04-Apr-2024

ବାଲାଙ୍ଗୀର, -ଆଜି ବଲାଙ୍ଗୀର ଜିଲ୍ଲା ବିଜେଡିର ଏକ ମିଶ୍ରଣପର୍ବ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଶୈଳଶ୍ରୀ ପ୍ୟାଲେସଠାରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲା ଓକିଲସଂଘର ସଭାପତି ଅମ୍ବରୀଶ ତ୍ରୀପାଠୀ ଓ ସଂପାଦକ ପ୍ରମୋଦ ବହିଦାରଙ୍କ ନେତୃତ୍ୱରେ ପ୍ରାୟ ୩୦ଜଣ ସମର୍ଥକ ବିଜେଡିଦଳରେ ଆନୁଷ୍ଠାନିକ ଭାବରେ ଯୋଗଦେଇଥିଲେ । ବିଜେଡିଦଳର ସୁପ୍ରୀମୋ ନବୀନ ପଟ୍ଟନାୟକ,୫ଟି ଅଧ୍ୟକ୍ଷ ଭି.କେ.ପାଣ୍ଡିଆନ ନୀତିଆଦର୍ଶ ଓ କଳିକେଶନାରାୟଣ ସିଂଦେଓଙ୍କ ବିକାଶବିଚାରାଧାରାରେ ପ୍ରଭାବିତ ହୋଇ ବିଜୁଜନତାଦଳରେ ସାମିଲ ହୋଇଥିବା ଓକିଲସଂଘର ସଭାପତି ଅମ୍ବରୀଶ ତ୍ରୀପାଠୀ ଗଣମାଧ୍ୟମ ଆଗରେ କହିଛନ୍ତି । ଜିଲ୍ଲାର ବିକାଶରେ ବିଜେଡି ସରକାରଙ୍କ ପ୍ରମୁଖ ଭୂମୀକା ରହିଛି । ସେହି ବିକାଶ ଧାରାରେ ନିଜେ ସହଭାଗୀ ହେବେ ବୋଲି ଶ୍ରୀ ତ୍ରୀପାଠୀ କହିଛନ୍ତି ।ଏହି କାର୍ଯ୍ୟକ୍ରମରେ ବିଜେଡିର ବରିଷ୍ଠ ନେତା ଅନଙ୍ଗଉଦୟ ସିଂଦେଓ, ରାଜ୍ୟ ସାଧାରଣସଂପାଦକ କଳିକେଶନାରାୟଣ ସିଂଦେଓ ଓ ଯୁବନେତା ମନ୍ମଥନାରାୟଣ ସିଂଦେଓ ସମସ୍ତଙ୍କ ବିଜେଡି ଉତ୍ତରିୟ ଓ ଫୁଲମାଳ ଦେଇ ସ୍ୱାଗତ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା ବିଜୁମହିଳା ସଭାନେତ୍ରୀ ଦମୟନ୍ତି ବାଘ,ପୌରାଧ୍ୟକ୍ଷା ଲିକା ସାହୁ,ବିଜେଡିଦଳର ଜିଲ୍ଲାକାର୍ଯ୍ୟକାରୀ ସଭାପତି ଅଶୋକ ମହାନ୍ତି,ନଗର ସଭାପତି ଶମ୍ଭୁ ନାଗ,ବରିଷ୍ଠ ଆଇନଜୀବି ପ୍ରବୀଣ ମିଶ୍ର,ଓଁକାର ନାୟକ ପ୍ରମୁଖ ଉପସ୍ଥିତ ରହିଥିଲେ । 

ବିଜେଡିଦଳରେ ଯୋଗଦେଲେ ୨୫ରୁ ଉର୍ଦ୍ଧ୍ୱ ଯୁବକ
ବାଲାଙ୍ଗୀର-ଆଜି ଶୈଳଶ୍ରୀ ପ୍ୟାଲେସରେ ଆୟୋଜିତ ଏକ ମିଶ୍ରଣପର୍ବରେ ବଲାଙ୍ଗୀର ସହର ଓ ଆଖପାଖର ପ୍ରାୟ ୨୫ରୁ ଉର୍ଦ୍ଧ୍ୱ ଯୁବକ ବିଜୁଜନତାଦଳରେ ସାମିଲ ହୋଇଛନ୍ତି । ବିଜେଡି ରାଜ୍ୟସଂପାଦକ ପ୍ରଦ୍ୟୁତ ମିଶ୍ରଙ୍କ ସହ ପରାମର୍ଶ କରି ଏହି ଯୁବକମାନେ ଆସି ବିଜେଡିରେ ଯୋଗଦେଇଛନ୍ତି । ବିଜେଡିର ରାଜ୍ୟସାଧାରଣ ସଂପାଦକ କଳିକେଶନାରାୟଣ ସିଂଦେଓ ସେମାନଙ୍କୁ ସମସ୍ତଙ୍କୁ ବିଜେଡିଉତ୍ତରିୟ ଦେଇ ଦଳରେ ଯୋଗଦାନ କରାଇଥିଲେ । ଏମାନଙ୍କ ମଧ୍ୟରେ ଅର୍ଡାର କାଲିଆ,ସାନ୍ତମୁଣ୍ଡାର ହେମନ୍ତ, ଦେବ, ଜଗମୋହନ, ପଲେସଲାଇନର ସୋନୁ, ଝିକେରମାଲର ଡୋଳେଶ୍ୱର, ସାଗର, ଶୌମ୍ୟ, ଭିଷ୍ମ,ଶିବୁ,ବୀରକିଶୋର ପ୍ରମୁଖଙ୍କ ସହ ଅନ୍ୟାନ୍ୟ ୨୫ଜଣ ଯୁବକ ରହିଛନ୍ତି ।