29-Oct-2026

ଟିଟିଲାଗଡ(ପ୍ରେରଣା ଖବର)- ସରକାର ସରକାରୀ ଅଧିକାରୀ ତଥା କର୍ମଚାରୀ ମାନଙ୍କ ରହିବା ପାଇଁ କ୍ୱାର୍ଟର ତିଆରି ରହିବାକୁ ଦେଇଥାନ୍ତି। ତା ସହ ମଝି ମଝିରେ ସେହି ଘର ମାନଙ୍କ ମରାମତି କରାଇଥାନ୍ତି। କିନ୍ତୁ ପରିତାପର ବିଷୟ ଯେ ପୂର୍ତ୍ତ ବିଭାଗ ପକ୍ଷରୁ ଟିଟିଲାଗଡର ପୁରୁଣା ସରକାରୀ ଡାକ୍ତରଖାନା ପରିସରରେ ରହୁଥିବା ଶିଶୁ ରୋଗ ବିଶେଷଜ୍ଞଙ୍କ କ୍ୱାର୍ଟର ମରାମତି କାମ ଛ ମାସ ବିତି ସାରିଥିଲେ ବି ସମ୍ପୂର୍ଣ୍ଣ ହୋଇପାରିନାହିଁ । ନିର୍ମାଣ ତଥା ମରାମତି କାମକୁ ନେଇ ଉଠିଛି ପ୍ରଶ୍ନ। । ଦୀର୍ଘ ଛଅ ମାସ ବିତି ସାରିଥିଲେ ବି ହୋଇପାରି ନାହିଁ ମରାମତି କାମ। ଅଧାପନ୍ତରିଆ କାମକୁ ନେଇ ଏବେ ନାନା ପ୍ରଶ୍ନ ଉଠିବାରେ ଲାଗିଛି। ଆସନ୍ତୁ ନଜର ପକାଇବା ସମ୍ପୂର୍ଣ୍ଣ ଏବଂ ଅସମ୍ପୂର୍ଣ୍ଣ ରହିଥିବା କାର୍ଯ୍ୟର ତାଲିକା ଉପରେ। ଯେଉଁ ଯେଉଁ କାମ ସମ୍ପୂର୍ଣ୍ଣ ଭାବେ ଶେଷ ହୋଇଛି ସେଗୁଡ଼ିକ ହେଲା ​କାନ୍ଥର ଚୂନ ଓ ରଙ୍ଗ କାର୍ଯ୍ୟ,​କବାଟ ମରାମତି କାର୍ଯ୍ୟ, ​ନାଳ ବା ଡ୍ରେନେଜ୍ ମରାମତି କାର୍ଯ୍ଯ, ତଳର ଟାଇଲ୍ସ ମରାମତି କାମ,ତା ସହ ଛାତ ମରାମତି କାର୍ଯ୍ୟ ମଧ୍ୟ ସମ୍ପନ୍ନ ହୋଇଛି କିନ୍ତୁ ଅନ୍ୟପଟେ ଅନେକ ଗୁରୁତ୍ୱପୂର୍ଣ୍ଣ କାମ ଏବେ ବି ଅଧୁରା ପଡ଼ିରହିଛି ସେଗୁଡ଼ିକ ହେଉଛି ​ପ୍ରଥମତଃ ଛାତ ମରାମତି ପରେ ମଧ୍ୟ ସେଥିରୁ ପାଣି ଗଳିବା ବନ୍ଦ ହୋଇନାହିଁ,​ଦ୍ୱିତୀୟତଃ, ଚାରିପାଖ ସୀମା ବା ବାଉଣ୍ଡରୀର ରଙ୍ଗ କାମ ପାଖାପାଖି ୧୦ ପ୍ରତିଶତ ବାକି ରହିଛି,ସେହିପରି କବାଟ ଓ ଝରକାର ରଙ୍ଗ କାମ ମଧ୍ୟ ଅଧୁରା ରହିଛି।ତୃତୀୟତଃ, ମରାମତି ପରେ ବାହାରିଥିବା ପାଖାପାଖି ଗୋଟିଏ ଟ୍ରାକ୍ଟର ଅଳିଆ ଆବର୍ଜନା ସେହିପରି ପଡ଼ିରହିଛି, ଯାହା ଏପର୍ଯ୍ୟନ୍ତ ସଫା କରାଯାଇ ନାହିଁ।ଏଭଳି ସ୍ଥିତିରେ ପ୍ରଶ୍ନ ଉଠୁଛି, କାମ ସରିବା ପରେ ବି ଛାତରୁ ପାଣି ଝରିବା ଏବଂ ପରିସରରେ ଆବର୍ଜନା ପଡ଼ିରହିବା କାହାର ଦାୟିତ୍ୱହୀନତା ? ବାକି ଥିବା କାର୍ଯ୍ୟ କେବେ ସମ୍ପୂର୍ଣ୍ଣ ହେବ, ଯେଉଁଥି ପାଇଁ ଦୀର୍ଘ ୬ମାସରୁ ଉର୍ଦ୍ଧ ହେବ ସେହି ସରକାରୀ ଘରେ ରହୁଥିବା ଡାକ୍ତର ନାନା ଅସୁବିଧାର ସମ୍ମୁଖୀନ ହେଉଛନ୍ତି। ଅଧିକାରୀଙ୍କ ଦାୟିତ୍ୱହୀନତା ତଥା ଖାମ ଖିଆଲ ମନୋଭାବ ଯୋଗୁଁ କ୍ୱାର୍ଟରରେ ରହୁଥିବା ଡାକ୍ତର ଏବଂ ତାଙ୍କ ପରିବାର ହଇରାଣ ହେଉଛନ୍ତି। ତାହା କେବେ ସମ୍ପୂର୍ଣ୍ଣ ହେବ ଦେଖିବାକୁ ରହିଲା।