03-Jan-2021

ମୁମ୍ବାଇ/ଭୁବନେଶ୍ୱର,(ଶୁଭାଶିଷ ନାଏକ) ଜନ ଆବ୍ରାହାମ ଏବଂ ଇମ୍ରାନ ହାସମୀ ଅଭିନୀତ କ୍ରାଇମ ଡ୍ରାମା ମୁମ୍ବାଇ ସାଗା ଓଟିଟି ପ୍ଲାଟଫର୍ମରେ ରିଲିଜ ହେବ । ସଞ୍ଜୟ ଗୁପ୍ତାଙ୍କ ନିର୍ଦେଶିତ ଏହି ଫିଲ୍ମଟି  ଆମାଜନ ପ୍ରାଇମ ଭିଡିଓରେ ରିଲିଜ ହେବ । ଲକଡାଉନ ପୂର୍ବରୁ ଏହି ଫିଲ୍ମର ସୁଟି ସରିଥିଲା । ମାତ୍ର କରୋନା ଭାଇରସ କାରଣରୁ ଫିଲ୍ମର ପୋଷ୍ଟ ପ୍ରଡକ୍ସନ କାର୍ଯ୍ୟ ବିଳମ୍ବ ହୋଇଥିଲା। ନିକଟରେ ମିଳିଥିବା ସୂଚନା ଅନୁଯାୟୀ ଏହି ଫିଲ୍ମଟି ଥିଏଟର ପରିବର୍ତ୍ତେ ସିଧାସଳଖ ଆମାଜନ ପ୍ରାଇମରେ ରିଲିଜ ହେବ । ଫିଲ୍ମଟି କେତେ କୋଟି ଟଙ୍କାରେ ବିକ୍ରି ହୋଇଛି ସେ ସମ୍ପର୍କରେ କୌଣସି ବିସ୍ତୃତ ସୂଚନା ମିଳିନଥିଲେ ମଧ୍ୟ ପ୍ରଯୋଜକଙ୍କୁ ଭଲ ଅର୍ଥ ମିଳିଥିବା ଜଣାପଡିଛି । ଆଲୋଚନା ଅନ୍ତିମ ପର୍ଯ୍ୟାୟରେ ପହଞ୍ଚିଥିବା ବେଳେ ଏହି ଫିଲ୍ମଟିକୁ ନିଜକାଟାଲଗରେ ସ୍ଥାନିତ କରିବାକୁ ଯାଉଛି ଆମାଜନ୍ । ୮୦ ଦଶକର କାହାଣୀ ଉପରେ ପର୍ଯ୍ୟବେଷିତ ଏହି ଫିଲ୍ମରେ ଜନ ଆବ୍ରହାମ ଜଣେ ଗ୍ୟାଙ୍ଗଷ୍ଟାର ଭୂମିକାରେ ନଜର ଆସିବେ । ଇମ୍ରାନ ହାସମୀ ଜଣେ ପୋଲିସ ଅଫିସର ଭୂମିକାରେ ନଜର ଆସିବାକୁ ଯାଉଛନ୍ତି । ଉଭୟଙ୍କ ମଧ୍ୟରେ ରହିଥିବା ଶତ୍ରୁତାକୁ ନେଇ ଫିଲ୍ମଟି ପର୍ଯ୍ୟବେସିତ । ଏହି ଦୁଇ ଅଭିନେତାଙ୍କ ବ୍ୟତିତ ସୁନୀଲ ସେଟ୍ଟୀ, ଶର୍ମନ ଯୋଶୀ, କାଜଲ ଅଗ୍ରୱାଲ, ଜ୍ୟାକି ଶ୍ରଫ ଏବଂ ଆମୋଲ ଗୁପ୍ତେ ପ୍ରମୁଖ ଭୂମିକାରେ ନଜର ଆସିବାକୁ ଯାଉଛନ୍ତି । ଜନଙ୍କ ବିପକ୍ଷରେ କାଜଲ ଅଗ୍ରୱାଲ ନଜର ଆସିବେ ଏବଂ ଇମ୍ରାନଙ୍କ ସହିତ ମରାଠୀ ଅଭିନେତ୍ରୀ ଶ୍ରୀୟା ପିଲଗାଓଁକର ନଜର ଆସିବେ ।