30-Dec-2020

ବଲାଙ୍ଗୀର,(ପ୍ରେରଣା ଖବର) : ବଲାଙ୍ଗୀର ଜିଲ୍ଲା ଅନ୍ତର୍ଗତ ଖପ୍ରାଖୋଲ ବ୍ଲକ ର  ଲାଠୋର ପୋଲିସ ବାହାରକୁ ଚାଲାଣ ହେଉଥିବା ବେଳେ ଚାରିଶହ ବୋତଲ ବେଆଇନ କଫ୍ ସିରପ୍ ଏବଂ ବାଇକ୍କୁ ମସିଣା ଛକରୁ ଜବତ କରି ଦୁଇ ଜଣଙ୍କୁ କୋର୍ଟ ଚାଲାଣ କରିଛି। ସୂଚନା ଅନୁସାରେ ନୂଆପଡ଼ା ଜିଲ୍ଲା ବୋଡ଼େନର ଗଙ୍ଗାଧର ନାଗ ଏବଂ କୋମନାର ଟୁନା ବେମାଲ ଏକ ଆପାଚି ବାଇକ ନମ୍ୱର୍ ଓଡି-୨୬-ଡି-୩୪୬୩ ଯୋଗେ ପାଟଣାଗଡ଼ରୁ ଚାରିଶହ ବୋତଲ କଫ୍ ସିରପ୍ ବୋଝେଇ କରି କୋମନା ନେଉଥିବା ସମୟରେ ଲାଠୋର ପୋଲିସ ବିଶ୍ୱସ୍ତ ସୁତ୍ରରୁ ଖବର ପାଇ ତାଙ୍କୁ ପିଛା କରିଥିଲେ । ଯୁବକ ଦ୍ବୟ ଚତୁରତା ସହ ଖସି ଯିବାକୁ ପ୍ରୟାସ କରୁଥିବା ବେଳେ ଲାଠୋର ନିକଟସ୍ଥ ମସିଣା ଛକ ନିକଟରେ ଯୁବକ ଦ୍ବୟଙ୍କୁ କାବୁ କରିବା ସହ କଫ୍ ସିରପ୍ ଏବଂ ବାଇକ୍କୁ ଥାନାକୁ ଆଣିଥିଲେ । ପରେ ଖପ୍ରାଖୋଲ ତହସିଲଦାର ଧିରଜ କୁମାର ପାତ୍ରଙ୍କ ଉପସ୍ଥିତିରେ କଫ୍ ସିରପ୍ ଗଣତି କରାଯାଇ ସିଲ୍ କରାଯାଇଥିବା ପୋଲିସ ସୁତ୍ରରୁ ଜଣାପଡିଛି । ଏନେଇ ଲାଠୋର ଥାନାରେ ଏକ କେସ୍ ନମ୍ବର ୧୬୯/୨୦ ରେ ଦଫା ୨୧(ବି) ଏନଡିପିଏସ୍ରେ ଏକ ମାମଲା ରୁଜୁ କରି ଅଭିଯୁକ୍ତ ଦ୍ବୟଙ୍କୁ ଆଜି କୋର୍ଟ ଚାଲାଣ କରାଯାଇଥିବା ଲାଠୋର ପୋଲିସ ପକ୍ଷରୁ କୁହାଯାଇଛି । ପ୍ରକାଶ ଯେ କ୍ଲିନ କ୍ରୀମିନାଲ ନାମକ ଏକ ସ୍ୱତନ୍ତ୍ର ଟିମ ବଲାଙ୍ଗୀର ଜିଲ୍ଲାରେ ବିଗତ ଦିନ ରେ ପୂର୍ବତନ ଅରକ୍ଷାଧିକ୍ଷକ ଆରମ୍ଭ କରି ବ୍ୟାପକ ମାତ୍ରାରେ ଏହି ବ୍ୟବସାୟ ଉପରେ ରୋକ ଲଗାଇପାରିଥିଲେ । ଉକ୍ତ କଫସିରଫ ବ୍ୟବସାୟୀ ବଲାଙ୍ଗୀର ରେ ନିଜ ବେଆଇନ କାରବାର କରି ନ ପାରି ଜିଲ୍ଲା ର ସିନ୍ଧେକେଲା ରୁ ଚାନ୍ଦୁତରା ରାସ୍ତା ର ହନୁମାନ ମନ୍ଦିର କଡରେ ଥିବା ଏକ ଘର କୁ କେନ୍ଦ୍ର ସ୍ଥଳି କରି ଅନୁରୂପ ଭାବେ ବର୍ତ୍ତମାନ ସୁଦ୍ଧା ଏହି କାରବାର ଚାଲିଆସିବା ନେଇ ଜନସେବା ସଙ୍ଘ ତରଫରୁ ଲିଖିତ ଅଭିଯୋଗ ବିଭିନ୍ନ ଅଧିକାରୀ ଙ୍କ ନିକଟରେ କରାଯାଇଛି ।  ତେବେ ଏ କାରବାର ଯୋଗୁଁ  ଛାତ୍ର, ଛାତ୍ରୀ ସହ ନାମୀ,ଦାମୀ ସାଧାରଣ ଲୋକେ ଏହି ନିଶାରେ ଅଵ୍ୟସ୍ତ ହୋଇ ନିଜ ଭବିଷ୍ୟତ ନଷ୍ଟ କରୁଥିବା ବେଳେ ନୂତନ ଆରକ୍ଷୀ ଅଧିକ୍ଷକ ଭାବେ ଯୋଗଦେଇଥିବା ଏସ ପି ସ୍ୱତନ୍ତ୍ର ଭାବେ ଏ କାରବାର ବନ୍ଦ କରିବା ପାଇଁ ଜନସେବା ସଙ୍ଘ ଦାବି କରିଛି।