22-Oct-2023

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଘଣ୍ଟାପଡା ଗାଁ ସୀମାନ୍ତ ଚିରସ୍ରୋତା ତେଲ ନଦୀ କୂଳରେ ଅବସ୍ଥିତ ଦେବୀ ମାଁ ସମଲେଶ୍ୱରୀ ପୀଠ l   ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଆଶ୍ୱିନ ଶୁକ୍ଳ ମହାନବମୀ ତିଥିରେ ମହା ସମାରୋହରେ ଅଂଚଳର ଅଧିଷ୍ଠାତ୍ରୀ ଦେବୀ ମାଁ ସମଲେଶ୍ୱରୀ ଙ୍କ ଯାତ୍ରା ପାଳିତ ହୋଇଯାଇଛି  l   ମାନସିକଧାରି ଭକ୍ତଙ୍କ ଦ୍ୱାରା ଅର୍ପଣ କରାଯାଇଥିବା ବୋଦା, କୁକୁଡ଼ା ଓ ପୋଢ଼ ଆଦି

ବଳିରେ ରକ୍ତ ରଂଜିତ ହୋଇଥିଲା ଦେବୀଙ୍କ ପୀଠ ସ୍ଥଳି  l   ଅଷ୍ଟମୀ ଦିନ ରାତିରେ ଦେବୀଙ୍କ ନିଶି ପୂଜା ଓ ଗ୍ରାମ ପରିକ୍ରମା ହୋଇଥିଲା  l    ରେଗଡୋଲ ଓ ଲଣ୍ଡାପଦର ଆଦି ବିଭିନ୍ନ ମୌଜାର ଦେବାଦେବୀ ପୀଠରୁ ଖଣ୍ଡା ଆସିଥିଲା  l  ମାଁ ସମଲେଶ୍ୱରୀ ଙ୍କ ପୀଠରୁ ସମସ୍ତେ ଏକତ୍ରିତ ହୋଇ ଜମିଦାର ବସନ୍ତ ମାଝିଙ୍କ ବରୁଆ ନବୀନ ଦେହୁରୀ ଜମିଦାରଙ୍କୁ ଖଣ୍ଡା ପ୍ରଦାନ କରିଥିଲେ  l   ସମଲେଶ୍ୱରୀ ମନ୍ଦିର ନିକଟସ୍ଥ ନଦୀ ଘାଟରେ ଖଣ୍ଡା ଧୁଆ ପର୍ବ ପାଳନ ହୋଇଥିଲା  l  ଏହାପରେ ମାଁ ସମଲେଶ୍ୱରୀ ଦେବୀଙ୍କ ପୀଠରେ ଝାଙ୍କର ଅନନ୍ତ ମାଝୀ ଦେବା ଦେବୀ ଙ୍କୁ ନିଷ୍ଠାର ସହିତ ଉପବାସ ରହି ରୀତି ନୀତି ଅନୁଯାୟୀ ପୂଜାର୍ଚନା କରିଥିଲେ  l  ପୂଜାର୍ଚନା ପରେ ବରୁଆ ଙ୍କ ଦେହରେ ଦେବୀ ସବାର ହୋଇଥିଲେ  ଓ ମଧ୍ୟରାତ୍ରରେ ଗ୍ରାମ ପରିକ୍ରମା କରିଥିଲେ  l  ମହିଳାମାନେ ବରୁଆଙ୍କୁ ଧୂପ, ଦୀପ ଓ ଫୁଲମାଳ ଦେଇ ବନ୍ଦାପନା କରିଥିଲେ l  ମହାନବମୀ ଦିନ ମାଁ ସମଲେଶ୍ୱରୀ ଙ୍କ ପୀଠରେ ମହା ଜାକଜମକରେ ଯାତ୍ରା ପାଳନ କରାଯାଇଥିଲା   l   ଏଥିରେ ଦେବୀ ମାଁ ଙ୍କୁ ମୁଆଁ, ମନ୍ଦାର ଫୁଲ, ଅରୁଆ ଚାଉଳ ଆଦି ଭୋଗ କରାଯାଇଥିଲା   l   ପରେ ମାନସିକଧାରି ଭକ୍ତମାନେ ଆଣିଥିବା ବୋଦା, କୁକୁଡ଼ା ଓ ପୋଢ଼ ଆଦି ଦେବୀ ମାଁ ଙ୍କ

ପୀଠରେ ବଳି ଦିଆଯାଇଥିଲା  l   ପୂଜା ପାର୍ବଣ ସମାପନ ପରେ ପୂଜା କମିଟିର ସମସ୍ତ ସଦସ୍ୟ ଭାଇମାନେ ଏକତ୍ରିତ  ପ୍ରସାଦ ସେବନ କରି ଘରକୁ ଫେରିଥିଲେ   l  ଏହିଁ ଯାତ୍ରା ଦେଖିବାକୁ ଅlଖପାଖ ଅଂଚଳରୁ ଆସିଥିବା ଭକ୍ତ ମାନଙ୍କ ସମାଗମରେ ସମଗ୍ର ଯାତ୍ରlସ୍ଥଳ  ଲୋକାରଣ୍ୟ ହୋଇଥିଲା l