21-Oct-2024

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ କଲ୍ୟାଣ ମଣ୍ଡପ ଠାରେ କଣ୍ଟାମାଳ ବରିଷ୍ଠ ନାଗରିକ ମଞ୍ଚର ଏକ ସାଧାରଣ ବୈଠକ ସଭାପତି ସନ୍ତୋଷ କୁମାର ବିଶି ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି l  ଉକ୍ତ ସଭାରେ ବରିଷ୍ଠ ଆଇନଜୀବୀ ଦୂତିଆ ଚରଣ ସାହୁ, ଉପଦେଷ୍ଟା ନବୀନ କୁମାର ବିଶି ଓ ବସନ୍ତ କୁମାର ମିଶ୍ର ପ୍ରମୁଖ ମଂଚାସୀନ ଥିଲେ l  

ସଭା ଆରମ୍ଭରେ ଦିବଂଗତ ସଦସ୍ୟ ମାନଙ୍କ ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରିଥିଲେ  l   ଉପଦେଷ୍ଟା ନବୀନ କୁମାର ବିଶି ସ୍ୱାଗତ ଭାଷଣ ପ୍ରଦାନ କରିଥିଲେ l ବରିଷ୍ଠ ଆଇନଜୀବୀ ଶ୍ରୀ ସାହୁ ବରିଷ୍ଠ ନାଗରିକ ମାନଙ୍କ ସମସ୍ୟା ଓ ସେମାନଙ୍କର ଅଧିକାରୀ ଉପରେ ଆଲୋକପାତ କରିଥିଲେ  l 

ସମ୍ପାଦକ ମହେନ୍ଦ୍ର କୁମାର ଦାଶ ମଞ୍ଚର ବାର୍ଷିକ ଆୟବ୍ୟୟର ବିବରଣୀ ଉପସ୍ଥାପନା କରିଥିଲେ l  ସଭାପତି ସନ୍ତୋଷ କୁମାର ବିଶି ପ୍ରତିକୂଳ ପରିବେଶରେ କିପରି ମଞ୍ଚର ପଞ୍ଜିକରଣ ହେଲା ତାହା ଉଲ୍ଲେଖ କରିବା ସହ କଣ୍ଟାମାଳ ବରିଷ୍ଠ ନାଗରିକ ମାନଙ୍କ ପ୍ରତି ଜିଲ୍ଲା ପ୍ରଶାସନର ବୈମାତୃକ ମନୋଭାବର ଦୃଢ଼ ନିନ୍ଦା କରିଥିଲେ l  ଅନ୍ୟମାନଙ୍କ ମଧ୍ୟରେ ସର୍ଵଶ୍ରୀ ସୁରେଶ ମହାନ୍ତି, ଘନଶ୍ୟାମ ବୁଡ଼େକ, ଲକ୍ଷ୍ମଣ ସାହୁ,ଭାଗବତ ବାଘ ପ୍ରମୁଖ ସକ୍ରିୟ ସହଯୋଗ କରିଥିଲେ  l   ବୈଠକରେ ବରିଷ୍ଠ ନାଗରିକଙ୍କୁ ପରିଚୟପତ୍ର ଯୋଗାଇଦେବା ପାଇଁ ଜିଲ୍ଲା ପ୍ରଶାସନ ର ଦୃଷ୍ଟି ଆକର୍ଷଣ କରିବା ପାଇଁ ସର୍ବ ସମ୍ମତି କ୍ରମେ ପ୍ରସ୍ତାବ ଗୃହୀତ ହୋଇଥିଲା l  ଶେଷରେ ପ୍ରଫୁଲ୍ଲ ଯୋଶୀରା ଧନ୍ୟବାଦ ଅର୍ପଣ କରିଥିଲେ  l