16-May-2024

କଣ୍ଟାମାଲ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଲ ନିର୍ବାଚନ ମଣ୍ଡଳୀରେ ବଦଳୁଛି ରାଜନୈତିକ ପାଣିପାଗ ଓ ଜମୁଛି ପ୍ରଚାର ପ୍ରସାର l ବିଜେଡି, ବିଜେପି, କଂଗ୍ରେସ ଓ ସ୍ୱାଧୀନ ପ୍ରାର୍ଥୀ ସୁଧାଂଶୁ ଡାଙ୍ଗ ମଧ୍ୟ ପ୍ରଚାର, ପ୍ରସାର ରେ ଦୌଡୁଛନ୍ତି l ଏହି ନିର୍ବାଚନ ମଣ୍ଡଳୀ କଣ୍ଟାମାଲ ବ୍ଲକର 24ଟି ଓ ବୌଦ୍ଧ ବ୍ଲକ ର 12ଗୋଟି ଗ୍ରାମ ପଞ୍ଚାୟତ କୁ ନେଇ ଗଠିତ l ଆଜି କଣ୍ଟାମାଲ ନିର୍ବାଚନ ମଣ୍ଡଳୀରେ ବିଜେପି ବିଧାୟକ ପ୍ରାର୍ଥୀ କହ୍ନlଇ ଚରଣ ଡାଙ୍ଗ ଙ୍କ ପୁତ୍ର ମିଲନ ଡାଙ୍ଗ ଙ୍କ ମାରାଥନ ପ୍ରଚାର ଦେଖିବାକୁ ମିଳିଛି l ଏହି ଅବସରରେ ଏକ ରାଲି ବାହାରିଋଣ୍ଡିମହୁଲ ଗ୍ରାମପଂଚାୟତ ର ସୁଲିଆ, ନୂଆପାଲୀ, ଋଣ୍ଡିମହୁଲ, ଟାଙ୍ଗିଆପାଲି, ବରପଦର, ବାଲିଜୋରୀ, ପାଞ୍ଚଖଣ୍ଡି, ଝାରଫେସ୍ପେରଡ଼ି, ଡୁଙ୍ଗୁରିଗୋରl, କେଂକମଞ୍ଜି, ଆଦିଗ୍ରାମ ବୁଲିଥିଲାଓ ଘରକୁ ଘର ବୁଲି ବିଜେପି ପ୍ରାର୍ଥୀ ଙ୍କ ପାଇଁ ଭୋଟ ଭିକ୍ଷା କରିଥିଲେ l ଉକ୍ତ ରାଲିରେ ବିଜେପି ନେତା ପଞ୍ଚାନନ ସାହୁ,ସନତ କୁମାର ବାରିକ ,କଣ୍ଟାମାଲ ମଣ୍ଡଳ ସଭାପତି ଅନିଲ କୁମାର ପ୍ରଧାନ, ଜିଲ୍ଲା ପରିଷଦ ସଭ୍ୟା ପଦ୍ମାଳୟା ପ୍ରଧାନ,ସମିତି ସଭ୍ୟ ଲିଙ୍ଗରାଜ ଦନ୍ତା ଗୋପାଳ ପୁରୋହିତ,ଅନନ୍ତ ଚରଣ ସାହୁ,ଦୀପକ କୁମାର ବାରିକ, ଗୁଲେଖ ସାହୁ, ଉମାକାନ୍ତ ବାରିକ, ବଳରାମ ବାରିକ, ଏକl ଦସିଆ ଖେତି, ଲାଲମୋହନ ସାହୁ,ଙ୍କ ସମେତ ବହୁସଂଖ୍ୟାରେ କର୍ମୀ, ନେତା ଯୋଗ ଦେଇଥିଲେl ସେହପରୀ ବିଜେପି 

 ବିଧାୟକ ପ୍ରାର୍ଥୀ କହ୍ନାଇ ଚାରଣ ଡାଙ୍ଗଙ୍କ ପତ୍ନୀ ବାସନ୍ତୀ ଡାଙ୍ଗ ଓ ପୁତ୍ରବଧୂ ରୀତୁ ଡାଙ୍ଗ ଘଣ୍ଟାପଡା ଜୋନ ଅନ୍ତର୍ଗତ ବରଗାଁ ପଞ୍ଚାୟତର ବିଭିନ୍ନ ମଠ, ମନ୍ଦିର ଓ ଗ୍ରାମକୁ ଯାଇ ପ୍ରତ୍ୟେକ ପରିବାର ଲୋକଙ୍କୁ ଭେଟି ମୋଦି ସରକାରଙ୍କ ବିଭିନ୍ନ ଲୋକହିତକର ଯୋଜନା ବିଷୟରେ ବୁଝାଇବା ସହିତ ବିଧାୟକ ପ୍ରାର୍ଥୀଙ୍କୁ ଜିତାଇବା ପାଇଁ ପଦ୍ମ ଫୁଲ ଚିହ୍ନରେ ଭୋଟ ଦେବାକୁ ନିବେଦନ କରିଥିଲେ l ଏହି ଅବସରରେ ମଲିକୁଦ ଗ୍ରାମରୁ ଏକ ରାଲି ବାହାରି ତିଲକାମାଲ, ସେମେଲଝୁରା, ଲୁଇସିଂ, ବୀରସିଂହପୁର, ଭଟାଗୁରା, ଖଲିଆପାଲି, ବରଗାଁ ଆଦି ଗ୍ରାମ ବୁଲିଥିଲା l ଉକ୍ତ ରାଲିରେ ଘଣ୍ଟାପଡା ମଣ୍ଡଳ ସଭାପତି ପିନାକ ରଣା, ଜିଲ୍ଲା ଉପସଭାପତି ଚିତ୍ତରଞ୍ଜନ ପାତ୍ର, ଆଦିବାସୀ ନେତା ଡମ୍ବରୁଧର କହଁର, ସତ୍ୟନାରାୟଣ ମାଝୀ, ଗୋପୀନାଥ କହଁର, ଖମନମୁଣ୍ଡା ସରପଞ୍ଚ ଅଳକା ପ୍ରଧାନ, ବରଗାଁ ସରପଞ୍ଚ ରଶ୍ମିତା ରଣା ପ୍ରମୁଖ ସମେତ ବହୁ ସଂଖ୍ୟାରେ କର୍ମୀ ସାମିଲ ଥିଲେ l ସେହିପରି 
 କଣ୍ଟାମାଳ ନିର୍ବାଚନ ମଣ୍ଡଳୀର ୧ ନମ୍ବରଜୋନ ଘଣ୍ଟାପଡା ଅଞ୍ଚଳରେ ରାଜନୈତିକ ଉଷ୍ମତା ଅଧିକ ସରଗରମ ରହିଛି l ବିଜେଡି ଦଳ ପକ୍ଷରୁ ବିଧାୟକ ପ୍ରାର୍ଥୀ ମହୀଧର ରଣାଙ୍କ ପାଇଁ ପୁଅ ସୁଧାଂଶୁ ରଣା ଓ ବୋହୂ ଜସ୍ମିନ ରଣା ମୈଦାନକୁ ଓହ୍ଲାଇଛନ୍ତି l ଖୁଣ୍ଟିଗୋରା ସରପଞ୍ଚ ସୁନିତା ମାଝୀ, କୁଳୁତାଜୋର ପଞ୍ଚାୟତ ପୂର୍ବତନ ସରପଞ୍ଚ ପଦ୍ମାବତୀ ରଣା, ଆଦିବାସୀ ନେତା ପିତାମ୍ବର ଭୋଇ ଏବଂ ବହୁ ସଂଖ୍ୟାରେ ଦଳୀୟ କର୍ମୀଙ୍କୁ ନେଇ ବନ୍ଧଗୋରା ସ୍ଥିତ ଧବଳେଶ୍ୱର ବାବାଙ୍କୁ ଦର୍ଶନ କରି ରାଲି ଆରମ୍ଭ କରିଥିଲେ l ଖୁଣ୍ଟିଗୋରା ପଞ୍ଚାୟତ ଅଧିନ ବିଭିନ୍ନ ଗ୍ରାମର ଘରକୁ ଘର ଯାଇ ଲୋକଙ୍କୁ ଭେଟି ମୁଣ୍ଡିଆ ମାରି ବିଧାୟକ ଓ ସାଂସଦ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଥିଲେ l ସ୍ଥାନୀୟ ଅଞ୍ଚଳରେ ହୋଇଥିବା ବିକାଶ ସହିତ ରାଜ୍ୟ ସରକାରଙ୍କ ଇସ୍ତାହାର ବିଷୟରେ ଲୋକଙ୍କୁ ବୁଝାଇଥିଲେ l ସେହିପରି ଆମ୍ବଗାଁ ପଞ୍ଚାୟତରେ ପତ୍ନୀ ଅଏଁଲା ରଣା ଓ ପୁଅ ସୀତାଂଶୁ ରଣା ନିର୍ବାଚନ ପ୍ରଚାର କରିଥିଲେ l ଆମ୍ବଗାଁ ସରପଞ୍ଚ ପ୍ରତିମା ରଣା, ସମିତି ସଭ୍ୟ ଦେବେନ୍ଦ୍ର ରଣା ଆଦିବାସୀ ନେତା ସାମନ୍ତ ମାଝୀଙ୍କ ସମେତ ବହୁ ଦଳୀୟ କର୍ମୀଙ୍କୁ ନେଇ ବିଭିନ୍ନ ଗ୍ରାମର ଘରକୁ ଘର ଯାଇ ଭୋଟ ଭିକ୍ଷା କରିଥିଲେ l