22-Jan-2023

ବଲାଙ୍ଗୀର(ପ୍ରେରଣା ଖବର)-ଆଜି ଶୈଳଶ୍ରୀ ପ୍ୟାଲେସ ଗହଳଚହଳ ହୋଇଛି । କଂଗ୍ରେସଦଳ ଛାଡି ପାଟଣାଗଡର ଯୁବନେତା ଶିବାନନ୍ଦ ପରିଚ୍ଛା ତାଙ୍କ ୮୦୦ କର୍ମୀଙ୍କୁ ଧରି ବିଜୁଜନତାଦଳରେ ମିଶିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତି ଆସ୍ଥାପ୍ରକଟ କରି ବଲାଙ୍ଗୀର ଶୈଳଶ୍ରୀ ପ୍ୟାଲେସଠାରେ ବିଜେଡିର ବରିଷ୍ଠ ରାଜ୍ୟସଂପାଦକ ତଥା ରାଜ୍ୟ ହାଉସିଂବୋର୍ଡ ଅଧ୍ୟକ୍ଷ କଳିକେଶ ନାରାୟଣ ସିଂଦେଓଙ୍କଠାରେ ବିଜେଡିରେ ମିଶିଛନ୍ତି । ଶିବାନନ୍ଦଙ୍କ ବାପା ସ୍ୱର୍ଗତ କିଶୋର ପରିଚ୍ଛା ଜଣେ କେନ୍ଦୁପତ୍ରକର୍ମଚାରୀ ସଂଘର ନେତା ତଥା କଂଗ୍ରେସଦଳର ଜଣେ ଟାଣୁଆନେତା ଥିଲେ । ତାଙ୍କ ଦେହାନ୍ତ ପରେ ଛାତ୍ର ରାଜନୀତିରୁ ଆସିଥିବା ତାଙ୍କ ପୁଅ ଶିବାନନ୍ଦ ପରିଚ୍ଛା କେନ୍ଦୁପତ୍ର କର୍ମଚାରୀ ସଂଘର ଡିଭିଜନ ସଂପାଦକ ଦାୟୀତ୍ୱ ନେଇଥିଲେ । କେନ୍ଦୁପତ୍ର କର୍ମଚାରୀ ଓ ତୋଳାଳୀଙ୍କର ଅନେକ ସମସ୍ୟା ରହିଥିଲା । ମାନ୍ୟବର ମୁଖ୍ୟମନ୍ତ୍ରୀ ଗତମାସରେ ଏକ ସ୍ୱତନ୍ତ୍ର ପ୍ୟାକେଜ ଦେଇଥିଲେ । କେନ୍ଦୁପତ୍ର ତୋଲାଳୀ,କର୍ମଚାରୀଙ୍କୁ ଅଧିକ ଅର୍ଥ ସହାୟତା ମିଳିଲା ।

ଏହା ସହିତ କେନ୍ଦୁପତ୍ର ଶ୍ରମିକଙ୍କ ପୁଅଝୀଅ ପାଠପଢା ଖର୍ଚ୍ଚ ପାଇଁ ମଧ୍ୟ ମୁଖ୍ୟମନ୍ତ୍ରୀ ବ୍ୟବସ୍ଥା କରିଛନ୍ତି । ତେଣୁ ମୁଖ୍ୟମନ୍ତ୍ରୀଙ୍କ ଏଭଳି କାର୍ଯ୍ୟରେ ଖୁସିବ୍ୟକ୍ତ କରି ତଥା ବିଜେଡିଦଳ ପ୍ରତି ଆସ୍ଥାପ୍ରକଟ କରି ଆଜି ଶିବାନନ୍ଦ ତାଙ୍କ ସମର୍ଥକଙ୍କୁ ନେଇ ଶୈଳଶ୍ରୀ ପ୍ୟାଲେସରେ ବିଜେଡିଦଳରେ ଯୋଗଦେଇଛନ୍ତି ବୋଲି ଶିବାନନ୍ଦ ତାଙ୍କ ପ୍ରତିକ୍ରୀୟାରେ କହିଛନ୍ତି । ଶୈଳଶ୍ରୀ ପ୍ୟାଲେସରେ ହୋଇଥିବା ଏହି ମିଶ୍ରଣ ପର୍ବକୁ ଆଲୋକ ପାଣିଗ୍ରାହୀ ପରିଚାଳନା କରିଥିବା ବେଳେ ପୂର୍ବତନ ସାସଦ କଳିକେଶନାରାୟଣ ସିଂଦେଓ,ବରିଷ୍ଠନେତା ବନମାଳୀ ଖମାରୀ,ଗଣେଶ କୁମ୍ଭାର,ରିଙ୍କୁ ପୁରୋହିତ,ସଂଝିବ ମିଶ୍ର, ଦାମୋଦର ଯୋଷୀ, ଗୌତମ ମେହେର ପ୍ରମୁଖ ମଞ୍ଚାସୀନ ଥିଲେ । କେନ୍ଦୁପତ୍ର କର୍ମଚାରୀସଂଘରୁ ମକାରୁ ପଣ୍ଡା,ପରମା ସୁନା,ଶାନ୍ତନୁ ଭୋଇ,ଧୃବ ଚାନ୍ଦ,କୈଳାଶ ସୁନା, ରାଜାରାମ ଡନସେନା,ନୀଳମଣୀ ବୁଡେକ,ଚିତ୍ତ ବେହେରା ମଧ୍ୟ ମଞ୍ଚାସୀନ ଥିଲେ । ଆଜିର ମିଶ୍ରଣ ପର୍ବରେ ପାଟଣାଗଡ ନିର୍ବାଚନମଣ୍ଡଳିର ପାଟଣାଗଡ.ବେଲପଡା ଓ ଖପ୍ରାଖୋଲ ବ୍ଲକ ଅଞ୍ଚଳର ମଦନ ବରିହା,ନୀଳମଣୀ ବରିହା,ଗୌରଚନ୍ଦ୍ର ପୋଢ,ଜଗନ୍ନାଥ ହାଡି,ହୃଷି ଉଦୁରକୁଲିଆ,ଗଂସ ବରିହା,ଗଜରାଜ ହାତୀ,ପ୍ରହଲ୍ଲାଦ ବରିହା,ନାରାୟଣ ବରିହା,କେସବ ବରିହା,ପ୍ରକାଶ ଦାସ,କେସବ ପୁଟେଲ,ପ୍ରେମାନନ୍ଦ ସାହୁ,ସାନ ସାହୁ,ବିନୋଦ ସାହୁ,ଚୌଳଚନ୍ଦ୍ର ରଣା,ସଂକିର୍ତ୍ତନ ସାହୁ,ଲିଙ୍ଗରାଜ ମଲ୍ଲିକ,ଡୁଲ ମଲ୍ଲିକ,ଯୁଧିଷ୍ଠିର ,ମଲ୍ଲିକ,ବୀରେନ୍ଦ୍ର ସାହୁ ପ୍ରମୁଖଙ୍କ ନେତୃତ୍ୱ ନେଇଥିଲେ ।

