21-May-2024

ମୁରିବାହାଲ(ସୁଦାମ ଚରଣ ବଘାର ): ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ନିର୍ବାଚନମଣ୍ଡଳୀ ମୁରିବାହାଲ ବ୍ଲକ ଗୁଡିଘାଟ ପଞ୍ଚାୟତ ଅଞ୍ଚଳ ୫ ଟି ଗ୍ରାମରେ ନେଟୱର୍କ ଅସୁବିଧା ଯୋଗୁଁ ନାହିଁ ନ ଥିବା ଅସୁବିଧା ର ସମ୍ମୁଖୀନ ହୋଉଛନ୍ତି ଲୋକେ । ବାରବନ୍ଦ, ଶୁକନୀପଦର,ରାଣୀସିଲେଟ,ବେହେରାଖାଇ, କୁଟୁନୀଝରନ ଏହି ଗ୍ରାମର ସମସ୍ତେ ଏକଜୁଟ ହୋଇ ଗତକାଲି ସାଧାରଣ ନିର୍ବାଚନରେ ଭୋଟ ବର୍ଜନ କରିଛନ୍ତି! ଦୀର୍ଘ ଦୁଇ ବର୍ଷ ରୁ ପ୍ରଶାସନକୁ ଲିଖିତ ଭାବେ ବାରମ୍ବାର ଦେଇଥିବା ବେଳେ ଅନେକ ଥର ବ୍ଲକ ସମୁଖରେ ମଧ୍ୟ ଧାରଣା ଦେଇଥିଲେ l ମୁରିବାହାଲ ବ୍ଲକ ବି ଡି ଓ ଙ୍କୁ ମୋବାଇଲ ଟାୱାର ବସାଇବା ପାଇଁ ଦାବିପତ୍ର ପ୍ରଦାନ କରିଥିଲେ ମଧ୍ୟ ପ୍ରଶାସନ ଏବଂ ସରକାର ଅଣଦେଖା କରୁଥିବା ବେଳେ ଗ୍ରାମବାସୀ ବର୍ଜନ କରିଛନ୍ତି ଭୋଟ l ଏଭଳି କେତେ ଅଣ ରାଜସ୍ୱ ଗ୍ରାମ ଗୁଡିକ ଅବସ୍ଥିତ ଅଛି ଆଜି ଯାଏ ନେଟୱର୍କ ପାଇଁ ବହୁତ ହଇରାଣ ହେବା କୁ ପଡୁଛି, ଯାହା ଫଳରେ ଜରୁରୀ ପରିସ୍ଥିତି ରେ ଲୋକ ମେଡିକାଲ ଯିବା ପାଇଁ ଆମ୍ବୁଲାନ୍ସ କୁ ଫୋନ କରିବା ପାଇଁ ଲୋକ ଟାଙ୍କି ଉପରକୁ ନହେଲେ ଗଛ ଉପରକୁ ଚଢି ଫୋନ କରୁଛନ୍ତି! ହେଲେ ନେଟୱର୍କ ଆସୁନାହି। ମହିଳା ଙ୍କ ପ୍ରସବ ଯନ୍ତ୍ରଣା ହେଉ କିମ୍ବା କାହାର କେଉଁଠି ଦୁର୍ଘଟଣା ହେଉ ବେଳେ ବେଳେ ନିଜସ୍ୱ ଲୋକଙ୍କ ମୁର୍ତ୍ଯୁ ହେଲେ ଖବର ପାଇବାକୁ କିଛିଦିନ ବିତିଯାଉଛି ! ଜନସଂଖ୍ୟ ଷୋହଲ ଶହ ରୁ ଉର୍ଦ୍ଧ ହୋଇଥିବା ବେଳେ ୯୦୦ ଭୋଟର ଅଛନ୍ତି, ବିଡମ୍ବନା ର ବିଷୟ ଏହି