05-Oct-2023

ପାଟଣାଗଡ /ବେଲପଡ଼ା (ପୂର୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ବେଲପଡା ବ୍ଲକ ପ୍ରଶାସନ ଓ କଲାକାର ସଂସ୍କୃତି ସଂଘ ମିଳିତ ଆନୁକୂଲ୍ୟରେ ବୁଧବାର ଓ ଗୁରୁବାର ଦୁଇ ଦିନିଆ ବ୍ଳକ କାର୍ଯ୍ୟାଳୟ ଠାରେ ସୂଚନା ଶିକ୍ଷା ଯୋଗାଯୋଗ ଉପକ୍ରମରେ ଲୋକକଳା ପ୍ରୟୋଗ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା। ବ୍ଳକ ସାମାଜିକ ସୁରକ୍ଷା ଅଧିକାରୀ ଅଭିଜିତ ସେଠ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ବ୍ଳକ ଉପାଧ୍ୟକ୍ଷ ଦୁର୍ଯ୍ୟୋଧନ କୁମ୍ଭାର ଯୋଗଦେଇ ଉଦ୍ଘାଟନ କରିଥିଲେ। ସରକାର ଙ୍କ ବିଭିନ୍ନ ଯୋଜନା କୁ ଗ୍ରାମାଞ୍ଚଳରେ କଳା ମାଧ୍ୟମରେ କଲାକାର ମାନେ ଜନସାଧାରଣ ଙ୍କୁ ସଚେତନ କରିବା ପାଇଁ ମୁଖ୍ୟ ଅତିଥି ଉପଦେଶ ଦେଇଛନ୍ତି। ଉକ୍ତ କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବେ ଗୋଷ୍ଠୀ ଉନ୍ନୟନ ଅଧିକାରୀ ଭିକ୍ଟୋର ସୋରେଙ୍ଗ, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ସାରଥୀ ସାହୁ,ଜିପିଇଓ ଗୋବିନ୍ଦ ଭୋଇ, ବ୍ଳକ କଳା ସଂସ୍କୃତି ଉପ ସଭାପତି ହରେକୃଷ୍ଣ ବାରିକ ମଞ୍ଚାସୀନ ଥିଲେ। ଶିବିର ରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା, ମଧୁବାବୁ ପେନସନ ଯୋଜନା,ମିଶନ ଶକ୍ତି, ଓଡ଼ିଶା ଆଦର୍ଶ ବିଦ୍ୟାଳୟ, ଫସଲ ବୀମା ଯୋଜନା, ଫସଲ ଋଣ ସୁଧ ରିହାତି,ଆମ ହସ୍ପିଟାଲ୍, କ୍ରୀଡ଼ା,ଆମ ଓଡ଼ିଶା ନବୀନ ଓଡ଼ିଶା ଓ ୫ଟି ହାଇସ୍କୁଲ ରୂପାନ୍ତରିକରଣ ଯୋଜନା ଗୁଡିକୁ ସଂଚାର,ଦୁଲଦୁଲୀ,ଘୁଡୁକା, ଦାସକାଠିଆ, ଦଣ୍ଡ, ସଂକୀର୍ତ୍ତନ, ପାଲା, ପ୍ରଭୁତି ମାଧ୍ୟମରେ ସଚେତନ କରାଇବା। ଅନୁଷ୍ଠିତ ଶିବିର ରେ ପ୍ରଶାସନ ପକ୍ଷରୁ ସୁରଜ୍ ପଟେଲ ମଞ୍ଚ ପରିଚାଳନା କରିଥିବା ବେଳେ ଅସିତ୍ ବେହେରା, ଦେବେନ୍ଦ୍ର ସେଠ,ବୁଳୁ ପୁଟେଲ, ନିମାଇଁ ଚରଣ ପରୁଆ ସହଯୋଗ କରିଥିଲେ।