22-Oct-2024

 ବିନିକା(ହିମାଂଶୁ ଶେଖର ପୁଟେଲ)ଅସୁରକ୍ଷିତ ହୋଇ ପଡିଛି ବିନିକା ଅଞ୍ଚଳର ରାସ୍ତା ଘାଟ।ଯିବା ଆସିବା କରୁଥିବା ଲୋକେ ନିଜକୁ ସୁରକ୍ଷିତ ମଣୁ ନାହାନ୍ତି  ।କାଳେ ଲୁଟେରାଙ୍କ ହାବୁଡ଼ରେ ପଡି ଯିବେ କି ସେହି ଭୟ ଏବେ ଲୋକଙ୍କ ମନରେ ଉଙ୍କି ମାରୁଛି ।ସତରେ କଣ ପୋଲିସର କାର୍ଯ୍ୟକଳାପକୁ ଖାତିର ନକରି ବେଫିକର ଭାବେ ଲୁଟେରା ମାନେ ଆତଙ୍କ ସୃଷ୍ଟି କରିବାରେ ସଫଳ ହେଉଥିବା ସାଧାରଣରେ ଆଲୋଚନା ପର୍ଯ୍ୟାଲୋଚନା ହେଉଛି । ତେବେ ଲୁଟ ର ଶିକାର କେତେକ ବ୍ୟକ୍ତି ବିଶେଷ ଥାନାରେ ଲିଖିତ ଅଭିଯୋଗ କରୁଥିବା ବେଳେ ଆଉ କେତେକ ଲୁଟେରାଙ୍କ ଜୀବନ ମାରି ଦେବା ଧମକରେ ଭୟଭୀତ ହୋଇ ଥାନାର ଆଶ୍ରୟ ନେଉ ନାହାନ୍ତି ।କାରଣ ପୋଲିସର କାର୍ଯ୍ୟକଳାପକୁ ନେଇ ଲୋକଙ୍କ ଭରସା ପାଉନାହିଁ ।ସାରା ବିନିକା ଅଞ୍ଚଳରେ ଆତଙ୍କ ସୃଷ୍ଟି କରି ଲୋକଙ୍କ ଧନ ଜୀବନ କୁ ଆଖି ପକାଉଥିବା ଦୃର୍ବୁତ୍ତ ମାନଙ୍କ ଉପରେ ପୋଲିସ ପ୍ରଶାସନ କଡା ପଦକ୍ଷେପ ନେଲେ ଯାଇ ଅଞ୍ଚଳରେ ଘଟି ଚାଲିଥିବା ଚୋରି,ଡକାୟତି,ଲୁଟ,ରାହାଜାନୀ କମିବ ।ତେବେ ଯାଇ ଲୋକେ ସୁରକ୍ଷିତ ଭାବରେ ଯିବା ଆସିବା କରି ପାରିବେ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି। l କିଛିଦିନ ତଳେ ଜଣେ ଚାଷୀଙ୍କ ଠାରୁ ମୋବାଇଲ ଲୁଟ ଘଟଣାରେ ୩ନାବାଳକ କୁ ପାପୀ ଗ୍ରାମବାସୀ କାବୁ କରିଥିଲେ।ପୋଲିସ ସେହି ନାବାଳକ ଲୁଟେରା ମାନଙ୍କୁ ବୌଦ୍ଧ ସର୍ଦ୍ଦାର ଜେଲ ପଠାଇଥିବା ବେଳେ ପୁଣି  ମଙ୍ଗଳବାର ଦିନ ବିନିକା ପୋଲିସ ୩ଜଣ ଲୁଟେରା ଙ୍କୁ ସୋନପୁର ଜେଲ କୁ ପଠାଇ ଦେଇଥିବା ଜଣାପଡିଛି ।ମିଳିଥିବା ସୂଚନା ଅନୁସାରେ ସୋମବାର ଭେଡେନ ବ୍ଲକ କୁବେଡେଗା ଗ୍ରାମର ସୁମନ୍ତ ବେହେରା ମଟର ସାଇକଲ ଯୋଗେ ଶଶୁର ଘର ବିନିକା ବ୍ଲକ ଶିଂହିଯୁବା ଗ୍ରାମକୁ ଆସୁଥିବା ବେଳେ ଦେଣ୍ଡୁ ପଦର ନିଆ ଖାଇ ନାଲ ପାଖରେ ୪ଜଣ ବ୍ୟକ୍ତି ଅଟକାଇ ଧାରୁଆ ଅସ୍ତ୍ରରେ ଧମକ ଦେଇ ତାଙ୍କ ଠାରୁ ମୋବାଇଲ ଓ ଧରିଥିବା ୨୭୦୦ଟଙ୍କା ଲୁଟ କରିଥିଲେ ।ପରେ ତାଙ୍କୁ ମାଡ଼ ମାରିବାରୁ ସେ ଚେତାସୁନ୍ୟ ହୋଇ ପଡ଼ିଥିଲେ ।ଲୁଟେରା ମାନେ ଜୋରରେ ପଲାଉ ଥିବା ବେଳେ ଲୋକେ କୌଣସି ପ୍ରକାରରେ ସେମାନଙ୍କୁ ଧରିବାରେ ସକ୍ଷମ ହୋଇଥିଲେ। ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଲୁଟେରା ମାନଙ୍କୁ ଥାନାକୁ ଆଣିଥିଲା ।ଥାନାରେ ମାମଲା ରୁଜୁ ପରେ  ଧରାପଡ଼ିଥିବା ରାମପୁର ଥାନା ସିଆଲିନାଲି ଗ୍ରାମର ଲୁଟେରା ଉମେଶ ବଗର୍ତ୍ତି(୨୩),ଧିରେନ ଭୋଇ(୨୦),ବିଶି ଧରୁଆ(୨୫)ଙ୍କୁ ବିନିକା କୋଟ କୁ ଚାଲାଣ ହୋଇଥିଲା। ସେଠାରେ ବେଲ ନାମଞ୍ଜୁର ହେବାରୁ ଲୁଟେରା ମାନଙ୍କୁ ସୋନପୂର୍ ଜେଲ କୁ ପଠାଇ ଦିଆଯାଇଥିବା ଜଣାପଡିଛି ।ତେବେ ପୋଲିସ ତରଫରୁ ବିନିକା ଅଞ୍ଚଳରେ ପେଟ୍ରୋଲିଂ ବ୍ୟବସ୍ଥା କୁ କଡାକଡି କରିବା ସହିତ ଲୁଟେରା ମାନଙ୍କ ଉପରେ କଡା ପଦକ୍ଷେପ ଗ୍ରହଣ କରିବାକୁ ଦାବି ହେଉଛି ।