03-Jan-2021

ପାଟଣାଗଡ଼ (ଗୋରେଖନାଥ ବରିହା ) ବେଳପଡା ବ୍ଳକ କପାଣି ଗ୍ରା:ପ:ଅନ୍ତର୍ଗତ ବୁଦାମୁଣ୍ଡା ଗାଁ ରେ କୁଣହା (କୁଡ଼ା, କିଷାନ, ମାଟିଆ,ମିର୍ଧା ) ସମାଜ କପାଣି ସର୍କଲ ପକ୍ଷରୁ ନୂଆବର୍ଷ ଉପଲକ୍ଷେ ବନ୍ଧୁମିଲନ ଅନୁଷ୍ଠିତ ହୋଇଯାଇଛି । ବନ୍ଧୁମିଲନ ସଭାରେ ସର୍କଲ ସଭାପତି ଶ୍ରୀଯୁକ୍ତ ଦିଲୀପ ମିର୍ଧା ଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ନିରଞ୍ଜନ ବିଶି, ମହାସଚିବ ପଶ୍ଚିମ ଓଡିଶା ଆଦିବାସୀ କଲ୍ୟାଣ ମହାସଂଘ ,ସମ୍ମାନିତ ଅତିଥି ଭାବେ ଶ୍ରୀଯୁକ୍ତ ଚୌବନ କିଶୋର ମାଝୀ ,ବ୍ଲକ ସଭାପତି ଆଦିବାସୀ କଲ୍ୟାଣ ସଂଘ ତୁରେକେଲା ,ଶ୍ରୀମାନ ଗିରିଧାରୀ ଭୋଇ ,ଯୁଗ୍ମ ସମ୍ପାଦକ ଜିଲ୍ଲା ଆଦିବାସୀ କଲ୍ୟାଣ ସଂଘ ବଲାଙ୍ଗୀର ଯୋଗଦେଇଥିଲେ ।  ମୁଖ୍ୟ ଅତିଥି କୁଣହା ସମାଜ ସୃଷ୍ଟି ତିଆରି ରେ ମୁଖ୍ୟ ଭୂମିକା ନିଭେଇଥିଲେ  ଓ ଏହି ସରଳ ନିଷ୍କପଟ ,ନିର୍ମଳ ସମାଜ ପୂର୍ବେ ପୋଖରୀ ଖନନ, କୂଅ ଖନନ, ଚହଲା ଖନନ, ଜମି ନିର୍ମାଣ, ରାସ୍ତା ଘାଟ ନିର୍ମାଣ ରେ ଉଲେଖନୀୟ ଭୂମିକା ନିର୍ବାହ କରିଥିଲେ ତତ ସହ ଏହି ମହାନ ଜାତୀ କାହାର ଦାସତ୍ୱ ସ୍ୱୀକାର କରିନଥିଲେ  ବୋଲି ନିଜ ବକ୍ତବ୍ୟ ରେ କହିଥିଲେ । ସାମଜ ର ଉନ୍ନତି ଦିଗରେ ତଥା ଶିକ୍ଷା, ସ୍ୱାସ୍ଥ୍ୟ,ରାଜନୀତି, ଚାକିରୀ ,କ୍ଷେତ୍ରରେ ଉଲ୍ଲେଖନୀୟ ଅବଦାନ ରଖିବା ପାଇଁ ଆହ୍ୱାନ କରିଥିଲେ ।  କର୍ମମୟ ଜୀବନକୁ ଜଳାଞ୍ଜଳି ଦେଇ ଆଦିବାସୀ ମାନଙ୍କର ସୁଖ ଦୁଃଖ ରେ ଦିନ ରାତି ସେବା କରୁଥିବାରୁ ମୁଖ୍ୟ ଅତିଥି ଶ୍ରୀଯୁକ୍ତ ବିଶି ମହୋଦୟଙ୍କୁ ସମାଜ ପକ୍ଷରୁ ସେବା ସମ୍ମାନ ରେ ମାନପତ୍ର ଓ ଉପଢୌକନ ଦେଇ ସମ୍ମାନିତ କରାଯାଇଥିଲା ।ଆଜିର ସଭାକୁ ସର୍କଲ ସମ୍ପାଦକ ଶ୍ରୀଯୁକ୍ତ ମନୋଜ କୁମାର ଲୁହା ସଞ୍ଚାଳନ କରିଥିବାବେଳେ କମିଟିର ଅନେକ ସଦଦ୍ୟ ସହ ଶତାଧିକ ପୁରୁଷ ମହିଳା ଯୋଗଦେଇଥିଲେ ।