20-Feb-2023

ବଙ୍ଗୋମୁଣ୍ଡା (ଅନୀଲ କୁମାର ତ୍ରିପାଠୀ) ସମଗ୍ର ଦେଶରେ ଥିବା ଯୋଗିନୀ ପୀଠ ମାନଙ୍କ ମଧ୍ଯରେ ଅନ୍ୟତମ ରାଣୀପୁର ଝରିଆଲ। କାହିଁ କେତେ ଆବାହମାନ କାଳରୁ ଲୋକଙ୍କ ଆସ୍ଥା ଓ ବିଶ୍ବାସର ପ୍ରତିକ ସୋମେଶ୍ବର ମହାଦେବଙ୍କ ପୀଠ। ଆଉ ଏହି ପୀଠର ମୁଖ୍ଯ ଯାତ୍ରା ମାନଙ୍କ ମଧ୍ଯରେ ମହାଶିବରାତ୍ରୀ ଅନ୍ୟତମ। କାହିଁକି ନା ଏହି ପୀଠରେ ଗୋଟିଏ ପଟେ ୬୪ ଯୋଗିନୀ ଓ ଅନ୍ୟପଟେ ରହିଛି ସୋମେଶ୍ବର ମହାଦେବଙ୍କ ପୀଠ ତେଣୁ ଏହି ପୀଠରେ ଥରୁଟିଏ ମହାଦେବଙ୍କ ଦର୍ଶନ କରିବା ପାଇଁ ଚାଳି ଆସନ୍ତି ବହୁସଂଖ୍ୟକ ଭକ୍ତ ଓ ଶ୍ରଦ୍ଧାଳୁ । ସେଥିପାଇଁତ ଚଳିତ ବର୍ଷ ମହା ଜାଗର ଯାତ୍ରା ଧୂମ ଧାମରେ ପାଳିତ ହୋଇଯାଇଛି। ହଜାର ହଜାର ଶ୍ରଦ୍ଧାଳୁ ଓ ଭକ୍ତ ରାତ୍ରି ୧୦ ଟା ରେ ସୋମେଶ୍ୱର

ମହାଦେବଙ୍କ ମହାଦୀପ ଦର୍ଶନ ପାଇଁ ଏକତ୍ରୀତ ହୋଇଥିଲେ । ମୁଖ୍ଯ ମନ୍ଦିର ପୂଜକ ଜଗମୋହନ ତ୍ରିପାଠୀଙ୍କ ମନ୍ତ୍ର ଉଚ୍ଚାରଣ ଓ ତତ୍ତ୍ଵାବଧାନରେ ରାମଚନ୍ଦ୍ର ତ୍ରିପାଠୀ ଓ ସିନ୍ଧେକେଲା ଥାନା ଏସଆଇ ଜୟଶଙ୍କର ଆଚାର୍ଯ୍ଯ ମନ୍ଦିର ଉପରକୁ ମହାଦୀପ ଉଠାଇଥିଲେ । ଏହି ସମୟରେ ଓଁ କାର ଧ୍ୱନିରେ ମନ୍ଦିର ବେଢା ପ୍ରକମ୍ପିତ ହୋଇ ଉଠିଥିଲା। ଏହି ଉପଲକ୍ଷେ ଚଉଷଠି ଯୋଗିନୀ ମନ୍ଦିର ସମ୍ମୁଖରେ ଅନୁଷ୍ଠିତ  ସାଂସ୍କୃତିକ ଉତ୍ସବରେ ଗୁରୁଶ୍ରୀ ସୁବାଷ ଚନ୍ଦ୍ର ସ୍ବାଇଁଙ୍କ ଭୁବନେଶ୍ବର ସ୍ଥିତ ନୃତ୍ୟାଙ୍ଗନା ଡ୍ୟାନ୍ସ ଏକାଡେମୀ ଦ୍ବାରା  ଭାରତୀୟ କ୍ଲାସିକାଲ ନୃତ୍ୟ କାର୍ଯ୍ୟକ୍ରମ ପରିବେଷଣ ହୋଇଥିଲା। ଆଲବମ ଗାୟକ ନିଲେଶ ବାଗଙ୍କ ଦ୍ବାରା ଭଜନ ପରିବେଷଣ ହୋଇଥିଲା।  ଏଥିରେ ମୁଖ୍ୟ ଅତିଥି ଭାବେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା, ସମ୍ମାନିତ ଅତିଥି ଭାବରେ କଣ୍ଟାବାଞ୍ଜି ଏନଏସି ଅଧ୍ୟକ୍ଷ ବରିୟାମ ସିଂହ ସାଲୁଜା, ସିନ୍ଧେକେଲା ଆଇଆଇସି ବି.ରୁଦ୍ରିଆ, ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ସିନ୍ଧେକେଲା ସମିତି ସଭ୍ୟ ଭୋଳନାଥ ବେହେରା, ମନ୍ଦିର କମିଟି ସଭାପତି ମାଣିକଲାଲ ଜୈନ, ସଂଯୋଜକ କ୍ଷୀରସିନ୍ଧୁ ଭୋଇ, ଗୋପୀ ସାହୁ, ମଞ୍ଜେସ