ସେହିପରି କେନ୍ଦୁପତ୍ର କର୍ମଚାରୀ ସଂଘର ମକାରୁ ପଣ୍‌ଡା,ପରମେ ସୁନା,ଶାନ୍ତନୁ ଭୋଇ,ଧୃବ ଚାନ୍ଦ,କୈଳାସ ସୁନା,ରାଜାରାମ ଦନସେନା,ନୀଲମଣୀ ବୁଡେକ,ଜଗଦିଶ ବନଛୋର,ଜୟସିଂ ନାଏକ,ଚୁଡାମଣୀ ବୁଡେକ,ଚିତ୍ତ ବେହେରା ପ୍ରମୁଖ ନେତୃତ୍ୱ ନେଇଥିଲେ । ସମସ୍ତେ ଶିବାନନ୍ଦଙ୍କ ନେତୃତ୍ୱରେ ବଲାଙ୍ଗୀରରେ ଏକ ଶୋଭାଯାତ୍ରାରେ ଶୈଳଶ୍ରୀ ପ୍ୟାଲେସରେ ପହଞ୍ଚି ଆୟୋଜିତ ମିଶ୍ରଣ ପର୍ବରେ ଯୋଗଦେଇଥିଲେ । ଏହି ଅବସରରେ କଳିକେଶ ସିଂଦେଓ କହିଛନ୍ତି ଯେ, ରାଜ୍ୟରେ ମୁଖ୍ୟମନ୍ତ୍ରୀ ନବିଣ ପଟ୍ଟନାୟକଙ୍କ ନେତୃତ୍ୱରେ ବିକାଶଧାରା ଚାଲୁରହିଛି । କେନ୍ଦୁପତ୍ର ଶ୍ରମିକ ହୁଅନ୍ତୁ କି ଅନ୍ୟାନ୍ୟ ବର୍ଗର ଲୋକଙ୍କର ବିକାଶ ପାଇଁ ମୁଖ୍ୟମନ୍ତ୍ରୀ ସ୍ୱତନ୍ତ୍ର ଧ୍ୟାନ ଦେଉଛନ୍ତି । ତେଣୁ ଲୋକମାନେ ବିଜେଡିଦଳ ପ୍ରତି ଆକୃଷ୍ଟ ହେଉଛନ୍ତି ବୋଲି କହିଛନ୍ତି । ଏହି ମିଶ୍ରଣ ପରେ ପାଟଣାଗଡ ତଥା ବଲାଙ୍ଗୀର ଜିଲ୍ଲାରେ ବିଜେଡିଦଳ ଆହୁରି ମଜବୁତ ହେବ ବୋଲି ଶ୍ରୀ ସିଂଦେଓ କହିଛନ୍ତି । 
   ସେପଟେ ଆସନ୍ତା ୨୪ ତାରିଖରୁ ରାଜ୍ୟ ପ୍ରଦେଶ କଂଗ୍ରେସ ସଭାପତି ଶରତ ପଟ୍ଟନାୟକଙ୍କ ନେତୃତ୍ୱରେ ବଲାଙ୍ଗୀର ଜିଲ୍ଲାରେ କଂଗ୍ରେସର ଓଡିଶା ଯୋଡ ପଦଯାତ୍ରା ଆୟୋଜିତ ହେବାକୁ ଯାଉଛି । କିନ୍ତୁ ଏହା ପୂର୍ବରୁ ଆଜି କଂଗ୍ରେସରୁ ଶହଶହ ସଂଖ୍ୟାରେ କର୍ମି ଦଳଛାଡି ବିଜେଡିକୁ ଚାଲିଯାଇଛନ୍ତି । ଯାହାକି କଂଗ୍ରେସକୁ ଏକ ବଡଶକ୍ତ ଧକ୍କା ଲାଗିଛି ବୋଲି କୁହାଯାଉଛି ।