09-Nov-2023

ନବରଙ୍ଗପୁର ଜିଲ୍ଲା : ଝରୀଗାଁ ଗୋଟିଏ ପରିବାର ରାତ୍ରି ଭୋଜନ ସାରି ଘୋର ନିଦ୍ରା ରେ ଶୋଇଥିବା ବେଳେ ହଟାତ କିଛି ଦୁର୍ବୁତ୍ତ ହାତରେ ଛୁରୀ, ଖଣ୍ଡା ଧରି ଘରେପଶି ସୁନାଗହଣା ଓ ମୋବାଇଲ ଲୁଟ କରିଥିବା ଘଟଣା ସାମ୍ନାକୁ ଆସିଛି! ସୂଚନାପ୍ରକାରେ  ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ଉମରକୋଟ ଥାନା ଅଧୀନରେ ଥିବା ବକଡାବେଢା ଗ୍ରାମର ଦଶାଇ ପନକା(୪୫)ନିଜ ପରିବାର ସହ ରାତ୍ରି ଭୋଜନ ଖାଇ ସରିବା ପରେ ଘୋର ନିଦ୍ରାରେ ଶୋଇଥିବା ବେଳେ ହଟାତ ରାତି ପ୍ରାୟ ୨.୩୦ମିନିଟ ସମୟରେ ୨ଜଣ ଦୁର୍ବୁତ୍ତ ମୁଁହ ରେ କଳା କନା ବାନ୍ଧି ହାତରେ ବଡ଼ ବଡ଼ ଛୁରୀ, ଖଣ୍ଡା ଧରି ଘରେ ପଶିଥିଲେ!ଘରେ ପଶି ଦଶାଇ ପନକାଙ୍କ ବୋହୂ ଓ ନାତିର ବେକରେ ଛୁରୀରଖି ଘରେ ଥୁବା ଆଲମିରାର ଲକର ଭାଙ୍ଗି ଗୋଟିଏ ତୁଳାର ୨ ଟି ମଙ୍ଗଲସୂତ୍ର,୩ ତୁଳା ର ୨ଟି ସୁନାର ମାଳି, ଗୋଟିଏ ସୁନା ମୁଦି,୨ ତୁଳା ର ଗୋଟିଏ ହଳ ସୁନା ଚୁଡ଼ି, ୨ଗ୍ରାମର ସୁନା ନାକଫୁଲ,୨ତୁଳା ର ଦୁଇ ହଳ ସୁନା କାନଫୁଲ, ଏକ ତୁଳା ର ଗୋଟିଏ ହଳ ସୁନାର କାନଝିକା,୨୨ତୁଳା ର ଗୋଟିଏ ହଳ ରୁପା ପାଉଁଜି, ଗୋଟିଏ ରୁପାଚେନ, ଗୋଟିଏ ରୁପା ବ୍ରେସଲେଟ ଓ ତିନୋଟି ମୋବାଇଲ ଡକେଇତ କରି ନେଇଥୁବା ଲିଖୁତ ଅଭିଯୋଗ କରିଛନ୍ତି ଦର୍ଶାଇ ପନକା! ଏହା ପୂର୍ବରୁ ଧୋତ୍ରା ରେ ଥିବା ଏକ ସୁନା ଦୋକାନରେ କିଛି ଦୁର୍ବୁତ୍ତ ଖଣ୍ଡା ଧରି ଚୋରି କରିବାକୁ ଉଦ୍ୟମ କରି ବିଫଳ ହୋଇ ଚାଲିଯାଇଥିବା ସିସି ଟିଭି କେମେରାରେ କୈଦ ହୋଇଛି!ଅଭିଯୋଗକୁ ଭିତ୍ତିକରି ଉମରକୋଟ ଥାନା ଅଧିକାରୀ ଦମ୍ବରୁଧର ପ୍ରଧାନ,ଏସଆଇ ଅକ୍ଷୟ ମିଶ୍ର, ଏସଆଇ ସୌମେନ୍ଦ୍ର ସେଠ ଓ ପୋଲିସ ଫୋର୍ସ ଘଟଣା ସ୍ଥଳ ରେ ପହଞ୍ଚି ସନ୍ଧାନୀ କୁକୁର ର ସହାୟତା ରେ ତଦନ୍ତ ଆରମ୍ଭ କରିଥିଲେ!ଉକ୍ତ ଘଟଣା ଟିକୁ କେସ ନଂ ୨୯୧/୨୯/୨୮୧/୨୩  ଓ ଆଇପିସି ଧାରା ୪୫୭,୩୮୦,୩୪ ରେ ରୁଜୁ କରି ଏସଆଇ ସୌମେନ୍ଦ୍ର ସେଠ ତଦନ୍ତ ଜାରି ରଖୁଛନ୍ତି!ଉମରକୋଟ ଏସ୍‌ପିଓ ମଧୁଶିକା ମିଶ୍ର ଛୁଟି ରେ ଥିବାରୁ ପୋଲିସ ର କୌଣସି ପ୍ରତିକ୍ରିୟା ମିଳି ପାରିନାହିଁ ।
(ରିପୋର୍ଟ : ମିହିର ଶଙ୍କର ପାତ୍ର,ନବରଙ୍ଗପୁର)