ମେହେର, କୃଷ୍ଣ ସାହୁ, ମନ୍ଦିର କମିଟି ଆବାହକ ଅନିଲ କୁମାର ତ୍ରିପାଠୀ, ଅଲଣ୍ଡା ସରପଞ୍ଚ ପ୍ରତିନିଧି ଯୁବରାଜ ବାଗ ପ୍ରମୁଖ ମଞ୍ଚାସିନ ଥିଲେ । ମଞ୍ଚ ପରିଚାଳନା କରିଥିଲେ ସନ୍ତୋଷ କୁମାର ତ୍ରିପାଠୀ ଓ ବିକାଶ ପନିକା। ନିତ୍ୟାନନ୍ଦ ପୃଷେଠ, ସାମ୍ବାଦିକ ଅଶୋକ କୁମାର ଭୋଇ, ଜ୍ୟୋତି ସାହୁ , ଲଲିତ ସାହୁ , କିଶୋର ସାହୁ, ପର୍ମାନନ୍ଦ ଭୋଇ, ଇନ୍ଦ୍ରଧନୁ ସାଂସ୍କୃତିକ ଅନୁଷ୍ଠାନ ର ପିଆରଓ ତ୍ରିନାଥ ବାରିକ ଓ କୋଷାଧ୍ୟକ୍ଷ କାହ୍ନା ଅଗ୍ରୱାଲ , ଗୌରାଙ୍ଗ ମହାନନ୍ଦ, ପହଲେଶ୍ବର ପୁଟେଲ, ଓମଦେବ ସାହୁଙ୍କ ସହ ମନ୍ଦିର କମିଟିର ସମସ୍ତ ସଦସ୍ଯ ସହଯୋଗ କରିଥିଲେ।  ନୃତ୍ୟ ଦଳ ଦ୍ୱାରା ଶିବ ତାଣ୍ଡବ ନୃତ୍ୟ, ମହିଷାସୁର ମର୍ଦ୍ଦିନୀ, ତାରକାସୁର ବଧ   ଖଡ଼ିଆଳ ଡ୍ୟାନ୍ସ ଗ୍ରୁପ ଦ୍ବାରା ଆଧୁନିକ ନୃତ୍ୟ ତଥା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା ବିଳମ୍ବିତ ରାତ୍ର ପର୍ଯ୍ୟନ୍ତ ନୃତ୍ୟର ତାଳେ ତାଳେ ଭକ୍ତ ଓ ଶ୍ରଦ୍ଧାଳୁ ଝୁମିଥିଲେ। ଶେଷରେ ଆବାହକ ଶ୍ରୀ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ।