25-Sep-2022

ବଲାଙ୍ଗୀର,-ବଲାଙ୍ଗୀର ଜିଲ୍ଲାରେ ବିକାଶ ଅଟକିଯାଇଛି । ଅନୁଦାନ ଆସୁଛି କିନ୍ତୁ ତାହା ଖର୍ଚ୍ଚ ହୋଇପାରୁନି । ଜିଲ୍ଲାର ଅନେକ ପ୍ରକଲ୍ପ ଅଧାରେ ପଡିରହିଛି । ସରକାର ଜାଣିଶୁଣି ବୈମାତୃକ ମନୋଭାବ କାରଣରୁ ଜିଲ୍ଲାକୁ ଅବହେଳା କରୁଛନ୍ତି ବୋଲି କହି ବଲାଙ୍ଗୀର ବିଧାୟକ ତଥା କଂଗ୍ରେସବିଧାୟକଦଳ ନେତା ଗତ ତିନିଦିନ ତଳେ ଏକ ସାମ୍ବାଦିକ ସମ୍ବଳନୀରେ ରାଜ୍ୟସରକାରଙ୍କୁ ଟାର୍ଗେଟ କରିଥିଲେ । ନରସିଂହ ଅଭିଯୋଗ କରିଥିଲେ ଯେ,ପୂର୍ବଓଡିଶାରେ ସରକାର ପ୍ରକଲ୍ପମାନଙ୍କରେ ପ୍ରଚୁର ଅନୁଦାନ ଦେଇ ଖର୍ଚ୍ଚ କରୁଛନ୍ତି । କିନ୍ତୁ ବଲାଙ୍ଗୀର ଭଳି ଅନୁନ୍ନତ ଜିଲ୍ଲାର କଲେଜରେ ଅଧ୍ୟାପକ ନାହ.ଡାକ୍ତରଖାନାରେ ଆବଶ୍ୟକ ଡାକ୍ତର ନାହାଁନ୍ତି । ଶିକ୍ଷା ଓ ସ୍ୱାସ୍ଥ୍ୟ ବିଭାଗ ଭୁଷୁଡି ପଡିଛି । ବଲାଙ୍ଗୀରରେ ମେଡିକାଲ କଲେଜ ଖୋଲିଥିଲେ ହେଁ ସେଠାରେ ଡାକ୍ତର ନାହାଁନ୍ତି । ଠିକ ସେହିପରି ରାଜେନ୍ଦ୍ର କଲେଜକୁ ବିଶ୍ୱବିଦ୍ୟାଳୟ କରାଗଲା କିନ୍ତୁ ଦୁଇବର୍ଷ ପରେ ମଧ୍ୟ ଆବଶ୍ୟକ ଅଧ୍ୟାପକ କିମ୍ବା କର୍ମଚାରୀ ଦିଆଯାଇ ନାହିଁ । ଜଳସେଚନ ହାର ବଢାଇବାରେ ତଥା ଲୋୟରସୁକତେଲ ପ୍ରକଲ୍ପକୁ ସାରିବାରେ ସରକାରଙ୍କ ଆନ୍ତରିକତା ନାହିଁ ବୋଲି ଗଣମାଧ୍ୟମରେ ଅଭିଯୋଗ ଉଠାଇଥିଲେ ଓ ସରକାରଙ୍କ ଏଭଳି ବୈମାତୃକ ମନୋଭାବରୁ ରାଜ୍ୟ ଆଗାମୀଦିନରେ ବିଭାଜିତ ହେବାକୁ ଯାଉଛି ବୋଲି କହିଥିଲେ । 

 ତେବେ ଏହାର ଜବାବ ରଖିଛନ୍ତି ଟିଟିଲାଗଡ ବିଧାୟୀକା ତଥା ଜଳସଂପଦ,ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନୀ ସାହୁ । ଶୁକ୍ରବାର ବଲାଙ୍ଗୀର ସାମ୍ବାଦିକଭବନରେ ଆୟୋଜିତ ଏକ ସାମ୍ବାଦିକ ସମ୍ବିଳନୀରେ ଗଣମାଧ୍ୟମର ପ୍ରଶ୍ନରେ ମନ୍ତ୍ରୀ ବଲାଙ୍ଗୀର ଜିଲ୍ଲାକୁ ନବୀନ ପଟ୍ଟନାୟକ ଦେଇଥିବା ବିକାଶ ପ୍ରକଲ୍ପ ଓ ଅନୁଦାନର ହିସାବ ଦେଇଛନ୍ତି । ମନ୍ତ୍ରୀ ଶ୍ରୀମତୀ ସାହୁ କହିଛନ୍ତି ଯେ,ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫୋକସରେ ବଲାଙ୍ଗୀର ଜିଲ୍ଲା ରହିଛି । ଆମେ ଯେତେବେଳେ ଯାହା ଦାବି ରଖିଛୁ ତାକୁ ପୂରଣ କରୁଛନ୍ତି । ବିକାଶ ଗୋଟିଏ ଦିନରେ ହୁଏ ନାହିଁ ବରଂ ଏକ ପ୍ରସେସରେ ହୁଏ । ନବୀନ ସରକାର ଅମଳରେ ବଲାଙ୍ଗୀରରେ ମେଡିକାଲ କଲେଜ ହେଲା,ରାଜେନ୍ଦ୍ର ମଗାବିଦ୍ୟାଳୟକୁ ବିଶ୍ୱବିଦ୍ୟାଳୟ କରାଗଲା,ଜଳସେଚନ ପାଇଁ ଲୋୟରସୁକତେଲ ପ୍ରକଲ୍ପକୁ ପ୍ରାଧାନ୍ୟଦେଇ ହଜାର ହଜାର କୋଟିର ଅନୁଦାନ ଦିଆଯାଇଛି । ଡେମକାମ ଓ ସ୍ପିଲୱେକାମ ସରିବାକୁ ଯାଉଥିବା ବେଳେ ଉଭୟ ପଟର ଭୂତଳ ପାଇପଲାଇନ କାମ ପାଇଁ ୧୬୫୦କୋଟି ଟଙ୍କାର ଅନୁଦାନ ଦିଆଯାଇଛି । ସେହିପରି ଜିଲ୍ଲାରେ ଜଳସେଚନ ହାର ବଢାଇବାକୁ ଅଧିକ ୮ଟି ଭୂତଳଜଳ ଭଣ୍ଡାର,ନଦୀରେ ବ୍ୟାରେଜ,ମେଗା ଉଠାଜଳସେଚନ ପ୍ରକଲ୍ପ ଇତ୍ୟାଦି କରାଯାଉଛି । ବସଟର୍ମିନାଲ,ଟ୍ରକଟର୍ମିନାଲ ଓ ଆହୁରି ଅନେକ ପ୍ରକଲ୍ପ କାମ ଚାଲୁରହିଛି । ସେହିପରି ଗ୍ରାମାଞ୍ଚଳକୁ ପାନୀୟଜଳ ଯୋଗାଣ ପାଇଁ ବୃହତଉଠାଜଳସେଚନ ପ୍ରକଲ୍ପଗୁଡିକ ଅନୁମୋଦନ କରାଯାଇଛି । ଜିଲ୍ଲାର ହରିଶଙ୍କର ସମେତ ଅନ୍ୟାନ୍ୟ ପର୍ଯ୍ୟଟନକ୍ଷେତ୍ରର ବିକାଶ ପାଇଁ ଶହଶହ କୋଟିର ଅନୁଦାନ ଦିଆଯାଇଛି । ରୋଡ,ବ୍ରୀଜ ଓ ଅନ୍ୟାନ୍ୟ ଭିତ୍ତିଭୂମି କାମ ଚାଲୁରହିଛି ବୋଲି କହିବା ସହିତ ବିରୋଧି ତାଙ୍କର ସମାଲୋଚନା କରୁଥାନ୍ତୁ । ନବୀନ ସରକାର କଥାରେ ନୁହେଁ କାମରେ ବିଶ୍ୱାସ କରେ ବୋଲି ମନ୍ତ୍ରୀ ଟୁକୁନୀ ସାହୁ କହି ନରସିଂହଙ୍କ ଅଭିଯୋଗର ଜବାବ ରଖିଛନ୍ତି ।