19-Jul-2024

ହରଭଙ୍ଗା(ଦେବବ୍ରତ ଦାଶଙ୍କ ରିପୋର୍ଟ) ବୌଦ୍ଧ  ବନଖଣ୍ଡ ପୁରୁଣାକଟକ ରେଞ୍ଜ ପକ୍ଷରୁ  ୩ ଶାଗୁଆନ ଗଣ୍ଡି ସହିତ ୨ ଜଣଙ୍କୁ ଗିରଫ କରି ଉଭୟଙ୍କୁ ଗୁରୁବାର କୋର୍ଟ ଚଲାଣ ହୋଇଥିବା ବିଭାଗ ପକ୍ଷରୁ ସୂଚନା ମିଳିଛି l ସୂଚନା ଅନୁଯାୟୀ ପୁରୁଣାକଟକ ରେଞ୍ଜ ଅଧିନସ୍ଥ ରତନପୁର ଗ୍ରାମରେ ଶାଗୁଆନ ଗଣ୍ଡିରୁ କରତ ସାହାଯ୍ୟରେ କାଟି ପଟା ତିଆରି ହେଉଥିବା ନେଇ ବନ ବିଭାଗ ବିଶେଷ ସୂତ୍ରରୁ ଖବର ମିଳିଥିଲା l ଖବର ପାଇ ବନ ବିଭାଗ ଗ୍ରାମରେ ପହଂଚି ଥିଲେ । ସେଠାରୁ ୩ଖଣ୍ଡ ଶାଗୁଆନ ଗଣ୍ଡି ୮.୨୫ ଫିଟ ସହିତ ବ୍ୟବହୃତ ଗୋଟିଏ ହାତ କରତ ଏବଂ ପଟା ତିଆରି କରୁଥିବା ଆସାମୀଙ୍କୁ ଗିରଫ କରିଥିଲା ବନ ବିଭାଗ । ଗିରଫ ବ୍ୟକ୍ତି ମାନେ ହେଲେ ପୁରୁଣାକଟକ ଗ୍ରାମର କରୁଣା କହଁର ଓ କାର୍ତିକ କହଁର l ଉଭୟଙ୍କୁ  କୋର୍ଟ ଚାଲାଣ କରିଥିବା ବେଳେ ରତନପୁର ଗ୍ରାମର ହରିହର କର୍ଣ୍ଣ ଯିଏକି ଏହି ପଟା ତିଆରି କରାଉଥିବା ମାଲିକ ଫେରାର ଥିବା ରେଞ୍ଜ ପକ୍ଷରୁ ସୂଚନା ମିଳିଛି । ଏହି ଅପରେସନରେ ଏସିଏଫ୍  ମିନାକ୍ଷୀ କୁମରା, ସହକାରୀ ତହସିଲଦାର, ଏ ସି ଏଫ୍ /ରେଞ୍ଜ ଅଧିକାରୀ ଜୟନ୍ତ କର୍ଣ୍ଣ, ବନପାଳ ଚିତ୍ତରଞ୍ଜନ ପ୍ରଧାନ, ପୁଷ୍ପାଞ୍ଜଳି ମେହେର, ଗୋବର୍ଦ୍ଧନ ମେହେର, ବନରକ୍ଷୀ ବୀଣାପାଣି ଖଟୁଆ, ପିଙ୍କି ପ୍ରଧାନ ସମେତ ସ୍କ୍ୱାର୍ଡ ଓ ପୁରୁଣାକଟକ ପୋଲିସ ସାମିଲ ଥିଲେ ।