24-Feb-2024

ବଲାଙ୍ଗୀର(ପ୍ରେରଣା ଖବର) ସ୍ଥାନୀୟ କଳାମଣ୍ଡଳ ପଡିଆ ଠାରେ ନଟରାଜ କଳା ପରିଷଦ ପକ୍ଷରୁ ପୌଷା ୨୦୨୪ ଅନୁଷ୍ଠିତ ହୋଇଯାଇଛି । କଳା ପରିଷଦ ସଭାପତି ହରୀନାରାୟଣ ପୁଜାରୀଙ୍କ ସଭାପତିତ୍ୱ ଓ ଶ୍ରୀକର ମିଶ୍ରଙ୍କ ଅଧକ୍ଷ୍ୟତାରେ ରେ ଅନୁଷ୍ଠିତ ଏହି ଉତ୍ସବରେ ବଲାଙ୍ଗୀର ଅତିରିକ୍ତ ଏସପି ବିଦ୍ୟୁତ ପଣ୍ଡା ମୂଖ୍ୟ ଅତିଥି, ବରିଷ୍ଠ ସାମ୍ବାଦିକ ମନୋରଞ୍ଜନ ଯୋଷୀ ଓ ଜିଲ୍ଲା ସଂସ୍‌କୃତି ଅଧିକାରୀ ରଶ୍ମୀ ରଞ୍ଜନ ମିଶ୍ର ସମ୍ମାନୀତ ଅତିଥି ରୁପେ ଯୋଗ ଦେଇଥିଲେ । ନିଦ୍ଦେର୍ଶକ ପ୍ରଶାନ୍ତ ଖମାରୀଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ନାଟ୍ୟକାର ସୁବାଷ ପୁଝାରୀଙ୍କ ସ୍ମୃତିରେ ଶ୍ରୀକର ମିଶ୍ରଙ୍କୁ କୌଶଳ ଗୌରବ ନାଟ୍ୟ ସମ୍ମାନ ଓ ଲଳିତ ନାୟକଙ୍କ ସ୍ମୃତିରେ ଜୟନ୍ତ ବାଗଙ୍କୁ ନଟରାଜ ସେବା ସମ୍ମାନରେ ସମ୍ମାନୀତ କରାଯାଥିଲା । ପରେ ପରେ ପୌରାଣିକ ନାଟକ ରାବଣ ଓ ସାମାଜିକ ନାଟକ ଚିହ୍ନା ପରିବେଷିତ କରାଯାଇଥିଲା । ରାବଣ କଥା ଉପରେ ଆଧାରୀତ ଏକ ପୌରାଣିକ ନାଟକ ରାବଣ ।

ରାବଣ ଓ ଭାଇ କୁବେର ମଧ୍ୟରେ ଘନଘୋର ପ୍ରତିଦ୍ୱନ୍ଦିତା ପରେ କୁବେର ଲଙ୍କେଶ ହୋଇଥିଲେ । କିନ୍ତୁ ରାବଣ କଠୋର ତପସ୍ୟା ବଳରେ ଲଙ୍କାର ସିଂହାଶନ ସହିର ପୁଷ୍ପକ ବିମାନ, ସ୍ୱର୍ଗ ମତ୍ର୍ତ୍ୟ ଓ ପାତାଳ ଅକ୍ତିଆର କରିଥିଲେ । ଏସବୁ ହାସଲ କରିବାକୁ ଯାଇ ରାବଣ ନିତି, ଜ୍ଞାନ, ଶାସ୍ତ୍ର ଭୁଲି ଜଣେ ଅହଙ୍କାରୀ ଓ ଅତ୍ୟାଚାରୀରେ ପରିଣତ ହୋଇଥିଲେ । ଏଭଳି ବିଭିନ୍ନ ଘଟଣା ଯୋଗୁଁ ମହାଜ୍ଞାନୀ ରାବଣ କିପରି ନିଜର ତପୋବଳ, ଅମରବର ଓ ଆୟୁ ଓ ଶେଷରେ ପ୍ରଣ ହରାଇଥିଲେ ତାହ ହିଁ ଏହି ନାଟକର ବିଷୟ ବସ୍ତୁ । ପ୍ରହଲ୍ଲାଦ ଦର୍ଜୀ, ସୈଲିନ ବାବୁ, କୁମୁଦ ନାଏକ, ଦେବବ୍ରତ ଶର୍ମା ଅରୁଣ ରାଉତ, ରାସେଶ୍ୱରୀ ଚଣ୍ଡୀ, ଐଶ୍ଚର୍ଯ୍ୟା ପୋଢ ଓ ଦେବବରାଜ ସାହୁ ନିଖୁଣ ଅଭିନୟ କରିଥିଲେ । ସେହିପରି ନାଟକ ଚିନ୍‌ହାଁ ଏକ ସାମାଜିକ ନାଟକ । ନାଟକ ଘା ର ପରବର୍ତ୍ତି ଘଟଣା ଉପରେ ଏହି ନାଟକ ପର୍ଯ୍ୟବେଶିତ । ଅନ୍ଧା ଅଚ୍ୟୁତ ଓ ଛୁଟା ନବଘନ ଦୁହେଁ ସାଙ୍ଗ । କାଳକ୍ରମେ କୁନ୍ଦି ସହିତ ଅନ୍ଧା ଅଚ୍ୟୁତର ସମ୍ବନ୍ଧ ଘନିଷ୍ଟ ହୁଏ । କିନ୍ତୁ କୁନ୍ଦିର ବଳତ୍କାର କରି ଛୁଟା ନବଘନ ଅନ୍ଧା ଅଚ୍ୟୁତ ଠାରୁ ଦୁରେଇ ଯାଏ । ଅନ୍ଧା ଓ କୁନ୍ଦିର ବିବାହ ପରେ ଏକ ପୁତ୍ର ସନ୍ତାନ ଜନ୍ମ ନିଏ । ଦିନେ ହଜି ଯାଇଥିବା ପୁଅ ଓମ୍ କୁ ଖୋଜୁ ଖୋଜୁ ଅନ୍ଧା ଓ କୁନ୍ଦିର ଦୁର୍ଘଟଣାରେ ଜିନ ଚାଲିଯାଏ । ଛେଉଣ୍ଡ ଛୁଆକୁ ନବଘନ ଏକ ଶିଳ୍ପପତିକୁ ବିକ୍ରି କରିଦିଏ । ଦିନେ ଓମ ଟ୍ରେନରେ ଯାଉଥିବା ବେଳେ ଛୁଟା ନବଘନକୁ ଭେଟି ସମସ୍ତ ପୁରୁଣା କଥା ଜାଣିପାରେ । ତାପରେ ଉଭୟଙ୍କ ମଧ୍ୟରେ ଆନ୍ତରିକତା ଜାଗି ଉଠେ । ମାଁ ବାପାର ଶେଷ ଚିହ୍ନା ଘୁବୁକୁଡୁକୁ ନବଘନ ଠାରୁ ଛଡେଇ ନେଇ ଲୋତକ ଭାରା ଆଖିରେ ଧର୍ମ ବୁଆ ଶିଳ୍ପପତିଙ୍କ ସହିତ ଆମେରିକା ଚାଲିଯାଏ । ଏଭଳି ଏକ ଆବେଗ ଭରା ନାଟକ ଚିନହାଁ । ନାଟକରେ ଲଳିତ ପୁଝାରୀ, ରାମପ୍ରସାଦ ଦାଶ, ପ୍ରଶାନ୍ତ ପଣ୍ଡା ସତ୍ୟବ୍ରତ ଆଚାର୍ଯ୍ୟ ଓ ଅଶୋକ ବହିଦାର ତାଙ୍କ ଅବିନୟରେ ଦର୍ଶକଙ୍କୁ ଭାବ ବିହଳ କରିଥିଲେ । ଉଭୟ ନାଟକକୁ ପ୍ରଶାନ୍ତ ଖମାରୀ ନିଦ୍ଦେଶିତ କରିଥିବା ବେଳେ ପୂଣ୍ଣଚନ୍ଦ୍ର ତ୍ରିପାଠୀ ସହ ନିଦ୍ଦେଶକ, ସଙ୍ଗୀତ ଜୟପ୍ରକାଶ ପୁଝାରୀ, ମଞ୍ଚ ସଜ୍ଜା ବଳରାମ ରାଉତ, ବେଶ ଭୂଷା କିଶୋର ଜାଲ, ନିଶିକାନ୍ତ ଧରୁଆ, ଲକ୍ଷ୍ମଣ ଠାକୁର ନୃତ୍ୟ ନିର୍ଦ୍ଦେଶନା ପଙ୍କଜିନୀ ପୋଢ ଓ ବାଦ୍ୟ ଯର୍ନ୍ତ ଦାଇତ୍ୱ ସାନ ବଡ ସମ୍ଭାଳି ଥିଲେ ।