28-Aug-2022

ସଇଁନ୍ତଳା, ବଲାଙ୍ଗୀର ବନବିଭାଗର ର ନିର୍ଦ୍ଦେଶରେ ତଥା ସଇଁନ୍ତଳା ରେଞ୍ଜର ସହାୟତାରେ ଆଜି ସଇଁନ୍ତଳା ରେଞ୍ଜ ଅନ୍ତର୍ଗତ ଝିଙ୍କେମାଲ ଓ ମିର୍ଦ୍ଧା ପଡା ଗାଁ ରେ  ପୃଥକ ପୃଥକ ଭାବରେ l ଦୁଇ ଜଣ ବ୍ଯକ୍ତିଙ୍କ ଘରେ ଚଢ଼ଉ କରାଯାଇଥିଲା । ଡୁମେରଜୋର୍ ବିଟ୍ ଅଧୀନରେ ଥିବା ଏହି ଦୁଇ ଗାଁ ରେ ଏକକାଳୀନ ଚଢ଼ଉ କରାଯାଇଥିଲା । ଝିଙ୍କେରମା ଗାଁ ର ମଗଶିର ମିର୍ଦ୍ଧା ଓ ମିର୍ଦ୍ଧାପଡା ଗାଁ ର ରଂଜିତ ମିର୍ଦ୍ଧା ଙ୍କ ଘରୁ ବିପୁଳ ପରିମାଣରେ କାଠ ଜବତ କରିଛି ବନ ବିଭାଗ । ବଲାଙ୍ଗୀର ଡିଭିଜନାଲ ଫେରଷ୍ଟ ଅଫିସ ର ଏସିଏଫ୍ ଙ୍କ ନେତୃତ୍ୱରେ ଏହିଚଢ଼ଉ ହୋଇଥିବା ବେଳେ ଅଭିଯୁକ୍ତଙ୍କ ଘରୁ ୩୨ ଟି ବିଜା ପଟା, ୧୬ଟି ଶାଗୁଆନ କାଠର ଓ ଗୋଟିଏ ବିଜା କାଠର ପଲଙ୍କ ଜବତ କରାଯାଇଛି । ଏହି ଘଟଣାରେ ସଂପୃକ୍ତ ଥିବା ଦୁଇ ଅଭିଯୁକ୍ତ ଘଟଣାସ୍ଥଳରୁ ଫେରାର୍ ମାରିଛନ୍ତି ।  ରେଞ୍ଜ ଅଫିସର ସଂଘମିତ୍ରା ଭୋଇ, ବ୍ୟାସଦେବ ଭୋଇ, ଫରେଷ୍ଟର କାମେଶ୍ୱର ତାଣ୍ଡି, ରମେଶ ଧରୁଆଙ୍କ ସମେତ ଫରେଷ୍ଟ ଗାର୍ଡ ସତ୍ୟାନନ୍ଦ ପ୍ରଧାନ. ରଂଜିତ କୁମ୍ଭାର, ଅଶୋକ ସେଠ ପ୍ରମୁଖ ଙ୍କ ତତ୍ତ୍ୱାବଧାନରେ ଏହି ଚଢ଼ଉ ହୋଇଥିଲା । 
(ଅନ୍ତର୍ଯ୍ୟାମୀ ସାହୁ ଙ୍କ ରିପୋର୍ଟ)