20-Aug-2026

ସମ୍ବଲପୁର,:(ସଂଜୀବ ପାଣିଗ୍ରାହୀ )ଯୁଯୋମୁରା ବ୍ଲକ ମହୁଲପାଲି ସ୍ଥିତ ପାର୍ବତୀ ଗିରି ଡିଗ୍ରୀ ମହାବିଦ୍ୟାଳୟରେ ସ୍ଥାନୀୟ ଯୁଯୋମୁରା ଥାନା ଓ ଜାତୀୟ ସେବା ଯୋଜନା, ପାର୍ବତୀ ଗିରି ଡିଗ୍ରୀ ମହାବିଦ୍ୟାଳୟର ମିଳିତ ଆନୁକୂଲ୍ୟରେ " ନିଶାମୁକ୍ତ ଯୁବା ,ବିକଶିତ ଭାରତ " କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟ ଅଧ୍ୟକ୍ଷ ଗିରିଶ ପଟ୍ଟନାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ଯୁଯୋମୁରା ଥାନା ଆଇ ଆଇ ସି ଅନିମା ଏକ୍କା ମୁଖ୍ୟ ଅତିଥି ଭାବେ ଯୋଗ ଦେଇ ନିଶାମୁକ୍ତ,ସୁସ୍ଥ , ସମୃଦ୍ଧ ଓ ସୁନ୍ଦର ଭାରତ ଗଠନ ପାଇଁ ନିଶାମୁକ୍ତ ଯୁବ ସମାଜ ହିଁ ସର୍ବୋତ୍ତମ ଆଧାର ବୋଲି ମତବ୍ୟକ୍ତ କରିଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ବନ୍ହିକନ୍ୟା ପାର୍ବତୀ ଗିରି ଙ୍କ ଫଟୋ ଚିତ୍ରରେ ଶ୍ରଦ୍ଧାସୁମନ ଅର୍ପଣ କରାଯାଇଥିଲା । ଏହାପରେ ସ୍ଵେଚ୍ଛାସେବୀ ମାନେ ମୁଖ୍ୟ ଅତିଥି ଙ୍କୁ ପୁଷ୍ପଗୁଚ୍ଛ ପ୍ରଦାନ କରି ସ୍ୱାଗତ ଜଣାଇଥିଲେ । ସ୍ଵେଚ୍ଛାସେବୀ ମାନେ ନିଜେ କୌଣସି ପ୍ରକାର ନିଶା ଦ୍ରବ୍ୟ ସେବନ ନ କରି ନିଜର ବନ୍ଧୁ ପରିବାର ,ସାଙ୍ଗସାଥି ଙ୍କ ସହିତ ନିଜ ନିଜ ଗାଁ ରେ ନିଶାଦ୍ରବ୍ୟ ର କୁ ପରିଣାମ ବିଷୟରେ ସଚେତନ କରିବାକୁ ପରାମର୍ଶ ଦିଆଯାଇଥିଲା । ଏହି ଅବସରରେ ମହାବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ସ୍ଵେଚ୍ଛାସେବୀ, ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଗଣ ସାମୁହିକ ଭାବେ ନିଶାମୁକ୍ତ ଭାରତ ଗଠନ ପାଇଁ ଏକ ଶପଥ ପାଠ କରିଥିଲେ । ଉକ୍ତ କାର୍ଯ୍ୟକ୍ରମକୁ ଜିଲ୍ଲା ଏନ୍ ଏସ୍ ଏସ୍ କାର୍ଯ୍ୟକ୍ରମ ଅଧିକାରୀ ଶାନ୍ତନୁ ପଧାନ ସଂଯୋଜନା କରିଥିଲେ । ଉକ୍ତ କାର୍ଯ୍ୟକ୍ରମରେ ମହାବିଦ୍ୟାଳୟର ସମସ୍ତ କର୍ମଚାରୀ ଅଂଶଗ୍ରହଣ କରିଥିଲେ ।