19-Aug-2023

ବେଲପଡ଼ା(ପୁର୍ଣ୍ଣ ଶଶୀ ଶେଖର ରାଓ) ସରକାର ଗର୍ଭବତୀ ମହିଳା ଓ ଶିଶୁ ମାନଙ୍କ ପାଇଁ ପୁଷ୍ଟିକର ଖାଦ୍ୟ ଯୋଗାଇବା ଦେବା ପାଇଁ କୋଟି କୋଟି ଟଙ୍କା ବ୍ୟୟ କରି ମହିଳା ସ୍ୱୟଂ ସହାୟିକା ଗୋଷ୍ଠୀ ମାନଙ୍କ ଜରିଆରେ ଦେଉଛନ୍ତି। କିନ୍ତୁ ଏଠି ଅଙ୍ଗନବାଡ଼ି ଠାରୁ ଆରମ୍ଭ କରି ସୁପରଭାଇଜର, ଶିଶୁ ପ୍ରକଳ୍ପ ଅଧିକାରୀ, ରାଜନେତା  ସମସ୍ତେ ମିଶି ସ୍ବୟଂ ସହାୟକ ଗୋଷ୍ଠୀ ଠାରୁ  ଛତୁଆ ରସ ଖାଉଥିବାରୁ ସ୍ବୟଂ ସହାୟକ ଗୋଷ୍ଠୀ ମାନଙ୍କୁ ସୁରକ୍ଷା ଦେଉଛନ୍ତି। ଯାହା ଫଳରେ ସେମାନେ ଦୁର୍ନୀତି ର ଚରମସୀମା ଟପି ଯାଉଛନ୍ତି। ସୂଚନାଯୋଗ୍ୟ ଯେ ବଲାଙ୍ଗିର ଜିଲ୍ଲା ବେଲପଡା ବ୍ଲକ ରେ ଛତୁଆ ଯୋଗାଇବା ପାଇଁ ଦୁଇଟି ସ୍ବୟଂ ସହାୟକ ଗୋଷ୍ଠୀ ତୁଳସୀ ସ୍ବୟଂ ସହାୟକ ଗୋଷ୍ଠୀ ଓ ସତ୍ୟସାଇ ସ୍ବୟଂ ସହାୟକ ଗୋଷ୍ଠୀ କୁ ଦାୟିତ୍ଵ ଦିଆଯାଇଛି। ହେଲେ ଏହି ଦୁଇ ଗୋଷ୍ଠୀ ନିମ୍ନମାନର ଛତୁଆ ଯୋଗାଇ ମାଲେମାଲ ହେଉଥିବା ବେଳେ ଗର୍ଭବତୀ ମହିଳା ଓ ଶିଶୁ ମାନଙ୍କ ଖାଇବା ପାଇଁ ତାହା ଅନୁପଯୋଗୀ ହେଉଛି।ଗତ ଛଅ ମାସ ତଳେ ତୁଳସୀ ସ୍ବୟଂ ସହାୟକ ଗୋଷ୍ଠୀ ନିମ୍ନ ମାନର ଛତୁଆ ଯୋଗାଇଥିବା ଧୁମାଭଟା ଗାଁ ରେ ଅଭିଯୋଗ ହୋଇଥିଲା। ଏହି ଖବର ବିଭିନ୍ନ ଗଣମାଧ୍ୟମରେ ପ୍ରସାରିତ ହୋଇଥିଲା ସତ କିନ୍ତୁ ଲୋକ ଦେଖାଣିଆ ତଦନ୍ତ କରି ଛତୁଆ ରସରେ ରସି ସୁରକ୍ଷା ଦେଇଦେଲେ ଅଧିକାରୀ। ବର୍ତ୍ତମାନ ପୁଣି ସତ୍ୟସାଇ ସ୍ବୟଂ ସହାୟକ ଗୋଷ୍ଠୀ ର ବେଲପଡା ବ୍ଳକ ବାଗଦୋର ପଞ୍ଚାୟତ ମାଲପଡା ଗାଁ ରେ ନିମ୍ନ ମାନର ଛତୁଆ ବଣ୍ଟନ କରାଯାଉଥିବା ଅଭିଯୋଗ ହେବା ସହ ଭିଡିଓ କ୍ଳିବ ହସ୍ତଗତ ହୋଇଛି। ଉକ୍ତ ଛତୁଆ ପାକେଟ ବହୁ ପୁରୁଣା

ହୋଇଥିବା ବେଳେ ସେଥିରେ ପ୍ରବଳ କୀଟ ଦେଖିବାକୁ ମିଳୁଛି ଯାହାକି ଖାଇବାକୁ ଅନୁପଯୁକ୍ତ।ଏ ସମ୍ପର୍କରେ ଶିଶୁ ବିକାଶ ପ୍ରକଳ୍ପ ଅଧିକାରୀ ସତ୍ୟସାଇ ସ୍ବୟଂ ସହାୟକ ଗୋଷ୍ଠୀ ସଦସ୍ୟ ମାନଙ୍କୁ ଡାକି ରଫାଦଫା କରୁଥିବା ଶୁଣିବାକୁ ମିଳୁଛି।ଏ ବିଷୟରେ ବେଲପଡା ବ୍ଳକ ଶିଶୁ ବିକାଶ ପ୍ରକଳ୍ପ ଅଧିକାରୀଣି ଙ୍କୁ ବୁଝିବା ପାଇଁ ଯୋଗାଯୋଗ କଲେ କଲ୍ ଗ୍ରହଣ କରୁନାହାନ୍ତି।ଜିଲ୍ଲାପାଳ ସ୍ବତନ୍ତ୍ର ଦୃଷ୍ଟି ଆକର୍ଷଣ କରି ଉଚିତ୍ ପଦକ୍ଷେପ ନେବାକୁ ଅଞ୍ଚଳବାସୀ ଦାବି କରିଛନ୍ତି।