27-Oct-2023

କଣ୍ଟାମାଳ ( ଜୟ କୁମାର ମହାରଣା ): କଣ୍ଟାମାଳ ବ୍ଲକ ଅନ୍ତର୍ଗତ ରୁଣ୍ଡିମହୁଲ ଭାଗବତ ପାରାୟଣ ସନ୍ଥlସ୍ରମ ଠାରେ ଜିଲ୍ଲା ସ୍ତରୀୟ ମହର୍ଷି ଦୟାନନ୍ଦ ଦ୍ଵି - ଶତ ବାର୍ଷିକ ଉତ୍ସବ ଏବଂ ବୈଦିକ ଦେବଯଜ୍ଞ ଅନୁଷ୍ଠିତ ହୋଇଯାଇଛି । ବୌଦ୍ଧ ଜିଲ୍ଲା ସମ୍ପାଦକ ନିରଞ୍ଜନ ସାହୁ ଙ୍କ ସଭାପତିତ୍ବରେ ଆୟୋଜିତ ଉତ୍ସବରେ ପଶ୍ଚିମ ଓଡ଼ିଶା ଆର୍ଯ୍ୟ ସମାଜ ର ମହାମନ୍ତ୍ରୀ ଧନୁର୍ଦ୍ଧର ମହାପାତ୍ର ମୁଖ୍ୟଅତିଥି ଓ ସମ୍ମାନିତ ଅତିଥି ଭାବରେ ପଶ୍ଚିମ ଓଡ଼ିଶା ଆର୍ଯ୍ୟ ସମାଜ ର ସହ ସମ୍ପାଦକ ରାଜକୁମାର ବରାଡ, ଦୁର୍ଯୋଧନ ଦାସ୍ , ସୋନପୁର ଜିଲ୍ଲା ଆର୍ୟ ସମାଜ ର ସଭାପତି ନିରଞ୍ଜନ ସାହୁ, ସମ୍ପାଦକ ଲଳିତ ମେହେର ପ୍ରମୁଖ ଯୋଗଦେଇ ବୌଦିକ ଦେବ ଯଜ୍ଞ ଓ ବେଦ ପ୍ରଚାର ଉପରେ ପ୍ରବଚନ ଦେଇଥିଲେ । ଯଜ୍ଞ ରେ ସୁରେଶ କୁମାର ସାହୁ ସପତ୍ନିକ କର୍ତ୍ତା ଭାବରେ ଯୋଗ ଦେଇଥିଲେ । ପଶ୍ଚିମ ଓଡ଼ିଶା ଆର୍ଯ୍ୟ ସମାଜ କୋଷାଧକ୍ଷ ରମେଶ ଭୋଇ ଧନ୍ୟବାଦ୍ ଅର୍ପଣ କରିଥିଲେ । କାର୍ଯ୍ୟକ୍ରମ କୁ ଶିଶିର ରଣା, ଆଶିଷ ମହାଳିକ , ବାପୁନ୍ ଲୁହା, ବାବୁଶାନ୍ ପ୍ରଧାନ , ଶୁଭମ୍ ନାଗ ,ବଳରାମ ବିଭାର , ଭଗବାନ ଖଣ୍ଡଗିରି , ଭକ୍ତ ଦେବେନ୍ଦ୍ର ପ୍ରସାଦ କୁମାର ଆଦି ସହଯୋଗ କରିଥିଲେ । ଆଖ ପାଖ ବିଭିନ୍ନ ଗ୍ରାମର ବହୁ ସଂଖ୍ୟକ ଭକ୍ତଙ୍କ ସମାଗମ ହେଇଥିଲା ।