05-Oct-2023

ରେଢ଼ାଖୋଲ ( ଅନିଲ ପୃଷ୍ଟି ) ରେଢ଼ାଖୋଲ ଅଞ୍ଚଳରେ ଦିନକୁ ଦିନ ବଢ଼ିବାରେ ଲାଗିଛି ଗଂଜେଇ ଚୋରାଚାଲାଣ ।ରେଢ଼ାଖୋଲରେ ଗତକାଲି ବିଳମ୍ବିତ ରାତ୍ରିରେ ବୌଦ୍ଧ ରେଢ଼ାଖୋଲ ରାସ୍ତାର କଦଳିଗଡ ଟୋଲଗେଟ ନିକଟସ୍ଥ ଜଙ୍ଗଲ ଠାରେ ଏକ ବଡଧରଣର ବେଆଇନ ଗଂଜେଇ ଚୋରାଚାଲାଣ ଏକ ୱିଙ୍ଗର ଭ୍ୟାନ ଗାଡ଼ି ରେ ସିଟ ତଲେ ଏକ ଭିନ୍ନ ଧରଣର ଚେମ୍ବର ତିଆରି କରି ଲୋଡିଙ୍ଗ ଚାଲୁଥିବାବେଳେ ଖବର ପାଇ ରେଢ଼ାଖୋଲ ଅବକାରୀ ବିଭାଗ ଗାଡିକୁ ଚଢ଼ାଉ କରି ୧୦୨କେଜି ଗଂଜେଇ ଜବତ କରିବା ସହ ୨ ଜଣଙ୍କୁ ଗିରଫ କରି ଗୁରୁବାର ଦିନ କୋର୍ଟ ଚାଲାଣ କରିଛି । ଗଂଜେଇର ଆନୁମାନିକ ମୂଲ୍ୟ ୧୧ଲକ୍ଷ ଟଙ୍କା ହେବ ବୋଲି ଜଣାପଡିଛି । ଗିରଫ ବ୍ୟକ୍ତି ଦୁଇ ଜଣ ହେଲେ ବିହାର ଅଂଚଳର ଗୌତମ କୁମାର ଓ ଲବକୁସ ରାମ ।  ଗଂଜେଇ

ମାଫିଆ ମାନେ ଗାଡିର ନମ୍ବର ପ୍ଲେଟ ବଦଳାଇ ଚୋରା ଚାଲାଣ କରୁଥିଲେ ଓ  ତିନି ଚାରିଟା ନମ୍ବର ପ୍ଲେଟ ଗାଡିରେଥିବା ଜଣାପଡିଛି । ଏହି ଚଢ଼ାଉ ସମୟରେ ଅନ୍ୟ ଏକ ବାଇକରେ ୫ କେଜି ଗଞ୍ଜେଇ ବୌଦ୍ଧ ରୁ ରେଢ଼ାଖୋଲ ନେଇ ଯାଉଥିବାବେଳେ ଯାଞ୍ଚ ସମୟରେ ରେଢ଼ାଖୋଲ ଆମ୍ବଝୁରି ଗ୍ରାମର ପଙ୍କଜ ପ୍ରଧାନ ନାମକ ବ୍ୟକ୍ତକୁ ମଧ୍ୟ ଗିରଫ କରାଯ‌ଇଛି ।  ଏହି ଚୋରା ଚାଲାଣ ଗଂଜେଇ ସବୁ ଫୁଲବାଣୀରୁ ବିହାର ଚାଲାଣ ହେଉଥିବା  ଅବକାରି ଇନ୍ସପେକ୍ଟର ପବିତ୍ର ମୋହନ ମାଝୀ ସୂଚନା ଦେଇଛନ୍ତି ।