04-Dec-2020

ଖଣ୍ଡପଡା, ନୟାଗଡ, (ପ୍ରଦୀପ ପଣ୍ଡା)- ନୟାଗଡ଼ ଜିଲ୍ଲା ଖଣ୍ଡପଡା ବ୍ଳକ ରେ ଗୋକୁଳାନନ୍ଦ ପୀଠ ପର୍ଯ୍ୟଟକଙ୍କ ପାଇଁ ଏକ ମନମୁଗ୍ଧକର ପ୍ରାକୃତିକ ସୌନ୍ଦର୍ଯ୍ୟ ଭରା ଦର୍ଶନୀୟ ସ୍ଥାନ ଭାବେ ବେଶ ଜଣାଶୁଣା | ଭୁବନେଶ୍ୱର ଠାରୁ ବାଘମାରି, କଣ୍ଟିଲୋ, ବଲାଙ୍ଗୀର ରାସ୍ତାରେ ଆସିବାବେଳେ ରାଜକିଆରି ଛକ ଠାରୁ ନରସିଂହପୁର ରାସ୍ତାରେ ଗଲେ ସିଧାମୂଳା ସେତୁ ର ପ୍ରାରମ୍ଭରେ ବାମ ପାର୍ଶ୍ଵ କୁ ଗଲେ ପଡିବ ଗୋକୁଳାନନ୍ଦ ଙ୍କ ପୀଠ | ମହାନଦୀ କୂଳରେ ପାହାଡ଼ ଉପରେ ଗଢିଉଠିଛି ପ୍ରଭୁଙ୍କର ମନ୍ଦିର | ସେଠାରେ ଯାତ୍ରୀନିବାସ ମଧ୍ୟ ଅଛି ଫଳରେ ଦୂର ଦୁରାନ୍ତ ରୁ ପର୍ଯ୍ୟଟକ ମାନେ ଆସିଲେ ସେଠାରେ ନିଜର କ୍ଲାନ୍ତି ମେଣ୍ଟାଈବାର ସୁବିଧା ପାଇବା ସହିତ ଭୋଜି ଭାତ କରି ଖାଇବାର ସମସ୍ତ ପ୍ରକାର ସୁଯୋଗ ପାଇପାରନ୍ତି | ବିବାହ, ବ୍ରତ ଠାରୁ ଆରମ୍ଭକରି ବଣଭୋଜି ଆଦି କରିବାକୁ ସାରା ରାଜ୍ୟର କୋଣ ଅନୁକୋଣ ରୁ ଯାତ୍ରୀ ଙ୍କର ସୁଅ ଛୁଟିଥାଏ ଏହି ଜାଗାକୁ | ବଣ ଜଙ୍ଗଲ ଏବଂ ମହାନଦୀ ର ସୌନ୍ଦର୍ଯ୍ୟ ଉପଭୋଗ କରିବାସହିତ ପାହାଡ଼ ଚଢ଼ିବାର ମଜା ଉଠାଇବାକୁ ପ୍ରତେକ ବର୍ଷ ଡିସେମ୍ବର ଏବଂ ଜାନୁଆରୀ ମାସ ରେ ଏଠାରେ ବେଶ ଗହଳି ହୋଇଥାଏ ପର୍ଯ୍ୟଟକ ମାନଙ୍କର | ତେଣୁ ଏହା ଏକ ପର୍ଯ୍ୟଟନ ସ୍ଥଳୀ ର ମାନ୍ୟତା ଲାଭ କରିଛି ଓଡିଶା ସରକାରଙ୍କର ଦ୍ୱାରା | ଏଠାରେ ଥିବା ହରିଣ ପାର୍କ ତଥା ମନ୍ଦିରର ସୌନ୍ଦର୍ଯ୍ୟ ବୃଦ୍ଧି ପାଇଁ ଆଜି ଏକ ଉଦଘାଟନ ଉତ୍ସବ ରେ ମୁଖ୍ୟ ଅତିଥି ଭାବେ ଖଣ୍ଡପଡା ନିର୍ବାଚନ ମଣ୍ଡଳୀର ବିଧାୟକ ଶ୍ରୀଯୁକ୍ତ ସୌମ୍ୟରଂଜନ ପଟନାୟକ ଯୋଗଦେଇଥିଲେ | ଏହି ପର୍ଯ୍ୟଟନସ୍ଥଳୀ ଟି କେମିତି ଅତ୍ୟନ୍ତ ମନମୁଗ୍ଧକର ହେବ ସେ ବିଷୟରେ ଏହି ସଭାରେ ଆଲୋଚନା କରାଯାଇଥିଲା | ରାଜ୍ୟସରକାରଙ୍କ ତରଫରୁ ଏହି ପର୍ଯ୍ୟଟନ ସ୍ଥଳୀ ର ସୌନ୍ଦର୍ଯ୍ୟକରଣ ପାଇଁ ଆବଶ୍ୟକୀୟ ରାଶି ଯୋଗାଇଦିଆଯିବ ବୋଲି ବିଧାୟକ ସୂଚନା ଦେଇଥିଲେ |