କି ଯେ ସ୍ୱାଧୀନତା ର ୭୭ ବର୍ଷ ପରେ ମଧ୍ୟ ଏହି ଗ୍ରାମ ଗୁଡିକ ରେ ମୋବାଇଲ ନେଟୱର୍କ ସଂଯୋଗ ହୋଇପାରିନାହିଁ ! ଦୁନିଆ କେତେ ବିକାଶ ଆଡକୁ ଗତିକଲାଣି ହେଲେ ଛାତ୍ର ଛାତ୍ରୀ ମାନେ ଅନଲାଇନ ପାଠପଡା ରୁ ମଧ୍ୟ ବଞ୍ଚିତ ହେଉଛନ୍ତି ! ଏହାର ସମାଧାନ ପାଇଁ ଜନପ୍ରତିନିଧି, ଜିଲ୍ଲାପାଳ, ୫ଟି ସଚିବ ସମସ୍ତଙ୍କୁ ଜଣାଇଲା ପରେ ମଧ୍ୟ କିଛି ପ୍ରତିକ୍ରିୟା ମିଳିପାରିନାହିଁ ! ତେଣୁ କରି ଯଥା ଶୀଘ୍ର ଏହାର ସମାଧାନ କରା ନଗଲେ ବାରବନ୍ଧ ଗ୍ରାମର ୯୦୦ ସହ ମତଦାତା ଆଗାମୀ ୨୦୨୪ ସାଧାରଣ ନିର୍ବାଚନରେ

ଭୋଟ ବର୍ଜନ କରିବାପାଇଁ ମଧ୍ୟ ଆଗରୁ ଚେତାବନୀ ଦେଇଥିଲେ । ସକାଳୁ କିଏ ଜଣେ ମଧ୍ୟ ଭୋଟ ଦେବା ପାଇଁ ଯାଇ ନାହିଁ ! ଭୋଟ ବର୍ଜନ କରିବା ପାଇଁ ସ୍ଥିର କରିଛନ୍ତି ଏହି ଗ୍ରାମବାସୀ, ଗ୍ରାମର ଗିରିଧାରୀ ସାହୁ, ଆଲୋକ ସାହୁ ସୈତ ବଘାର ବଲମତ ଭୋଇ,ପବିତ୍ର ସାହୁ, ଶଙ୍କର ଧଙ୍ଗଡା ମାଝୀ, ସୁରୁତ ବଘାର, ବବଲୁ ସାହୁ, ତେଜୁ ସାହୁ, ହେମସାଗର ବଘାର, ସୁଶୀଲ ବଘାର, ହରିଶଙ୍କର ଧରୁଆ, ଭକ୍ତ ସାହୁ ,ବୁଡୁ ଚିନ୍ଦା, ଗୋପାଳ,ପବିତ୍ର ସାହୁ ,ନିରଞ୍ଜନ ସାହୁ, ଗୋବିନ୍ଦ ଭୋଇ, ରୁଦ୍ର ସିଂ ଭୋଇ, ଶ୍ୟମଘନ ମାଝୀ, ଅମରେଶ ମାଝୀ, ପୁଣ୍ୟ ମାଝୀ ଗ୍ରାମ ର ଶତାଧିକ ଗ୍ରାମ ବାସୀ ଉପସ୍ତିତ ରହି ଭୋଟ ବର୍ଜନ କରିଥିଲେ! ସ୍ଥାନୀୟ ତହସିଲଦାର ଏବଂ ବ୍ଲକ ଆକାଉଣ୍ଟ ଅଫିସର, ବ୍ଲକ ଅଧକ୍ଷ, ଏବଂ ସରପଞ୍ଚ ମଧ୍ୟ ସାନ୍ତନା ଦେଇ କହିଥିଲେ ମଧ୍ୟ ଗ୍ରାମ ବାସୀ ମନା କରିଥିଲେ ଏବଂ ନେଟୱର୍କ ନ ଲାଗିବା ପର୍ଯ୍ୟନ୍ତ ଭୋଟ ବର୍ଜନ ଜାରିରହିବ ବୋଲି କହିଛନ୍ତି।