09-Nov-2023

ବରଗଡ଼,(ପ୍ରେରଣା ଖବର ):  ଶିଶୁ ଓ ମହିଳା ବିକାଶ ସୋସାଇଟି ତରଫରୁ ବରଗଡ଼ ଜିଲ୍ଲା ପଦମପୁର ଠାରେ  ନିଶା ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଶିଶୁ ଓ ମହିଳା ବିକାଶ ସୋସାଇଟି (ସିଡବ୍ଲୁଡିଏସ୍‌)ର ଅଧ୍ୟକ୍ଷ ମେଜର ଡା. କଳ୍ପନା ଦାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟକ୍ରମକୁ ଶିଶୁ ଓ ମହିଳା ବିକାଶ ସୋସାଇଟି ସଦସ୍ୟ ଯଦୁମଣୀ ବଗର୍ତ୍ତି ସଂଯୋଜନା କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଯୁବ ସମାଜସେବୀ  ସିତୁରାଜ ନାଏକ ଯୋଗଦେଇ ଥିଲେ ।

 ନିଶା ସେବନ କରିବାଦ୍ୱାରା ଆମ ଫୁସଫୁସ, ଯକୃତ, ହୃତ୍‌ପିଣ୍ଡ ଆଦି ସଂକ୍ରମିତ ହୋଇଥାଏ ।  କର୍କଟ ରୋଗ , ଶ୍ବାସ ରୋଗ ଭଳି ମାରାତ୍ମକ ରୋଗ ହେବାର ସମ୍ଭାବନା ବଢିଯାଏ । ତେଣୁ ଆମେ ନିଶା ସେବନ ଠାରୁ ଦୂରରେ ରହି ନିଶା ସେବନକୁ ନା କହିବାକୁ ମୁଖ୍ୟ ଅତିଥି ମତପ୍ରକାଶ କରିଥିଲେ । ପରେ ଶିଶୁ ଓ ମହିଳା ବିକାଶ ସୋସାଇଟି ସଦସ୍ୟ ମାନେ  ରାସ୍ତାରେ ପୋଷ୍ଟର ଓ ବେନର  ଧରି ବିଭିନ୍ନ ଛକ , ବସଷ୍ଟାଣ୍ଡ, ବଜାର , ଜନଗହଳି ସ୍ଥାନ ମାନଙ୍କରେ ସଚେତନ କରିଥିଲେ । ଦୈନନ୍ଦିନ ଜୀଵନରେ ନିଶା ବ୍ୟବହାର ଠାରୁ ଦୂରେଇ ରହିବା ପାଇଁ  ଶିଶୁ ଓ ଲୋକମାନଙ୍କୁ ଅବଗତ କରିଥିଲେ ।  ଜନଗହଳି ପୂର୍ଣ୍ଣ ସ୍ଥାନରେ ଶିଶୁ ମାନଙ୍କୁ ନେଇ ଶପଥ ପାଠ କରାଇଥିଲେ । 

କାର୍ଯ୍ୟକ୍ରମରେ ଶିଶୁ ଓ ମହିଳା ବିକାଶ ସୋସାଇଟି ସଭ୍ୟ  ନିରଞ୍ଜନ ବିଶ୍ୱାଳ, ଗୋପେଶ ପଣ୍ଡା, ରାମ ନାରାୟଣ ଦାଶ , ସ୍ୱେଚ୍ଛାସେବୀ ଜୀବନ ରଣା, ରବି ପୁରୋହିତ, ଅନ୍ତର୍ଯ୍ୟାମୀ ବରିହା,  ଗଗନ ପଟେଲ ପ୍ରମୁଖ ଅଂଶଗ୍ରହଣ କରିଥିଲେ । କାର୍ଯ୍ୟକ୍ରମକୁ ଶିଶୁ ଓ ମହିଳା ବିକାଶ ସୋସାଇଟି ସଭ୍ୟ  ପ୍ରଭାକର ଛନ୍ଦ ପରିଚାଳନା କରିଥିବାବେଳେ ସଭ୍ୟ  ହେମନ୍ତ କୁମାର ସାମଲ ଧନ୍ୟବାଦ ଅର୍ପଣ କରିଥିଲେ ।