27-Oct-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଆଜି ସୁବର୍ଣ୍ଣପୁରର ଅଧିଷ୍ଠାତ୍ରୀ ଦେବୀ ମା ସୁରେଶ୍ୱରୀଙ୍କ ଠାରେ ନଅ ଲକ୍ଷ ଟଙ୍କା ର 9 କେଜି ରୁପା ରେ ନିର୍ମିତ ମା ଙ୍କ ପରଭା, ଛତ୍ର, ପଦ୍ମ ପାଦ ର ପ୍ରତିଷ୍ଠା ଉତ୍ସବ ପାଳିତ ହୋଇ ଯାଇଛି l ଏବଂ ପଣ୍ଡିତ କାଳୀ ପ୍ରସାଦ ମିଶ୍ର ଙ୍କ ଦ୍ୱାରା ପୂଜା ପ୍ରତିଷ୍ଠା କରାଯାଇ ଏହି ସବୁ ଅଳଙ୍କାର ମା ଙ୍କ ଠାରେ ଅର୍ପଣ କରି ସାଜ ସଜ୍ଜା କରାଯାଇଛି l ମା ଙ୍କ ସାମସ୍ତ ଭକ୍ତ ଶ୍ରଦ୍ଧାଳୁ ଙ୍କ ସହଯୋଗ ରେ ଏଇ ରୁପା ଅଳଙ୍କାର ନିର୍ମିତ ହୋଇ ପାରି ଥିବାରୁ ମା ଙ୍କ ଠାରେ ପୂଜା ପରେ ସମସ୍ତ ଭକ୍ତ, ସହର, ଜିଲ୍ଲା, ତଥା ଜଗତ କଲ୍ୟାଣ ଲାଗି ଶୁଭ କାମନା କରାଯାଇଛି l

କଲିକତା ଉଚ୍ଚ ନ୍ୟାୟଳୟ ର ବିଚାରପତି ଚିତ୍ତ ରଞ୍ଜନ ଦାଶ, ସୁବର୍ଣ୍ଣପୁର ଜିଲ୍ଲାପାଳ ବିମଳେନ୍ଦୁ ରାୟ, ଏସପି ଅମରେଶ ପଣ୍ଡା, ଏ ଡି ଏମ ସୂର୍ଯ୍ୟ ନାରାୟଣ ଦାଶ, ଉପ ଜିଲ୍ଲାପାଳ ଡ଼ଃ ଇପ୍ସିତା ପ୍ରିୟ ଦର୍ଶନୀ ମିଶ୍ର, ପୂର୍ତ୍ତ ବିଭାଗ କାର୍ଯ୍ୟ ନିର୍ବାହୀ ଯନ୍ତ୍ରୀ ଙ୍କ ସମେତ ମନ୍ଦିର କମିଟି ର ଶ୍ରୀବତ୍ସ ମଲ୍ଲିକ, ରବି ନାରାୟଣ ମହାପାତ୍ର, ବୈକୁଣ୍ଠ ଶତପଥୀ, ଅଟଳ ମହାପାତ୍ର, ସତ୍ୟ ନାରାୟଣ ତ୍ରିପାଠୀ, ପ୍ରମୁଖ ଶହ ଶହ ଭକ୍ତ ଶ୍ରଦ୍ଧାଳୁ ଉପସ୍ଥିତ ରହି ମା ଙ୍କ ଦର୍ଶନ ଲାଭ କରିଥିଲେ l ମା ଙ୍କ ଏହି ଅଳଙ୍କାର ସବୁ ଖୁବ ଆକର୍ଷଣୀୟ ହୋଇ ଥିବାରୁ ସହର ତଥା ଦୂର ଦୁରାନ୍ତର ହଜାର ହଜାର ଭକ୍ତ ଙ୍କ ସମାଗମ ହେବାର ଆଶଙ୍କା ରଖା ଯାଇଛି l ଦେବୋତ୍ତର ବିଭାଗ କୂ ମା ଙ୍କ ଏଇ ରୁପା ଅଳଙ୍କାର ସବୁ ର ତତ୍ୱାବଧାନ ପାଇଁ ଦାୟିତ୍ୱ ଦିଆ ଯାଇଛି l