22-Jan-2023

ସୁବର୍ଣ୍ଣପୁର : ବସନ୍ତ ସାମାଜିକ ପ୍ରତିଷ୍ଠାନ, ନୂଆଁଦିଲ୍ଲୀ ତରଫରୁ ଆଜି ସୋନପୁର ମହାରାଜା ଉଚ୍ଚ ବିଦ୍ୟାଳୟ ସଭାଗୃହରେ ଏକ ବ୍ଲକ ସ୍ତରୀୟ ତର୍କ ପ୍ରତିଯୋଗିତା ଅନୁଷ୍ଠିତ ହୋଇଥିଲା।ତର୍କର ବିଷୟ ଥିଲା "ସାମ୍ପ୍ରତିକ ପରିସ୍ଥିତିରେ ଅନଲାଇନ କ୍ଲାସ, ସାମାଜିକ ଗଣମାଧ୍ୟମ ଓ ସ୍ମାର୍ଟ ଫୋନ ବ୍ୟବହାର ଶିକ୍ଷଣର ଏକ ଅଭିନବ ମାଧ୍ୟମ" । ଏଥିରେ ସୋନପୁର ବ୍ଲକର   ୧୫ ଟି ଉଚ୍ଚ ବିଦ୍ୟାଳୟରୁ ଜଣେ ଲେଖାଏଁ ପ୍ରତିଯୋଗୀ ଅଂଶ ଗ୍ରହଣ କରିଥିଲେ।ସେମାନଙ୍କ ମଧ୍ୟରୁ ଡୁଙ୍ଗୁରିପାଲି କୁଶଳେଶ୍ୱର ଉଚ୍ଚ ବିଦ୍ୟାଳୟର ଶ୍ରିତମ ମେହେର ପ୍ରଥମ, ହରଡ଼ଖୋଲ ଶୁଭେଶ୍ୱର ଉଚ୍ଚ ବିଦ୍ୟାଳୟ ର ସୁଭଦ୍ରା ବାରିକ ଦ୍ଵିତୀୟ ଏବଂ ସୋନପୁର ସରକାରୀ ବାଳିକା ଉଚ୍ଚ ବିଦ୍ୟାଳୟର ଶ୍ରୀୟା ଦାସ ତୃତୀୟ ହୋଇଥିଲେ।ସେମାନଙ୍କୁ ଟ୍ରଫି ଓ ପ୍ରମାଣପତ୍ର ସହ ଯଥାକ୍ରମେ 3 ହଜାର, 2 ହଜାର ଏବଂ ୧ ହଜାର ଅର୍ଥରାଶି ପ୍ରଦାନ କରାଯାଇଥିଲା ଓ ସୁଇଟର ଏବଂ ବ୍ୟାଗ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା।ସୋନପୁର ଓ ଏ ଭି ର ସ୍ୱାତି ପ୍ରିୟଦର୍ଶିନୀ ମିଶ୍ର ଏବଂ ଖାରି ଉଚ୍ଚ ବିଦ୍ୟାଳୟର ମାନସିରାଣୀ ମିଶ୍ର ଙ୍କୁ ସ୍ୱାନ୍ତନା ମୂଳକ ପୁରସ୍କାର ବାବଦ କୁ ଟ୍ରଫି ଓ ପ୍ରମାଣପତ୍ର ସହ 1 ହଜାର ଟଙ୍କା ପ୍ରଦାନ କରାଯାଇଥିଲା। ସେହିପରି ପ୍ରତିଯୋଗିତାରେ ଅଂଶଗ୍ରହଣ କରିଥିବା ଖରଜୁରା ର ସୁପ୍ରିତି ପାଣିଗ୍ରାହୀ,ରେଙ୍ଗାଲିର ସ୍ମୁତିରାଣୀ କୁମ୍ଭାର,ସାଗରପାଳିର ବର୍ଷା ସାହୁ,ବଲାଡିର ଆକାଶ ମିଶ୍ର,ଲଛିପୁର ର ଅନିମା କର୍ଣ୍ଣ,ନାରାୟଣପୁରର ବିବୁନ ପ୍ରଧାନ,ସୋନପୁର ମହାରାଜା ଉଚ୍ଚ ବିଦ୍ୟାଳୟର ଦେବେନ୍ଦ୍ର ଖମାରି ଓ ଶିଶୁମନ୍ଦିର ର ରାହୁଲ ଭୋଇ,ମୟୁରଉଡାନରୁ ଦେବସ୍ମିତା ନାଏକ,ଏବଂ ଖଳିଆପାଲି ଉଚ୍ଚ ବିଦ୍ୟାଳୟର ସ୍ନାତି ସାଗରିକା ବଡମାଳି ପ୍ରତ୍ୟେକେଙ୍କୁ ପ୍ରମାଣପତ୍ର ସହ ୫ ଶହ ଟଙ୍କା ଲେଖାଏଁ ଅର୍ଥରାଶି ପ୍ରଦାନ କରାଯାଇଥିଲା।ଆଜିର ଏହି ତର୍କ ପ୍ରତିଯୋଗିତାରେ ବିଚାରକ ଥିଲେ ପ୍ରାଧ୍ୟାପକ ଡାକ୍ତର ଜ୍ୟୋତିରଞ୍ଜନ ବହିଦାର, ସାହାରା ଟ୍ରଷ୍ଟ ଉଚ୍ଚ ବିଦ୍ୟାଳୟରର ପ୍ରଧାନ ଶିକ୍ଷକ ଗତିକୃଷ୍ଣ ମିଶ୍ର,ଏବଂ ଅବସରପ୍ରାପ୍ତ ଶିକ୍ଷକ ବେଣୀମାଧବ ମହାପାତ୍ର।ବସନ୍ତ ସାମାଜିକ ପ୍ରତିଷ୍ଠାନର ନିର୍ଦେଶକ ତଥା ଇଣ୍ଡିଆନ ବ୍ୟାଙ୍କ ଏସୋସିଏସନ ର ବରିଷ୍ଠ ପରାମର୍ଶଦାତା ବିକାଶନାରାୟଣ ମିଶ୍ର ଏବଂ ଏହାର ଅଧ୍ୟକ୍ଷା ରାଜଶ୍ରୀ ମିଶ୍ର ମୁଖ୍ୟାତିଥିଭାବେ ଯୋଗ ଦେଇ ପୁରସ୍କାର ପ୍ରଦାନ କରିଥିଲେ , ଏଥିରେ ସମ୍ମାନିତ ଅତିଥିଭାବେ ମହାରାଜା ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ଆଶିଷ କୁମାର ରଥ ଯୋଗ ଦେଇଥିଲେ।କାର୍ଯ୍ୟକ୍ରମ ଆୟୋଜନ ଓ ପରିଚାଳନା  ବରିଷ୍ଠ ସାମ୍ବାଦିକ ବୈଦ୍ୟନାଥ ହୋତା କରିଥିଲାବେଳେ ସଂଯୋଜନା କରିଥିଲେ ଶିକ୍ଷୟତ୍ରୀ ଅରୁଣୀମା ମିଶ୍ର।ପ୍ରକାଶଥାଉକି, ବସନ୍ତ ସାମାଜିକ ପ୍ରତିଷ୍ଠାନ ମୁଖ୍ୟାଳୟ ନୂଆଁଦିଲ୍ଲୀରେ ରହିଥିଲାବେଳେ ଏହାର ଶାଖା କାର୍ଯ୍ୟାଳୟ ବୌଦ୍ଧ ଜିଲ୍ଲା ମନମୁଣ୍ଡା ନିକଟସ୍ଥ ଡାଙ୍ଗମୁଣ୍ଡାରେ ରହିଛି ଓ ଏହି ପ୍ରତିଷ୍ଠାନ ତରଫରୁ ଅନେକ ସାମାଜିକ କାର୍ଯ୍ୟକ୍ରମ କରାଯାଉଥିଲାବେଳେ ବିଶେଷକରି ବିଦ୍ୟାଳୟର ଉନ୍ନତି, ବିଦ୍ୟାଳୟମାନଙ୍କରେ ବିଭିନ୍ନ ପ୍ରକାର କାର୍ଯ୍ୟକ୍ରମ କରାଯାଇଆସୁଛି ଓ ମେଧାବୀ ଗରିବ ଛାତ୍ରଛାତ୍ରୀଙ୍କୁ ଆର୍ଥିକ ସହାୟତା ପ୍ରୋତ୍ସାହନ ରାଶି ପ୍ରଦାନ କରାଯାଇ ଉତ୍ସାହିତ କରାଯାଉଛି।ସେହିପରି ଆଦର୍ଶ ଶିକ୍ଷକ, ଶିକ୍ଷୟତ୍ରୀଙ୍କୁ ସମ୍ବର୍ଦ୍ଧନା ସହ ୨୦୨୨ମାଟ୍ରିକ ପରୀକ୍ଷାରେ ସବୁଠୁ ଅଧିକ ମାର୍କ ରଖି ପାସ କରିଥିବା ୨୦ଟି ସ୍କୁଲ ର ପ୍ରତ୍ୟେକ ସ୍କୁଲ ର 3 ଜଣଙ୍କୁ ଯଥାକ୍ରମେ ୫ ହଜାର, ୩ହଜାର ଓ ୨ ହଜାର ଟଙ୍କା ଆର୍ଥିକ ପ୍ରୋତ୍ସାହନ ରାଶି ପ୍ରଦାନ କରାଯାଇଥିଲା।ବସନ୍ତ ସାମାଜିକ ପ୍ରତିଷ୍ଠାନର ଏହି ମହତ କାର୍ଯ୍ୟକୁ ବୁଦ୍ଧିଜୀବୀ ମହଲରେ ଉଚ୍ଚ ପ୍ରଶଂସା କରାଯାଇଛି।