ଗରାଜ , ତୁଳାରାମ ଭୋଇ , ପପୁ ସାହୁ , ପ୍ରତିଷ୍ଠିତ ବ୍ୟବସାୟୀ ଅନିଲ ଜୈନ , ବଣିକ ସଙ୍ଘ ସହ ସମ୍ପାଦକ ଅନିଲ ତ୍ରିପାଠୀ , ସାମ୍ବାଦିକ ଦିନେଶ ଜୈନ ପ୍ରମୁଖ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିବା ସହ ବିଜେତା ଉପ ବିଜେତା ଦଳ କୁ ଟ୍ରଫି ପ୍ରଦାନ ଓ ପ୍ରତିଯୋଗିତାରେ ଭଲ ପ୍ରଦର୍ଶନ କରି ମେନ ଅଫ ଦି ମ୍ୟାଚ

ବିବେଚିତ ହୋଇଥିବା ରାମ ଥନାପତୀ , ମ୍ୟାନ ଅଫ ଦି ସିରିଜ ହୋଇଥିବା ଲିଲୁ କୁମାର ବେହେରା ଓ ଅନ୍ୟ ବିଭାଗ ଗୁଡିକରେ ଉତ୍ତମ ପ୍ରଦର୍ଶନ କରିଥିବା ଖେଳାଳିଙ୍କୁ ପୁରସ୍କୃତ କରିଥିଲେ । ଏମ୍ପାୟାର ଭାବରେ ପାୟୋଜ କଶ୍ୟପ ଓ ରୋମାଞ୍ଚଳ ଭୋଇ ଯୋଗଦେଇ ଖେଳ ପରିଚାଳନା କରିଥିବା ବେଳେ ସୁବ୍ରତ ସାହୁ ଓ କାହ୍ନା ପଣ୍ଡା ଖେଳର ପ୍ରତ୍ୟକ୍ଷ ଧାରା ବିବରଣୀ ପ୍ରଦାନ କରିଥିଲେ । ମଞ୍ଚ ପରିଚାଳନା ଆଲୋକ ସାହୁ କରିଥିବାବେଳେ ବିଟୁ ଜୈନ ଓ ସୁଶୀଲ ଶତପଥୀ ସ୍କୋରର ଦାୟିତ୍ୱ ତୁଲାଇଥିଲେ । ଆୟୋଜକ କମିଟିର ସୁମିତ ସାହୁ , ଗୁଡୁ ଭୋଇ, ଛବି ଗୁରୁ, ଚମାରୁ ଭୋଇ, ଜଗତ ଥନାପତି, ସୁଜିତ ସରାଫ, ହେମନ୍ତ ସାହୁ ପ୍ରମୁଖଙ୍କ ସହ ସମସ୍ତ ସଦସ୍ୟ କାର୍ଯ୍ୟକ୍ରମ ପରିଚାଳନା ରେ ମୁଖ୍ୟ ଭୂମିକା ଗ୍ରହଣ କରିଥିଲେ ।