19-Apr-2023

ବିନିକା(ହିମାଂଶୁ ଶେଖର ପୁଟେଲ): ବହୁଚର୍ଚ୍ଚିତ ବିନିକା ପ୍ରୀମିୟର ଲିଗ ସିଜନ-୩ କ୍ରିକେଟ ଟୁର୍ଣ୍ଣାମେଣ୍ଟ ଚଳିତ ମାସ ୨୨ତାରିଖରୁ ଆରମ୍ଭ ହେବ ବୋଲି ସ୍ଥାନୀୟ ସ୍ପୋର୍ଟସ କ୍ଲବ ଠାରେ ଅନୁଷ୍ଠିତ ବୈଠକରେ ସ୍ଥିର ହୋଇଛି । କ୍ଲବ ସଭାପତି ସୋମନାଥ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଟିତ ବୈଠକରେ କ୍ଲବର ଉପ ସଭାପତି ବୁଲୁ ଦଣ୍ଡିଆ,ସମ୍ପାଦକ ମନୋଜ ଦାସ,ସକ୍ରିୟ ସଦସ୍ୟ ସୃଜନ ପଣ୍ଡା,ଛାଲୁ ମହାଲିଂ,ହିମାଂଶୁ ଶେଖର ପୁଟେଲ,ହାଡୁ ବଢେଇ,ଅଧିନାୟକ ପ୍ରତାପ ସାହୁ,ଭୁବନେଶ୍ୱର ପାତ୍ରଙ୍କ ସମେତ କ୍ଲବର ସମସ୍ତ ସଦସ୍ୟ ଓ ଖେଳାଳୀ ଭାଗ ନେଇ ଏହାର ସଫଳ ଆୟୋଜନ ନେଇ ଆଲୋଚନା କରିଥିଲେ ।ସୂଚନା ଯୋଗ୍ୟ ଯେ ଗତ ୨୦୧୮ମସିହାରୁ ଆଇପିଏଲ ଢାଞ୍ଚାରେ ଏହି ଟୁର୍ଣ୍ଣାମେଣ୍ଟ ଆୟୋଜନ ହୋଇଆସୁଛି । କୋଭିଡ କଟକଣା ଯୋଗୁଁ ୨ବର୍ଷ ବନ୍ଦ ରହିଥିଲା ।ଅଞ୍ଚଳର ୮ଜଣ ମାଲିକ ନିଜ ନିଜ ଦଳର ଖେଳାଳୀ ମାନଙ୍କୁ ଚୟନ କରି ଟିମ ନାମକରଣ ପ୍ରକ୍ରିୟା ଶେଷ କରିଛନ୍ତି । ଦୀର୍ଘ ଏକ ମାସ ଧରି ଚାଲିବାକୁ ଥିବା ଏହି ଟୁର୍ଣ୍ଣାମେଣ୍ଟର ଖେଳ ଗୁଡ଼ିକୁ ପରିଚାଳନା ପାଇଁ ୮ଜଣ ଅଭିଜ୍ଞ ଅମ୍ପାୟାର,୪ଜଣ କମେଣ୍ଟଟେଟର,୩ଜଣ ସ୍କୋରର ରହିଛନ୍ତି । ଟୁର୍ଣ୍ଣାମେଣ୍ଟର ପ୍ରଥମ ଦିନ ସକାଳେ ୮ଫ୍ରାଞ୍ଚାଇଜଙ୍କ ସହ କ୍ରିକେଟ ଟିମ,କମିଟି ସଦସ୍ୟ ଓ ଅଞ୍ଚଳର କ୍ରୀଡା ପ୍ରେମୀଙ୍କ ତରଫରୁ ଏକ ଶୋଭାଯାତ୍ରା ସହର ପରିକ୍ରମା କରି ବିଜୁ ।

ପଟ୍ଟନାୟକ ଷ୍ଟାଡିୟମରେ ପହଞ୍ଚିବା ପରେ ରଙ୍ଗାରଙ୍ଗ ପରିବେଶ ମଧ୍ୟରେ ଅତିଥି ମାନଙ୍କ ଦ୍ଵାରା ପ୍ରୀମିୟର ଲିଗ କ୍ରିକେଟ ଟୁର୍ଣ୍ଣାମେଣ୍ଟ ସିଜନ-୩ ଉଦ୍ଘାଟନ ହେବ ବୋଲି ଆୟୋଜକ ସ୍ପୋର୍ଟସ କ୍ଲବ ତରଫରୁ ସୂଚନା ଦିଆଯାଇଛି ।ପ୍ରତିଦିନ ଅପରାହ୍ନ ୪ଟା ରୁ ୬ଟା ପର୍ଯ୍ୟନ୍ତ ଅନୁଷ୍ଟିତ ମ୍ୟାଚ ଗୁଡିକରେ ଭାଗ ନେଇଥିବା ଖେଳାଳୀ ମାନଙ୍କୁ ଉତ୍ସାହିତ କରିବା ପାଇଁ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତି ବିଶେଷ  ଯୋଗଦେଇ ପୁରସ୍କାର ପ୍ରଦାନ କରିବାର କାର୍ଯ୍ୟକ୍ରମ ରହିଛି