20-Feb-2023

 ବଲାଙ୍ଗିର, ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ  ଉନ୍ନୀତ ଉଚ୍ଚ ବିଦ୍ୟାଳୟର ଇକୋ କ୍ଲବ ଓ ଜୁନିୟର ରେଡକ୍ରସ ଆନୁକୂଲ୍ୟରେ ଜଙ୍ଗଲ ନିଆଁ ସମ୍ପର୍କିତ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କର ସଭାପତିତ୍ୱ ଓ ପ୍ରକୃତିବନ୍ଧୁ ପୁରସ୍କାର ପ୍ରାପ୍ତ ତଥା ରେଡକ୍ରସ କର୍ମୀ ରାମ ନାରାୟଣ ଦାଶଙ୍କର ସଂଯୋଜନା କାର୍ଯ୍ୟକ୍ରମକୁ ସଂସ୍କୃତ ଶିକ୍ଷକ ସୁଦର୍ଶନ ଦାଶ ପରିଚାଳନା କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବଡମାଲ ରେଲ ଷ୍ଟେସନ ମାଷ୍ଟର ସୁଦର୍ଶନ ବିଶ୍ୱାଳ, ମୁଖ୍ୟ ବକ୍ତା ଭାବରେ ସୋନପୁର ଜିଲ୍ଲା ରାମପୁର ନୋଡାଲ ହାଇସ୍କୁଲର ବିଜ୍ଞାନ ଶିକ୍ଷକ ବିଶ୍ୱନାଥ ମେହେର, ସମ୍ମାନୀତ

ଅତିଥୀ ଭାବରେ ବିଜାପଦର ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ବ୍ରଜମୋହନ ମାଝି, ସାଉଁନ୍ତପୁର  ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ଆଦିତ୍ୟ ରଣା,  କାଲସାଏ ପାଲି ପ୍ରାଥମିକ ବିଦ୍ୟାଳୟର ଶିକ୍ଷୟତ୍ରୀ ଭାରତୀ ପଧାନ ଯୋଗଦାନ କରିଥିଲେ । ଅତିଥିଗଣ ଜଙ୍ଗଲକୁ ସୁରକ୍ଷା କରିବା ପାଇଁ ସଚେତନ ବାର୍ତ୍ତା ନିଜ ନିଜ ଅଭିଭାଷଣରେ ପ୍ରଦାନ କରିବା ସହିତ ଜଙ୍ଗଲକୁ ନଷ୍ଟ କରିବା ଦ୍ୱାରା ପରିବେଶ ନଷ୍ଟ, ମୃତ୍ତିକା କ୍ଷୟ, ବର୍ଷାର ଅଭାବ, ଜଙ୍ଗଲି ଜୀବଜନ୍ତୁ ହ୍ରାସ ତଥା ଜଙ୍ଗଲି ଜୀବଜନ୍ତୁ ଗ୍ରାମାଭିମୁଖୀ ହୋଇ ଧନଜୀବନ ନଷ୍ଟ ହେଉଛି ବୋଲି ମତପ୍ରକାଶ କରିଥିଲେ । ଏହି ମହାନ  “ବୃକ୍ଷବନ୍ଧୁ” କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା ପାଇଁ ସମସ୍ତେ ଆଗ୍ରହ ପ୍ରକାଶ କଲେ ।  ତେଣୁ ସମସ୍ତେ ଜଙ୍ଗଲ ସୁରକ୍ଷା ଓ ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା ଆମ ସମସ୍ତଙ୍କର କର୍ତ୍ତବ୍ୟ ବୋଲି ଅବଗତ କରିଥିଲେ । ଏହି ଅବସରରେ ବିଦ୍ୟାଳୟକୁ ନୂତନ ଭାବରେ ନିଯୁକ୍ତି ପାଇଥିବା କୃପାସିନ୍ଧୁ ମିଶ୍ରଙ୍କୁ ସୁସ୍ୱାଗତ କରାଯାଇଥିଲା । କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଲିଙ୍ଗରାଜ ନନ୍ଦ, ଦିପକସେନ ଧରୁଆ, ହିମାଂଶୁ ବିଶ୍ୱାଳ, ସମିର ସେଠୀ, ଶିକ୍ଷୟତ୍ରୀ ରେଣୁକା ସାହୁ, ଗାୟତ୍ରୀ ବାରିକ, ଦ୍ରୋପଦୀ ଭୋଇ, କାନ୍ତୀ ଭୋଇ, ଯଶୋବନ୍ତୀ ଭୋଇ, ଛାତ୍ରଛାତ୍ରୀ ତଥା  ଗ୍ର୍‌ାମବାସୀ ଉପସ୍ଥିତ ଥିଲେ ।