21-Aug-2026

​ସମ୍ବଲପୁର(ସଂଜୀବ ପାଣିଗ୍ରାହୀ): ସମ୍ବଲପୁର ଜିଲ୍ଲାର ଜଣେ ମହିଳା କୃଷି ଉଦ୍ୟୋଗୀ ନିଜପାଇଁ  ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ନାବାର୍ଡର ୪୫ତମ ପ୍ରତିଷ୍ଠା ଦିବସ ଅବସରରେ ସମ୍ବଲପୁର ବିଶ୍ୱବିଦ୍ୟାଳୟ, ବୁର୍ଲାଠାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ 'ସବୁଜ ସନାତନ ପଲ୍ଲୀ ଫାର୍ମସ ପ୍ରୋଡ୍ୟୁସର କମ୍ପାନୀ ଲିମିଟେଡ୍' ର ନିର୍ଦ୍ଦେଶିକା କୁମାରୀ ପ୍ରଧାନଙ୍କୁ ସମ୍ମାନଜନକ ‘ସାର୍ଟିଫିକେଟ୍ ଅଫ୍ ଏକ୍ସଲେନ୍ସ’  ପ୍ରଦାନ କରାଯାଇଛି। ନାବାର୍ଡର ସହାୟତାରେ ସ୍ଥାନୀୟ ଅଞ୍ଚଳରେ ଜୀବିକା ବିକାଶ ଏବଂ ଗୋଷ୍ଠୀ ସଶକ୍ତୀକରଣ ଦିଗରେ ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ଏହି ସମ୍ମାନରେ ସମ୍ମାନିତ କରାଯାଇଛି।

​ସମ୍ବଲପୁର ଜିଲ୍ଲା ଯୁଜୁମୁରା ବ୍ଲକ ଅନ୍ତର୍ଗତ ଘେନୁପାଲି ପଞ୍ଚାୟତର ସନାତନପଲ୍ଲୀ ଗ୍ରାମର ବାସିନ୍ଦା କୁମାରୀ ପ୍ରଧାନ ଦୀର୍ଘ ଦିନ ଧରି ଜୈବିକ ଚାଷ (ଅର୍ଗାନିକ ଫାଂର୍ମିଙ୍ଗ ), ଛତୁ ଚାଷ ଏବଂ ଫୁଲ ଚାଷ କ୍ଷେତ୍ରରେ ସଫଳତାର ସହ କାର୍ଯ୍ୟ କରି ନିଜ ଅଞ୍ଚଳରେ ଅନ୍ୟ ମହିଳା ଚାଷୀମାନଙ୍କ ପାଇଁ ଏକ ପ୍ରେରଣା ସାଜିଛନ୍ତି। ପାଲାଡିୟମ ଟିମ୍ ପକ୍ଷରୁ ତାଙ୍କ ଏଫ୍.ପି.ଓକୁ ବୈଷୟିକ, ବ୍ୟବସାୟିକ ଏବଂ ପରିଚାଳନାଗତ ଦିଗରେ ନିୟମିତ ସହାୟତା ଯୋଗାଇ ଦିଆଯାଉଛି, ଯାହା ସେମାନଙ୍କ ଉତ୍ପାଦନ ଓ ବଜାର ସଂଯୋଗୀକରଣକୁ ଅଧିକ ସୁଦୃଢ଼ କରିପାରିଛି।

​ଏହି କାର୍ଯ୍ୟକ୍ରମରେ ସମ୍ବଲପୁର ବିଶ୍ୱବିଦ୍ୟାଳୟର କୁଳପତି ପ୍ରଫେସର ବିଧୁ ଭୂଷଣ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ କୁମାରୀ ପ୍ରଧାନଙ୍କୁ ଏହି ସମ୍ମାନପତ୍ର ପ୍ରଦାନ କରିବା ସହ ତାଙ୍କର ଦୃଢ଼ ଇଚ୍ଛାଶକ୍ତି ଓ ପରିଶ୍ରମକୁ ପ୍ରଶଂସା କରିଥିଲେ। ଉତ୍ସବରେ ନାବାର୍ଡର ଡିଡିଏମ୍ ଶ୍ରୀ ଧୀରେନ୍ଦ୍ର କୁମାର ଦାଶ ଉପସ୍ଥିତ ରହି କୃଷି ଓ ଗ୍ରାମୀଣ ବିକାଶ କ୍ଷେତ୍ରରେ ଏଫ୍.ପି.ଓ ଏବଂ ମହିଳା ଚାଷୀମାନଙ୍କର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ।

​