29-Aug-2026

ବରଗଡ଼(ତୁଳସୀ ଚରଣ ଦାଶ):  ଆଜି ସ୍ଥାନୀୟ ଗାନ୍ଧୀ ସ୍ମୃତି ପାଠାଗାର ଠାରେ ଟୁଗେଦର ଫର୍ ପ୍ଲେଜର ଗୃପ ପକ୍ଷରୁ ପ୍ରଫେସର ପ୍ରହଲ୍ଲାଦ ପ୍ରଧାନଙ୍କ ୧୧୬ ତମ ଜୟନ୍ତୀ ଉତ୍ସବ ମହାସମାରୋହରେ ପାଳିତ ହୋଇଯାଇଅଛି। ଅବସରପ୍ରାପ୍ତ ଜିଲ୍ଲା ଶିକ୍ଷା ନିରୀକ୍ଷକ ଅକ୍ଷୟ କୁମାର ଭୋଇଙ୍କ ସଭାପତିତ୍ବରେ ଅନୁଷ୍ଠିତ ଜୟନ୍ତୀ ଉତ୍ସବରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ କୁଳପତି ଡ଼ଃ ଆଦିତ୍ୟ ପ୍ରସାଦ ପାଢ଼ୀ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ଅବସରପ୍ରାପ୍ତ ପ୍ରଫେସର (ସମ୍ବଲପୁର ବିଶ୍ୱବିଦ୍ୟାଳୟ) ଡଃ ରାଧେଗୋପାଳ ପ୍ରଧାନ ଯୋଗଦେଇ ପ୍ରଫେସର ପ୍ରହଲ୍ଲାଦ ପ୍ରଧାନଙ୍କ ସମ୍ପର୍କରେ ନିଜ ନିଜ ବକ୍ତବ୍ୟ ପ୍ରତିପାଦିତ କରିଥିଲେ । ସମ୍ମାନିତ ଅତିଥି ଭାବେ ରାଉରକେଲା ନିଟ୍ ର ଅବସରପ୍ରାପ୍ତ ପ୍ରଫେସର ବନମାଳୀ ପ୍ରଧାନ ଯୋଗଦେଇ ପ୍ରଫେସର ପ୍ରହଲ୍ଲାଦ ପ୍ରଧାନଙ୍କ ଗୁଣଗାନ କରିଥିଲେ । ଅବସରପ୍ରାପ୍ତ ପ୍ରଫେସର ରବିନ୍ଦ୍ର ପ୍ରଧାନ ଅତିଥି ପରିଚୟ, ପୁଷ୍ପ ଗୁଛ, ଓ ଉତ୍ତରୀୟ ପ୍ରଦାନ କରିଥିଲେ । ଏହି ଅବସରରେ ଡଃ ଗୋବର୍ଦ୍ଧନ ସାହୁଙ୍କ ଇଂରାଜୀ ଉପନ୍ୟାସ "ଦ ଲାୟରିକେଲ ଏଲିଜି ଅଫ ଦି ଲୋଟସ୍ କ୍ୟୁନ" ଉନ୍ମୋଚନ କରାଯାଇଥିଲା। ଏହା ପୂର୍ବରୁ ପ୍ରଫେସର ପ୍ରହଲ୍ଲାଦ ପ୍ରଧାନଙ୍କ ଫଟୋ ଚିତ୍ରରେ ପୁଷ୍ପ ମାଲ୍ୟ ଅର୍ପଣ ଏବଂ ଅଧ୍ୟାପିକା ସୁନନ୍ଦୀନୀ ଦାଶ ସ୍ବାଗତ ସଂଗୀତ ପରିବେଷଣ କରିଥିଲେ।ଶେଷରେ ଅବସରପ୍ରାପ୍ତ ପ୍ରଫେସର ଡ଼ଃ ମାଧବ ସାହୁ ଧନ୍ୟବାଦ ଅର୍ପଣ କରିଥିଲେ । ଆଜିର ଏହି ଜୟନ୍ତୀ ଉତ୍ସବରେ ସର୍ବଶ୍ରୀ ଅଗ୍ନି ପ୍ରଧାନ, ମନୋରଞ୍ଜନ ସାହୁ, ଅରୁଣ ମହାନ୍ତି, ରବିନାରାୟଣ ପଣ୍ଡା,ତରଣୀସେନ ବୁଧିଆ, ଡଃ ତପସ୍ଵିନୀ ଗୁରୁ,ମୋହନ ସାହୁ, ରୋହିତ କୁମାର ଦାଶ, ଧର୍ମାନନ୍ଦ ବାରିକ,କେଶବ ପ୍ରଧାନ, ବିନୋଦ ସାହୁ ଓ ଆହୁରି ଅନେକ ଯୋଗଦେଇଥିଲେ ।
         ---------×××---------