19-Aug-2023

ନବରଙ୍ଗପୁର: ଝରିଗାଁ ନିର୍ବାଚନ ମଣ୍ଡଳୀ ହେଉଛି ବିଜେଡିର ଗଡ଼ । ତେବେ ବିଜେଡି ହାତରୁ ଏହି ଆସନ ଛଡାଇ ନେବାପାଇଁ ଆଗରୁ କଂଗ୍ରେସ ଓ ବିଜେପିର ସବୁ ରଣକୌଶଳ ଫେଲ୍‌ ମାରିଛି କିନ୍ତୁ ଏଥର ପରିସ୍ଥିତ କିଛି ଅଲଗା ପରିବର୍ତ୍ତନ ଚାହୁଁଛନ୍ତି ଝରିଗାଁ ନିର୍ବାଚନ ମଣ୍ଡଳୀର ଜନତା। ନିର୍ବାଚନମଣ୍ଡଳୀ ଗଠନ ହେବା ପରଠୁ ଅର୍ଥାତ୍‌ ୨୦୦୯ ନିର୍ବାଚନରୁ ଲଗାତାର ବିଜେଡି ଏଠି ବାଜିମାତ୍‌ କରିଆସୁଛି ।
ଏହି ନିର୍ବାଚନ ମଣ୍ଡଳୀରେ ସାଂସଦ ରମେଶ ଚନ୍ଦ୍ର ମାଝୀ, ପୂର୍ବତନ ସାଂସଦ ପ୍ରଦୀପ ମାଝୀ ଏବଂ ବିଜେପି ରାଜ୍ୟ ଉପସଭାପତି ବଳଭଦ୍ର ମାଝୀଙ୍କ ଗାଁ ରହିଛି। ପ୍ରଦୀପ ବିଜେଡିରେ ସାମିଲ ହେବା ପରେ ବିଜେଡି ଆହୁରି ଶକ୍ତିଶାଳୀ ହଇଯାଇଛି । ଏଠାରେ ସାଂସଦ ରମେଶ ଚନ୍ଦ୍ର ମାଝୀଙ୍କ ସାନଭାଇ ହୋଇଥିବାରୁ ପ୍ରକାଶ ଚନ୍ଦ୍ର ମାଝୀ ପ୍ରଥମ ଥର ପାଇଁ ୨୦୧୯ରେ ପ୍ରତିଦ୍ୱନ୍ଦ୍ୱିତା କରି ବିଜୟୀ ହଇଥିଲେ।କିନ୍ତୁ  ଏହି ପାଞ୍ଚବର୍ଷ ମଧ୍ୟରେ ବିକାଶ ଦେଖି ପାରିଲେନି ଝରିଗାଁ ବାସୀ।  ଆଗାମୀ ନିର୍ବାଚନରେ ବି ଗଡ଼ ବଜାୟ ରଖିବା ଲକ୍ଷ୍ୟରେ ରହିଛି ବିଜେଡି କିନ୍ତୁ ପରିବର୍ତ୍ତନ ଚାହୁଁଚି ଜନତା । *ପ୍ରତି ନିର୍ବାଚନରେ ଝରିଗାଁ ନିର୍ବାଚନମଣ୍ଡଳୀ ପାଇଁ ଚନ୍ଦାହାଣ୍ଡି ପ୍ରାର୍ଥୀଙ୍କୁ ପ୍ରତିନିଧିତ୍ୱ କରିବାର ସୁଯୋଗ ମିଳୁଛି । ଏଥର ଝରିଗାଁ ବ୍ଲକର ଭୋଟରଙ୍କ ମୁଡ୍‌ ବଦଳିଥିବା କୁହାଯାଉଛି। କାରଣ ଝରିଗାଁ ନାଁରେ ରହିଛି ନିର୍ବାଚନ ମଣ୍ଡଳୀ । ତେଣୁ ଏଥର ଝରିଗାଁ ବ୍ଲକର ଭୋଟର ଝରିଗାଁ ଅଂଚଳର ପ୍ରାର୍ଥୀଙ୍କୁ ସୁଯୋଗ ଦେବାକୁ ଚାହୁଁଛନ୍ତି ।
ଚନ୍ଦାହାଣ୍ଡି ତୁଳନାରେ ଝରିଗାଁ ବ୍ଲକର ଭୋଟର ସଂଖ୍ୟା ୨ ଗୁଣରୁ ଅଧିକ । ଚନ୍ଦାହାଣ୍ଡି ବ୍ଲକରେ ଭୋଟର ସଂଖ୍ୟା ୫୧ ହଜାର ୩୫୨ । ଝରିଗାଁ ବ୍ଲକରେ ଏହି ସଂଖ୍ୟା ୧ ଲକ୍ଷ ଉପରେ । ଏଭଳି ଚର୍ଚ୍ଚା ଚାଲିଛି ଝରିଗାଁରେ । ତେବେ ଦିନକୁ ଦିନ ବଦଳୁଥିବା ରାଜନୈତିକ ସମୀକରଣ ଏବଂ ଚର୍ଚ୍ଚାରେ କେତେ ଦୂର ସତ୍ୟତା ରହିଛି, ତାହା ଆଗାମୀ ଦିନରେ ହିଁ ସ୍ପଷ୍ଟ ହେବ । ସାଂପ୍ରତିକ ପରିସ୍ଥିତିରେ ଭୋଟର ଝରିଗାଁରୁ ପ୍ରାର୍ଥୀ ଆଶା କରୁଛନ୍ତି । ଏହାକୁ ଆଖିରେ ରଖି ବିଜେଡି ଏଥର ନୂଆ ଚେହେରାକୁ ମୈଦାନକୁ ଓହ୍ଲାଇବ ନା ପୁରୁଣା ମୁହଁକୁ ପୁଣିଥରେ ସୁଯୋଗ ଦେବ, ତାହା ଏଯାଏଁ ସ୍ପଷ୍ଟ ହୋଇନି । କଂଗ୍ରେସ ଟିକଟ ଆଶାୟୀ ତାଲିକାରେ ରହିଛନ୍ତି ୩ଜଣ । ସେମାନେ ହେଲେ ଦୁଇଥରର କଂଗ୍ରେସ ପ୍ରାର୍ଥୀ ଉଲ୍ଲଧର ମାଝୀ, ଅଖିଳ ଭାରତୀୟ ଆଦିବାସୀ କଂଗ୍ରେସ କମିଟିର ରାଷ୍ଟ୍ରୀୟ ଯୁଗ୍ମ ସଂପାଦିକା ତଥା ପିସିସି ସଂପାଦିକା ହାରାବତୀ ଗଣ୍ଡ ଏବଂ ପୂର୍ବତନ ସରପଞ୍ଚ ତଥା ବରିଷ୍ଠ ନେତା ମହେଶ୍ୱର ଭତ୍ରା । ସେହିପରି ବିଜେପିରେ ୪ ଜଣ ଆଶାୟୀ ତାଲିକାରେ ଥିବା ଚର୍ଚ୍ଚା ହେଉଛି ।ସେମାନେ ହେଲେ ଜିଲ୍ଲା କାର୍ଯ୍ୟକାରିଣୀ ସଦସ୍ୟ ନରସିଂହ ଭତ୍ରା, ଜିଲ୍ଲା ଆଦିବାସୀ ମୋର୍ଚ୍ଚା ସଭାପତି ଶ୍ୟାମ ସୁନ୍ଦର ମାଝୀ, ଚନ୍ଦାହାଣ୍ଡି ସମିତି ସଭ୍ୟ ଇଂ ପୌରୁଷ ମାଝୀ, ରାଜ୍ୟ ମହିଳା ମୋର୍ଚ୍ଚା ସଂପାଦିକା ବାସନ୍ତୀ ମାଝୀ ପ୍ରମୁଖ । ଦଳ ଏମାନଙ୍କ ମଧ୍ୟରୁ କାହାକୁ ଟିକଟ ଦେବ ନା ନୂଆ ଚେହେରାକୁ ପ୍ରାଧାନ୍ୟ ଦେବ- ତାହା ଆଗାମୀ ଦିନରେ ହିଁ ଜଣା ପଡିବ । ପାଞ୍ଚବର୍ଷର ବିଜେଡି ଶାସନ ପରେ ଏବେ ପରିବର୍ତ୍ତନ ଚାହୁଁଛନ୍ତି ନିର୍ବାଚନ ମଣ୍ଡଳୀର ଜନ ସାଧାରଣ।କାରଣ ବର୍ତ୍ତମାନ ମଧ୍ୟ ଏହି ନିର୍ବାଚନ ମଣ୍ଡଳୀର ବିଭିନ୍ନ ଗ୍ରାମକୁ ରାସ୍ତା ନାହିଁ, ଆଜିପର୍ଯ୍ୟନ୍ତ ପାନୀୟ ଜାଳର ସମସ୍ୟା ସମାଧାନ ହଇ ପାରିଲା ନାହିଁ,ଆଜିବି ଗର୍ଭବତୀ ଖଟିଆରେ ବୁହାହଇ ମେଡିକାଲ ଯାଉଛନ୍ତି।ଛାତ୍ରଛାତି ନଇ ପର8 ହଇ ପାଟପଢିବାକୁ ଜାଉଛନ୍ତି ।ସ୍ୱାଧୀନତାର ୭୭ ବର୍ଷ ପରେବି ବିକାଶ ଦେଖି ପାରିଲାନି ଝରିଗାଁ ନିର୍ବାଚନ ମଣ୍ଡଳୀ।ଏଭଳି ଅନେକ ସମସ୍ୟା ରହିଛି ଏହି ଅଂଚଳରେ।
(ରିପୋର୍ଟ : ମିହିର ଶଙ୍କର ପାତ୍ର,ନବରଙ୍ଗପୁର)