05-Oct-2023

ଡୁଙ୍ଗୁରିପାଲ(ଅରବିନ୍ଦ ମିଶ୍ର)- ବରଗଡ-ବୋରିଗୁମ୍ମା ୨୬ ନମ୍ବର ଜାତୀୟ ରାଜପଥ ସୁବର୍ଣ୍ଣପୁର ଜିଲ୍ଲାରେ ମାତ୍ର ୧୨ କିମି ରାସ୍ତା ଯାଇଛି ।ଦୀର୍ଘ ତିନି ବର୍ଷ ତଳେ ଆରମ୍ଭ ହୋଇଥିବା ପ୍ରସସ୍ତିକରଣ କାମ ବରଗଡ ପଟରୁ ଚିନାଯୁରୀ ଏବଂ ବଲାଙ୍ଗିର ପଟରୁ ଚେରୁପାଲି ପର୍ଯ୍ୟନ୍ତ କାମ ହୋଇଥିଲେ ମଧ୍ୟ ଚିନାଜୁରିରୁ ବୈଦୁପାଲି ପର୍ଯ୍ୟନ୍ତ ରାସ୍ତା କାମ ହେଉ ନାହିଁ । ଡୁଙ୍ଗୁରିପାଲି ସହରର ଉଠାଦୋକାନୀ ମାନଙ୍କୁ ଉଠାଯାଇ ଡ୍ରେନ ନିର୍ମାଣ କାମ ହେବ କହି ସେଠାରୁ ଉଠା ଯାଇଥିଲେ ମଧ୍ୟ କାମ ହେଉ ନାହିଁ । ରାସ୍ତା କଟର ଗଛ କାଟି ମଧ୍ୟ ଦିଆଯାଇଛି । କିନ୍ତୁ କାମ ହେଉ ନାହିଁ । ରାସ୍ତା ସାରା ବିରାଟ ବିରାଟ ଖାଲ ହୋଇଯାଇଛି । ବର୍ଷ ଦିନ ଖାଲ ଜଣା ନ ପଡିବାରୁ  ଲୋକେ ଦୁର୍ଘଟଣାର ଶିକାର ହେଉଛନ୍ତି ।  ପ୍ରସାଶନକୁ ବାରମ୍ବାର ଅନୁରୋଧ କଲେ ମଧ୍ୟ କୌଣସି ପଦକ୍ଷେପ ନିଆ ଯାଉ ନାହିଁ । ରାସ୍ତା ନିର୍ମାଣ ଉପରେ ଆଲୋଚନା ପାଇଁ ଆଜି ଗୋପାଳ ବାରିକ, ମୃତ୍ୟୁଞ୍ଜୟ ମିଶ୍ର ଓ ବିପ୍ରଚରଣ ସାହୁଙ୍କ ଆବାହକତ୍ୱରେ  ଏକ ବୈଠକ ସ୍ଥାନୀୟ ପୁରୁଣା କରତକଳଠାରେ ଅନୁଷ୍ଠିତ ହୋଇଯାଇଛି ।  ଆଗାମୀ ୮ତାରିଖ ପର୍ଯ୍ୟନ୍ତ ପ୍ରଶାସନ ପକ୍ଷରୁ ରାସ୍ତା ନିର୍ମାଣ କାମ ନ ହେଲେ କିମ୍ବା ଦୃଢ ଲିଖିତ ପ୍ରତିଶୃତି ନ ଦେଲେ ୯ତାରିଖ ସକାଳ ୬ଟାରୁ ଅନିର୍ଦ୍ଧିଷ୍ଟ ସମୟ ପାଇଁ ରାସ୍ତା ରୋକ କରାଯିବ ବୋଲି ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି । ଉକ୍ତ ରାସ୍ତା ରୋକ ବିପ୍ରଚରଣ ସାହୁଙ୍କ ସଭାପତିତ୍ୱରେ ୨୦ ଜଣିଆ କମିଟୀ ତଦାରଖ କରିବେ । ସେମାନେ ହେଲେ  ମୃତ୍ୟୁଞ୍ଜୟ ମିଶ୍ର, ପ୍ରକାଶ ଭୋଇ, ହିମାଂଶୁ ଶେଖର ବିଶ୍ୱାଳ,ରତ୍ନାକର ସେଠ, ପବିତ୍ର ମୋହନ ପାଣ୍ଡିଆ, ଅରବିନ୍ଦ ମିଶ୍ର,  ଗୋପାଳ ବାରିକ, ହେମନ୍ତ ବିଶ୍ୱାଳ, ଲକ୍ଷ୍ମଣ ମେହେର,  ସୁନିଲ ମିତ୍ତଲ, ନିତେଇ ପାଳ, ଜଗନ୍ନାଥ ତ୍ରୀବେଦି,  ଧର୍ମେନ୍ଦ୍ର ବିଶ୍ୱାଳ,  ଦାଶରଥି ବିଶ୍ୱାଲ, ସ ରାକେଶ ଅଗୱାଲ,  ରବିନ୍ଦ୍ର ସାହୁ, ସୁଦର୍ଶନ ଖମାରୀ ପ୍ରମୁଖ ରହିଛନ୍ତି । ସରଳ ଜନତାଙ୍କ ଦୀର୍ଘ ଦିନର ପୁଞ୍ଜିଭୁତ ଅସନ୍ତୋଷ ଏକ ବିରାଟ ଆନ୍ଦୋଳନର ରୂପ ନେବାର ଲାଗିଲାଣି । ଏଣୁ ପ୍ରସାଶନ ପକ୍ଷରୁ ଏ ଦିଗରେ ଠିକ୍ ସମୟରେ ଉଚିତ ପଦକ୍ଷେପ ଗ୍ରହଣ କରାନ ଗଲେ ଆନ୍ଦୋଳନ କେଉଁ ଆଡକୁ ଗତି କରିବ ତାହା ସମୟ କହିବ । ବୈଠକ ପରେ ଜିଲ୍ଲାପାଳ, ଜିଲ୍ଲା ଆରକ୍ଷୀଅଧିକ୍ଷକଙ୍କୁ ଡୁଙ୍ଗୁରିପାଲି ଥାନାଧିକାରୀଙ୍କ ଜରିଆରେ ଲିଖିତ ଭାବରେ ଜଣାଇ ଦିଆଯାଇଛି ।